Skessuhorn - 27.05.2014, Side 82

82 SVEITARSTJÓRNAKOSNINGAR X-2014 ÞRIÐJUDAGUR 27. MAÍ 2014
Nafn framboðs og listabókstaf-
ur: Samstaða Bæjarmálafélag, X-L
Nafn og aldur: Eyþór Garðars-
son, skipar 1. sæti listans.
Atvinna: Sjúkraflutningsmaður
HVE Grundarfirði og starfsmaður
KB bílaverkstæðis.
Hjúskaparstaða og fjölskylda:
Giftur Elínrósu M Jónsdóttir og
eigum við þrjú börn og tvö barna-
börn, sem búa öll í Grundarfirði.
Búseta: Grundarfjörður.
Núverandi og fyrri störf að
sveitarstjórnarmálum: „Bæjar-
fulltrúi, er búinn að vera fjögur
ár í bæjarráði og formaður bæjar-
ráðs síðustu tvö ár. Er í Heilbrigð-
isnefnd Vesturlands, starfshóp um
almenningssamgöngur og svæðis-
skipulagsnefnd um stofnun Svæð-
isgarðs Snæfellsnes.“
Eyþór segir helstu stefnumál L-
listans vera áframhaldandi ábyrga
fjármálastjórn. „Það þarf að ná
skuldahlutfalli niður fyrir lög-
bundið hámark. Undirbúningur að
stækkun hafnarinnar hefur nú þeg-
ar verið samþykktur í hafnarstjórn
og teljum við að sú stækkun, sem
liggur fyrir, sé nauðsynleg til þess
að geta veitt framúrskarandi þjón-
ustu við fyrirtæki í sjávarútvegi og í
ferðaþjónustu. Standa þarf vörð um
opinber störf og þjónustu í Grund-
arfirði með áherslu á heilsugæslu og
löggæslu. Hlúa þarf að félagslegri
þjónustu. Það þarf að sýna áfram-
haldandi við félagsstarf eldri borg-
ara, starf ungmennafélags og alla
félagsstarfsemi.Við styðjum heils-
hugar við nýstofnaðan Svæðisgarðs
Snæfellsness og teljum það gott
sóknarfæri. Leita þarf leiða til frek-
ara samstarfs við nágrannasveitar-
félög þar sem hagsmunir eru sam-
eiginlegir og greiða fyrir atvinnu-
uppbyggingu í sveitarfélaginu.“
Hvernig finnst þér til hafa tekist
hjá núverandi sveitarstjórn? „Gríð-
arlega erfið fjárhagsstaða blasti við
í upphafi kjörtímabilsins. Skuld-
ir voru um 260% af tekjum, en um
síðustu áramót var skuldahlutfall-
ið komið niður í 173%. Sú stefna
var tekin að standa vörð um grunn-
þjónustuna og t.d. halda áfram að
taka eins árs börn inn í leikskóla
þó svo að kostnaður við það sé
hærri. Byrjað var að spjaldtölvu-
væða grunnskólann og er hann nú
í fremstu röð grunnskóla á landinu
í notkun spjaldtölva. Haldið verð-
ur áfram á þeirri braut. Ekki var
hægt að standa í miklum verkleg-
um framkvæmdum en áhersla hef-
ur verið lögð á viðhald eigna.“
Ef þú fengir þrjár óskir fyrir þitt
sveitarfélag og töframaður myndi
galdra þær, hverjar yrðu þær? „Að
ríkið stæði betur að þeirri þjónustu
sem það á að veita. Til dæmis heilsu-
gæslu, löggæslu, viðhaldi vega og
að kostnaður við húshitun væri sá
sami á öllu landinu. Að Orkuveita
Reykjavíkur stæði við samning um
að hitaveituvæða Grundarfjörð. Að
skuldahlutfall bæjarins væri lægra
og framkvæmdafé meira.“
Eyþór segir íbúafjölda ekki hafa
þróast í rétta átt síðustu ár. „Okkur
hefur verið að fækka en ég held að
það eigi eftir að snúast til betri veg-
ar og innan tíðar fer okkur að fjölga
aftur. T.d. er börnum að fjölga um-
talsvert í leikskólanum.“
Eyþór telur einhæfni í atvinnu-
lífi vera helstu ógn bæjarfélagsins
en segir tækifærin blasa við. „Sam-
vinna íbúa á Snæfellsnesi til dæmis
með tilkomu á nýs svæðisgarðs og
samheldni íbúa, trú á framtíðina,
sóknarfæri í sjávarútvegi og ferða-
þjónustu.“
Hve mörgum mönnum spáir þú
að þinn listi nái inn í sveitarstjórn?
„Við hjá Samstöðu höfum verið í
meirihluta og vona ég að Grund-
firðingar treysti okkur til að halda
áfram með það verkefni sem við
tókum við fyrir fjórum árum.“
Hver er að þínu mati falleg-
asti staðurinn í þínu sveitarfélagi?
„Kirkjufellið og bæjarstæðið.“
Eitthvað að lokum? „Ég hef full-
an trú á að Grundfirðingar standi
saman og gott samfélag sé lykill að
velgengni, þess vegna vona ég að
við í Samstöðu munum fá áfram-
haldandi umboð til góðra verka. Ég
er ánægður með það hvernig stað-
ið var að vali á lista Samstöðu og er
ég viss um að allir sem eru á lista
muni leggja sig fram í þágu Grund-
arfjarðar og gera gott bæjarfélag
enn betra. Ég vil nota tækifærið
og hvetja bæjarbúa til þess að nýta
kosningarrétt sinn þann 31. maí nk.
og setja X við L.“
Nafn framboðs og listabókstafur:
Framboð Sjálfstæðisfélags Grund-
arfjarðar og óháðra, X-D
Nafn og aldur: Rósa Guðmunds-
dóttir, 32 ára, skipar 1. sæti listans.
Atvinna: Framleiðslustjóri hjá
Guðmundi Runólfssyni hf.
Hjúskaparstaða og fjölskylda:
Makalaus, hundurinn Oliver býr hjá
mér. Hann telst held ég samt ekki
til barna.
Búseta: Grundargata 69 - eða G69.
Núverandi og fyrri störf að sveit-
arstjórnarmálum: Hef setið í Bæj-
arstjórn frá 2006 og allnokkrum
nefndum og ráðum á vegum bæj-
arins.
Rósa segir að helstu stefnumál D-
listans séu að fá Orkuveitu Reykja-
víkur til að standa við hitaveitu-
samning sinn. Einnig er stefnumál
listans að taka jákvætt í hugmynd-
ir um atvinnuuppbyggingu og vinna
vel fyrir samfélagið. „Mér finnst góð
samvinna hafa verið í bæjarstjórn
Grundarfjarðarbæjar á síðasta kjör-
tímabili, þótt illa hafi tekist til við að
koma okkur á framfæri og auka at-
vinnutækifæri,“ segir Rósa. Hún er
ekki í vafa hvers hún myndi óska ef
þrjár óskir væru í boði fyrir sveitar-
félagið og töframaður myndi gera
þær að raunveruleika. „Fella niður
allar skuldir bæjarsjóðs. Byggja nýtt
íþróttamannvirki með sundlaug og
koma á heimsfriði.“
Hvað finnst þér um íbúaþróun
í sveitarfélaginu og hvernig sérðu
hann fyrir þér eftir fjögur ár? „Því
miður hefur fækkað allverulega hjá
okkur. Við verðum að snúa þeirri
þróun við. En það gerist ekki nema
með auknum atvinnutækifærum.
Helstu ógnir sveitarfélagsins séu
einmitt út af þessu. Fólksfækkun er
slæm og það vantar fleiri atvinnu-
tækifæri. Rósa segist helst sjá tæki-
færi Grundarfjarðar í ferðaþjónustu
á svæðinu. „Það hafa miklar fjárfest-
ingar verið í ferðaþjónustu á svæð-
inu og það eru mikil tækifæri í fjölg-
un ferðamanna á svæðinu öllu. Einn-
ig er kominn tími á fjárfestingar í
sjávarútvegi, sem býður upp á mik-
il tækifæri. Við verðum að taka vel á
móti fyrirtækjunum með því að hafa
nóg lóðaframboð og sýna þeim já-
kvæðni.“ Um gengi D-listans finnst
henni auðvelt að spá með bros á vör.
„Mín spá er auðveld. Við munum að
sjálfsögðu ná inn fjórum mönnum.
Enda markmið okkar að koma henni
Sirrý inn í bæjarstjórn. Hún er öflug
og flott kona sem mun sóma sér vel
sem bæjarfulltrúi.“
Hver skyldi nú að hennar mati
vera fallegasti staðurinn í sveitarfé-
laginu? „Grundarfjörðurinn allur
er náttúruparadís. En auðvitað má
ekki gleyma Kirkjufellinu, það er
einstakt. Að lokum vil ég svo segja
það að hvernig sem kosningarnar
fara, munum við á D-listanum vinna
vel fyrir samfélagið og hjálpa til við
framgang Grundarfjarðarbæjar.“
Særós Ósk Sævaldsdóttir
Aðspurð um hvað séu mikilvæg-
ustu úrlausnarefnin næstu fjögur
árin í Grundarfirði segir Særós að
huga þurfi að heilbrigðismálum í
bænum. „Að mínu mati þarf fyrst
og fremst að huga að heilbrigðis-
málunum. Meðal annars þarf að
hugsa betur um eldra fólkið með
því að stækka dvalarheimilið og
auka heimahjúkrun.“ Þegar Sæ-
rós var spurð um hvert hennar álit
væri á framboðslistunum í sveita-
félaginu sagðist hún ekki vita nægi-
lega mikið um listana til að svara
spurningunni. „Ég er ekki búin að
kynna mér þá ennþá.“ Loks treysti
Særós sér ekki til að spá fyrir um
úrslit kosninganna. „Ég hef ekki
hugmynd um hvernig þetta á eft-
ir að fara.“
Eygló Jónsdóttir
Eygló telur að atvinnu- og hús-
næðismál séu mikilvægustu úr-
lausnarefnin fyrir næstu fjögur árin
í Grundarfirði. „Það vantar fjöl-
breyttari atvinnu fyrir fólk á svæð-
inu og að bæta húsnæðismarkað-
inn. Í framhaldi af því þyrfti svo að
huga að íþrótta- og fjölskyldumál-
um.“ Aðspurð um framboðslista
fyrir kosningarnar sagði Eygló
að henni lítist misvel á listana og
myndi helst vilja hafa einstaklings-
kosningar. „Það er gott fólk á báð-
um listum og því væri ég frekar til
í að geta valið fólk sem er á báðum
listum.“ Um úrslit kosninganna
sagði Eygló: „Ég held að L-listinn
hafi þetta núna.“
Júlíus Arnar Jósepsson
Hver væru mikilvægustu úrlausnar-
efnin næstu fjögur árin sagði Júlíus
að bæta þyrfti fjárhagsstöðu bæj-
arins. „Ég held að slæm fjárhags-
staða hljóti að vera brýnasta úr-
lausnarmálið fyrir bæjarstjórnina.
Að auki finnst mér að þeir sem
verða í stjórn þurfi að leggja meiri
áherslu á langtímaáætlanir en gert
hefur verið undanfarin ár.“ Að-
spurður um framboðslistana segir
Júlíus að mikil kynslóðaskipti séu
að eiga sér stað í bæjarpólitíkinni
í Grundarfirði. „Það er margt ungt
fólk að bjóða sig fram núna og eru
bæði kostir og gallar við það. Hvað
sem því líður þá tel ég alveg nauð-
synlegt að fá nýtt fólk í þetta með
reglulegu millibili.“ Júlíus sagðist
ekki geta spáð fyrir hverjir myndu
sigra í kosningunum. „Ég veit ekki
hver niðurstaða kosninganna verð-
ur og í raun er mér alveg sama svo
lengi sem þeir sem verða í stjórn
standi sig vel.“
Runólfur Guðmundsson
Það eru nokkur mál sem Runólf-
ur telur að sveitarfélagið þurfi að
einbeita sér að næsta kjörtíma-
bil. „Númer eitt, tvö og þrjú er að
sveitarfélagið þarf að auka tekjur
sínar. Það þarf að klára orkuveit-
umálin, halda í lágmarks grunn-
þjónustu eins og lög- og heilsu-
gæslu og hlúa að menntamálum
í bænum.“ Aðspurður um fram-
boðslistana segist Runólfur vera
sáttur með þá lista sem í boði eru í
Grundarfirði. „Mér líst ágætlega á
listana. Það er mikið af ungu fólki
á þeim og það er alls ekki sjálfgef-
ið að fá ungt fólk í svona störf og á
það þakkir skildar.“ Runólfur sagð-
ist vera viss um hverjir munu sigra
kosningarnar en sagði það ekki
endilega aðalatriðið hverjir kæm-
ust í stjórn. „Ég held að það sé al-
veg öruggt að Sjálfstæðisflokkur-
inn verði stærstur. Annars skipt-
ir það ekki öllu máli hverjir sigra í
kosningunum. Það sem skiptir höf-
uð máli er að fólk geti unnið saman
og sinnt sínum störfum vel.“
Samstaða Bæjarmálafélag
í Grundarfjarðarbæ
Sjálfstæðisfélagið í
Grundarfirði og óháðir
Hvað segja kjósendur í Grundarfirði?