Skessuhorn - 27.05.2014, Side 76

76 SVEITARSTJÓRNAKOSNINGAR X-2014 ÞRIÐJUDAGUR 27. MAÍ 2014
Nafn á framboði: Frjálsir með
Framsókn, X-B
Nafn og aldur: Ingibjörg Pálma-
dóttir, 65 ára, skipar 1. sæti.
Atvinna: Sjálboðaliði í Velferðar-
sjóði barna og formaður stjórnar
Hjálparstarfs kirkjunnar. Annars er
ég hjúkrunarfræðingur.
Hjúskapur og fjölskylda: Gift
Haraldi Sturlaugssyni, á með hon-
um fjóra syni, yndislegar tengda-
dætur og að minnsta kosti 12
barnabörn.
Búseta: Náttúrlega á Akranesi.
Núverandi og fyrrverandi störf
að sveitarstjórnarmálum: Aðal-
lega fyrrverandi, bæði hitt og þetta
og þó sérstaklega hitt. Var í bæjar-
stjórn í tíu ár og á Alþingi í önnur
tíu ár, þar af sex ár sem ráðherra.
„Við viljum stuðla að lifandi og
skemmtilegu samfélagi þar sem all-
ir fá að njóta sín, hver á sínum for-
sendum. Þetta byggir á nokkrum
meginstoðum. Við ætlum að bæta
miðbæjarskipulagið, glæða gamla
bæinn lífi. Framtíðarskipulagið
þarf að tengja vel saman miðbæinn,
höfnina og Langasand. Það er mik-
ilvægt að Faxaflóhafnir standi við
gerða samninga um nútímavæð-
ingu Akraneshafnar, við munum
fylgja því fast eftir. Sjúkrahúsið er
einn af mikilvægustu hornsteinum
samfélagsins, bæjarstjórn verður að
vinna þéttar með stjórnendum spít-
alans. Þá viljum við sjá til þess að
umgjörð og aðstaða í íþróttamann-
virkjum og skólum sé í fremstu röð.
Við höfum lagt fram ákveðna for-
gangsröðun í þeim efnum. Sérstök
áhersla verður á tæknilega inn-
viði í skólunum. Í dagvistarmálum
höfum við skýra stefnu um aukinn
sveigjanleika fyrir börn og foreldra.
Við erum stolt af Höfða en viljum
styrkja öryggisnet fullorðins fólks
sem býr heima. Frjálsir með fram-
sókn eru með skýra stefnu í málefn-
um fatlaðra, þar á hver að geta not-
ið sín á sínum forsendum. Við vilj-
um auka samstarf við sveitirnar hér
í kringum okkur til að bjóða upp á
fjölbreytta valkosti í ferðamálum.
Þegar allt þetta er lagt saman og er
í góðu lagi, þá munu fleiri sjá Akra-
nes sem afburðakost til búsetu og
ferðamenn munu laðast að okkur
sem aldrei fyrr! Meira um stefnu-
mál okkar má finna á Facebook,
á heimasíðu okkar www.fmf.is og
í bæklingi sem borinn var í hvert
hús,“ segir Ingibjörg.
Hvernig finnst Ingibjörgu hafa
til tekist hjá núverandi sveitar-
stjórn? „Ætli þeir hafi ekki reynt að
gera sitt besta.“
Um þrjár óskir og ef hún gæti
töfrað, segir Ingibjörg að ef all-
ir gætu fengið að njóta sín í samfé-
laginu hver á sínum forsendum, þá
væri ekki hægt að biðja um meira.
„Íbúum hefur fjölgað hér jafnt
og þétt á síðustu árum enda hefur
bærinn upp á margt að bjóða. At-
vinna er góð, hér er gott að vera
ungur og gamall, umhverfið er fag-
urt og á eftir að verða enn betra.
Hvar í veröldinni annars staðar
gæti fólk hugsað sér að búa? Það er
því morgunljóst að hér mun áfram
fjölga fólki.“
Stærsta ógnin að mati Ingibjarg-
ar eru fíkniefnin. „Þau er eitt af
því sem ég hræðist mest. Þau valda
gríðarlegum skaða og sorg. Þau eru
mesta ógnin sem steðjar að þessu
glæsilega og vel gerða unga fólki
okkar.“ Tækifærin sér hún mörg.
„Krafturinn og metnaðurinn í fólk-
inu sem býr á Skaganum er mik-
ill. Staðsetning bæjarins gæti varla
verið betri þannig að tækifærin eru
mörg.“
Hve mörgum spáir þú að Frjáls-
ir með framsókn nái inn í bæjar-
stjórn: „Satt að segja fer það eftir
því hversu margir kjósa okkur, því
fleiri því betra.“
Hver er að þínu mati fallegasti
staður í þínu sveitarfélagi: „Lamb-
húsasund á sumarkvöldi þegar sól
sígur í ægi og rís samstundis aftur
til nýs dags. Það er himnesk feg-
urð.“ Lokaorðin eru svo: „Mundu
mig, ég man þig“
Nafn framboðs og listabókstaf-
ur: Björt framtíð Akranesi, X-Æ
Nafn og aldur: Vilborg Þórunn
Guðbjartsdóttir, 42 ára.
Atvinna: Kennari og deildarstjóri
í Brekkubæjarskóla á Akranesi.
Leikjafrömuður og leiðsögumaður
í aukastarfi.
Hjúskaparstaða og fjölskylda:
Ferðast að mestu án farangurs en á
heimsins bestu ættingja.
Búseta: Akranes.
Núverandi og fyrri störf að
sveitarstjórnarmálum: Hef ekki
mikið komið að sveitarstjórnarmál-
um áður en ef það telst með var ég
þó fyrir nokkrum árum í starfshópi
á vegum Akraneskaupstaðar varð-
andi uppbyggingu og afþreyingar-
möguleika í Garðalundi.
„Hjá Bjartri framtíð grundvallast
stefnumálin á þeirri einföldu hug-
myndafræði að virkja sem flesta
til þátttöku og ábyrgðar á því að
skapa gott samfélag, segir Vilborg
aðspurð um helstu stefnumálin.
„Við leggjum áherslu á mannrétt-
indi, samvinnu og jöfn tækifæri
og við fögnum fjölbreytileikanum.
Með þessi grunngildi að leiðarljósi
leggjum við m.a. áherslu á að Akra-
neskaupstaður uppfylli lögbundn-
ar skyldur sínar á sviði jafnréttis-
mála, að Mannréttindastefna Akra-
neskaupstaðar verði virk á öllum
sviðum stjórnsýslunnar og að mið-
að verði að auknu samráði við íbúa,
félagasamtök og atvinnulíf. Ljúka
þarf endurskoðun á umhverfis-
stefnu Akraneskaupstaðar og inn-
leiða hana. Við stefnum einnig að
því að á Akranesi verði skapað um-
hverfi þar sem stutt er við frum-
kvöðlastarf og sprotastarfsemi til
að stuðla að fjölbreyttara atvinnu-
lífi. Stefnuskrána okkar í heild er
annars að finna á vefsíðunni bjort-
framtidakranes.net.
Vilborg segir að ýmislegt hafi
verið vel gert hjá núverandi bæjar-
stjórn. „Til dæmis eru íbúalýðræð-
ismálin eru á réttri leið og fjárhags-
stjórnunin virðist hafa gengið vel
og náðst að greiða niður skuldir.
Einnig kom Akraneskaupstaður að
mestu leyti vel út í þjónustukönn-
unum sem gerðar voru. Það sem
hefði mátt betur fara er t.d. hvern-
ig staðið hefur verið að því að taka
yfir málefni fatlaðra en þar hefur
vantað mikið upp á samráð. Einnig
hefur láðst að klára endurskoðun á
umhverfisstefnu Akraneskaupstaðar
og jafnréttismálum hefur ekki verið
sinnt sem skyldi. Það er því kominn
tími til að sinna þessum málaflokk-
um af þeirri alúð sem sæmir bæjar-
félagi sem vill vera í fremstu röð.“
Ef þú fengir þrjár óskir fyrir þitt
bæjarfélag og töframaður myndi
galdra þær, hverjar yrðu þær? „Að
mannréttindasjónarmið væru ávallt
í forgrunni í öllum ákvörðun-
um sem teknar eru á vegum bæj-
arfélagsins. Að Sementsreiturinn
og hafnarsvæðið væri orðinn eitt
helsta aðdráttarafl Akraness með
margvíslegri lista- ,menningar- og
atvinnustarfsemi. Að kominn væri
göngu- og hjólreiðastígur með-
fram strandlengjunni og hringinn í
kringum Akranes með fræðsluskilt-
um á völdum stöðum.“
Vilborg býst við áframhaldandi
íbúafjölgun. „Íbúum hefur fjölg-
að nokkuð jafnt og þétt á Akra-
nesi á undanförnum árum og ekk-
ert nema gott um það að segja. Það
er útlit fyrir aukna atvinnustarf-
semi á Grundartangasvæðinu og
gangi það eftir ætti Skagamönnum
að fjölga enn frekar. Það er því ekki
óraunhæft að segja að eftir fjögur ár
verði íbúafjöldi á Akranesi kominn
rétt upp undir 7000.“
Hverjar eru stærstu ógnir bæjar-
félagsins? „Of einhæft atvinnulíf er
eitthvað sem við þurfum að forðast
þar sem varasamt er að vera of háð
örfáum atvinnugreinum. Nálægð-
in við Reykjavík getur einnig vald-
ið því að Akranes festist í sessi sem
svefnbær þar sem íbúarnir sækja
vinnu og ýmsa þjónustu til höf-
uðborgarsvæðisins. Stærstu tæki-
færin segir Vilborg liggja í nýjum
atvinnutækifærum og möguleik-
um sem fylgja vaxandi þjónustu við
ferðamenn og uppbyggingu á Sem-
entsreitnum. „Einnig vil ég nefna
nálægðina við Reykjavík sem tæki-
færi, ekki bara ógn, því sé rétt stað-
ið að málum ættum við að geta lað-
að til bæjarins atvinnustarfsemi og
íbúa sem sjá framtíðarmöguleika
á því að vera hérna megin gang-
anna.“
Um möguleika síns lista seg-
ir hún. „Einn bæjarfulltrúi var það
markmið sem við lögðum upp með
og allt umfram það væri frábær ár-
angur fyrir nýtt framboð. Ég ætla
að vera bjartsýn og spá því að við
fáum tvo fulltrúa inn.“
Hver er að þínu mati falleg-
asti staðurinn í þínu sveitarfélagi?
„Strandlengjan við Akranes er al-
gjört augnayndi.“
Eitthvað að lokum? „X-Æ í maí,
ókey bæ.“
Elías Jóhannesson
Elías segir að umhverfis- og út-
litsmál séu mikilvægustu málin til
úrlausna á Akranesi næstu fjögur
árin. „Að mínu mati þarf að fegra
bæinn með
því að koma
s t o f n u n -
um og öðr-
um eign-
um bæjar-
ins í betra
form.“ Að-
s p u r ð u r
um fram-
boðslistana á Akranesi segist Elías
hafa kynnt sér þá mjög vel. „Ég er
búinn að stúdera þetta mikið og
tek eftir miklum breytingum. Það
er mikið af ungu fólki að bjóða sig
fram núna en ég hefði viljað sjá
meira af eldra og reyndara fólki í
framboði.“ Elías segist ekki geta
spáð fyrir um úrslit kosninganna
en á helst von á því að staðan á
Akranesi verði frekar óbreytt eftir
kosningarnar.
Stefán Lárus Pálsson
Helstu úrlausnarefnin á Akra-
nesi næsta kjörtímabils ættu að
mati Stefáns að vera málefni aldr-
aðra. „ Ég vil t.d. sjá að það verði
hér eitthvað dvalarheimili en ekki
einungis legu- og sjúkradeild eins
og Höfði er alfarið orðinn. Auk
þess þarf að bæta heimaþjónustu
aldraðra en hún er mjög fjarri því
að vera nógu góð.“ Stefán tel-
ur listana á Akranesi innihalda
gott fólk en
segir að lít-
ill munur sé
á stefnumál-
um. „Ég tel
að þetta sé
allt ágætis
fólk en það
er ekkert sem
greinir á milli helstu mála. Það er
afar lítið sem við getum í raun
spilað með til að taka ákvörð-
un þar sem allir eru að tala sama
máli.“ Stefán var tilbúinn að spá
fyrir um úrslit kosninganna. „Ég
sé fyrir mér að Sjálfstæðismenn
fái þrjá fulltrúa kjörna, Frjálsir
með Framsókn tvo, Samfylking
einnig tvo og svo fá Björt fram-
tíð og Vinstri grænir einn fulltrúa
hvor.“
Ingibjörg Haraldsdóttir
Ingibjörg telur að nokkur mál eigi
að vera í forgangi sem úrlausn-
arefni á Akranesi næstu fjögur
árin. „Mér finnst fyrst og fremst
að bæta þurfi
s k ó l a m á l i n
hér í bænum.
Sem dæmi
myndi ég vilja
fá sér ung-
lingaskóla. Þá
finnst mér að
bæjaryfirvöld
ættu að láta laga göngustíga á efri
Skaganum og gera eitthvað í sam-
bandi við gömlu húsin sem standa
mikið til auð og skemmd á neðri
Skaganum. Einnig þarf að mínu
mati að gera eitthvað til að fá fleiri
ferðamenn til Akraness.“ Aðspurð
um framboðslistana á Akranesi
segir Ingibjörg að hún sé ánægð
með frambjóðendur en hefði frek-
ar viljað persónukjör. Hún tel-
ur sig ekki geta spá fyrir um úr-
slit kosninganna: „Ég er ekki búin
að ákveða hvað ég kýs en er hrædd
um að sjálfstæðismenn gætu orðið
of stórir fyrir minn smekk.“
Írena Bylgja Einarsdóttir
Írena telur að þau mál sem
ættu að vera
helst til úr-
lausna á Akra-
nesi á næsta
k jör t ímab i l i
séu íþrótta-
og skóla-
mál. „Mál-
efni íþrótta og
skóla er eitthvað sem alltaf má
bæta og þarf að skoða á hverju
kjörtímabili.“ Aðspurð um fram-
boðslista á Akranesi segist Írena
hafa kynnt sér þá vel og líst henni
vel á þá frambjóðendur sem í
boði eru. Írena sagðist ekki get-
að spáð því hvernig kosningarn-
ar munu fara. „Nei, ég hef ekki
hugmynd um hvernig þetta fer.“
Björt framtíð
á Akranesi
Frjálsir með framsókn á Akranesi
Hvað segja kjósendur á Akranesi?