Fréttatíminn - 12.09.2014, Blaðsíða 76

76 menning Helgin 12.-14. september 2014
 KarlsvaKa 23 ár frá fráfalli Karls J. sighvatssonar
Á mánudaginn síðastliðinn hefði píanó- og orgelleikarinn Karl J.
Sighvatsson fagnað 64 ára afmæli. Hann lést fyrir aldur fram í
bílslysi þann 2. júní árið 1991, aðeins 41 árs gamall.
Brautryðjandi
í orgelleik
K arl var einn magnaðasti píanóleikari hinnar íslensku rokkbylgju sem gekk yfir
landið á seinnihluta sjöunda ára-
tugarins og á áttunda áratugnum.
Framkoma hans með Trúbrot var
yfirleitt mjög lífleg og stal hann alla
jafna senunni. Seinna meir stofnaði
hann, ásamt Agli Ólafssyni, Hinn
íslenska þursaflokk og í þeirri sveit
setti Karl, eða Kalli eins og hann
var alltaf kallaður, markið hátt fyrir
aðra orgelleikara sem á eftir honum
komu.
Karl vann við allar gerðir tónlist-
ar og honum var fátt óviðkomandi
í sínu starfi sem listamaður, hvort
sem það var að spila byltingarkennt
rokk á Hammondorgelið eða sitja
við kirkjuorgelið í Hveragerði eða á
Selfossi í vikulegum messum.
Hannes Friðbjarnarson
hannes@frettatiminn.is
Hljómsveitir Kalla
Án þín
Trúbrot
Starlight
Trúbrot
Þú skalt mig fá
Trúbrot
Slappaðu af
Flowers
Glugginn
Flowers
Gegnum holt
og hæðir
Þursaflokkurinn
Brúðkaupsvísur
Þursaflokkurinn
Reyndu aftur
Mannakorn
Göngum yfir
brúna
Pálmi
Gunnarsson
Hvers vegna
varst́ ekki kyrr
Pálmi
Gunnarsson
Platan
Loftmynd
Megas
Einnig gerði hann tónlist við kvik-
myndirnar Atómstöðina og Dalalíf,
auk þess sem hann vann í leikhúsi og
sjónvarpi við hin ýmsu tilefni.
Fræg lög með hand-
bragði Kalla Sighvats
Flowers
Trúbrot
Náttúra
Þokkabót
Hinn íslenski
þursaflokkur
Mannakorn
Jakob Frímann Magnússon
Magnús Kjartansson
Ég var svo heppinn að kynnast Kalla
sem kornungur og nýbakaður áhuga-
maður um rafmagnsorgelleik. Hann tók
mig strax að hjarta sér, reyndist mér
einstaklega góður og hjálpsamur, var
mér í raun sem besti bróðir.
Það sakaði ekki að foreldrar
okkar voru vinir, mamma
þeirra Sigurjóns var einstak-
lega falleg og góð kona sem
bauð mann strax velkominn í
vinahóp sona sinna á heimilinu
í Álfheimum.
Kalli kenndi mér allt um Ham-
mond orgel, sýndi mér margt
af því sem hann kunni og hvatti mig
áfram og hjálpaði er ég eignaðist mitt
eigið Hammond orgel sem ég lenti í smá
brasi með.
Hann bjó yfir mjög sérstakri orku og
skar sig strax út úr flóru íslenskra tón-
listarmanna. Hann var góð fyrirmynd í
snerpu og innblásinni spilamennsku, bjó
yfir bestu tækni íslenskra rokkorganista
þess tíma og það varð snemma ljóst að
hugur hans stefndi til æðra náms í fjar-
lægum löndum, Austurríki og síðar við
Berkely skólann í Boston.
Hann var leiftrandi músíkalskur og
ógleymanlegur öllum sem
honum kynntust. Um það
votta þrjár metnaðarfullar
Karlsvökur sem vinir hans hafa
staðið fyrir honum til heiðurs
allt frá andlátsári hans 1991.
Minningarsjóður í hans nafni
er enn starfræktur og hefur
stutt tugi efnispilta- og stúlkna
til náms í útlöndum, kostað
orgelviðgerðir og kaup nóttnaheftaút-
gáfu og sitthvað fleira.
Á hátindi frægðar sinnar með Trúbroti
átti hann gullfallega unnustu, Rósu
Björgu Helgadóttur. Sígild mynd af þeim
tveimur, síðhærðum í Afganpelsum
hippaskeiðsins, hangir enn uppi á vegg
hjá mér. Kalli var einstakur, snillingur
með stórt hjarta.
Ég og Kalli heitinn kynntumst fyrst sem
unglingar. Þá var hann orgelleikari Dáta.
Ég fylgdist síðan með honum í Flowers
en sú hljómsveit var í miklu uppáhaldi
hjá mér.
Það var siður hjá okkur strák-
unum að fara í Silfurtunglið á
sunnudögum og hlusta.
Frábærir hljóðfæraleikarar og
ekki skemmdi Jónas vinur minn.
Hann var líflegur á sviði.
Það var eitthvað segulmagnað
við strákinn á orgelinu. Hann var
ör og spilaði með öllum líkam-
anum og skipti oft um sound og
leitaði í sífellu að réttu hljóðmyndinni.
Við skemmtum okkur saman og lifðum
hátt og hratt.
Siðar urðum við samstarfsmenn. Það
var gaman. Við höfðum báðir fengið
klassískt uppeldi í æsku og áttum að
einhverju leyti líkan bakgrunn.
Við gerðum eina plötu saman, Lifun,
og lékum saman í Þjóðleikhúsinu í Fást
ásamt félögum okkar í Trúbroti.
Ég kom inní það band í staðinn fyrir
bæði Shady og Kalla á sínum tíma. Það
var ekki auðvelt. Hvorki fyrir mig né
aðra hljómsveitarmeðlimi.
Kalli kom svo aftur í bandið.
Það var hans stíll. Hann kom
bara og fór eins og honum
sýndist. Bara eins og að drekka
vatn. Það var enginn möguleiki
á að vita hvað honum dytti
næst í hug.
Tónlistin var í blóðinu á honum
og flæddi með því um allan
líkamann.
Það var ekki hægt annað en að hafa
gaman af honum og svo að sakna hans.
Nú minnumst við hans og reynum að sjá
hann fyrir okkur einu sinni enn.
Það verður ekki auðvelt, eins klunna-
legir og við erum orðnir, en við reynum.
Blessuð sé minning hans.
Um helgina er staðið fyrir svokallaðri Karlsvöku í Eldborgarsal Hörpu. Þar koma fram
meðal annarra Flowers, Mannakorn, Hjaltalín, Ólafur Arnalds, Megas, Mugison, KK og
Apparat Organ Quartet.
Allur ágóði af tónleikunum rennur til Minningarsjóðs Karls J. Sighvatssonar sem styrkir
ungt tónlistarfólk til náms.
ETHNICRAFT bakkar
Verð frá 17.500 kr.
Margar gerðir LUCA stólar
Verð 45.000 kr.
GEORGINA hægindastóll
79.000 kr.
TEkk COMpANy OG HAbITAT
kAUpTúN 3
síMI 564 4400
VEFVERsLUN á www.TEkk.Is
Opið mánudaga til laugardaga kl. 11-18
og sunnudaga kl. 13-18
Gerum hús að heimili
Nýjar vörur!
Kór,kór,kvennakór.
Kvennakórinn Kyrjurnar eru að hea sitt 17.starfsár og getur bætt við sig nýjum
kórfélögum.
Við byrjum miðvikudaginn 17.september kl.19:30 í Friðrikskapellu við Vodafonhölli-
na. Kyrjurnar leggja metnað sinn í ölbreytt og skemmtilegt lagaval.
Stjórnandi er Sigurbjörg Hvanndal Magnúsdóttir söngkennari og söngkona.
Láttu nú drauminn rætast, hafðu samband við Sigurbjörgu í síma 8655503 eða Auði í
síma 8646032. Það verður tekið vel á móti þér.