Læknablaðið - 15.07.2008, Blaðsíða 3

Mynd: Sigurður Ragnarsson.
Útskriftarárgangurinn úr læknadeild 2008 heimsótti Læknafélag íslands á dögunum og undirritaði
hinn foma læknaeið og þáði veitingar í boði LÍ. Safnast var saman til myndatöku í Grasagarðinum í
Laugardal og var bjart yfir hópnum sem er sá fjölmennasti í sögunni, 25 konur og 24 karlar.
Hæstu meðaleinkunn hlaut Tryggvi Þorgeirsson en hann útskrifaðist með ágætiseinkunnina 9,14.
LISTAMAÐUR MÁNAÐARINS
Elín Hansdóttir (f. 1980) tók Ijósmyndina (2008) sem
prýðir forsíðu Læknablaðsins að þessu sinni á göngu
um heimaborg sína, Berlín. Að eigin sögn hefur hún
gert það af rælni að taka tækifærismyndir á ferðalögum
þegar þoka hylur henni sýn á umhverfi sitt. Upp úr þessu
hefur þróast myndasyrpa af háum mannvirkjum sem
rísa úr borgarlandslaginu og hverfa í skýin. Mörgum
kann að vera Ijóst hvernig þessar byggingar líta út í raun
og veru og hversu háar þær eru en þegar toppurinn
er hulinn þoku brenglast sú vitneskja og þær veröa á
einhvern hátt framandi. Þetta munu margir kannast við
ef við rifjum upp Hallgrímskirkjuturn þegar hann veður í
skýjum. Sjónvarpsturninn á Alexanderplatz er kennileiti
Berlínarborgar, spíra sem endar í kúlu, eins og títuprjónn,
en á myndinni sést kúlan ekki og hann virðist jafnvel
endalaus. Um leið og athyglin beinist að byggingunni
vekur dulúð þokunnar hugleiðingar um eðli sjónrænnar
skynjunar, hversu lítið þarf í raun og veru til þess að snúa
út úr því sem við sjáum með eigin augum. Elín hefur
unnið á þessum slóðum í verkum sínum undanfarin ár og
í sumar hefur mátt líta innsetningu eftir hana í Listasafni
íslands. Þar er einum áhorfanda í einu boðið að hverfa
inn um dyr eins salarins og ganga þar um ranghala
sem hún hefur smíðað. Á göngunni ruglast algjörlega
tilfinningin fyrir áttum í þessu hálfgerða völundarhúsi
og ekki laust við að innilokunarkennd geri vart við sig.
Elín beinir þannig athygli áhorfandans ekki síður að
honum sjálfum og eigin upplifun en að „listaverkinu"
sem slíku. Annað verk sem vert er að minnast á og sjá
má í samhengi við mynd hennar af turninum setti hún
upp á Frieze listamessunni í Lundúnum á síðasta ári.
Þar lýsti hún inngang sýningarhallarinnar með þrílitum
Ijósum þannig að þegar gestir gengu fram hjá hvítum
veggjunum, vörpuðu þeir mislitum skuggamyndum.
Þannig bæði skapar Elín aðstæður sem bjóða fólki að
endurskoða hvernig það upplifir umhverfi sitt rétt eins
og hún skrásetur slík augnablik þegar hún sjálf lendir
í þeim.
Markús Þór Andrésson
Sumarlokun skrifstofu LÍ
Lokað frá og með 14. júlí til og með 4. ágúst vegna sumarleyfa.
Læknablaðið
THE ÍCELANDIC MEDICALIOURNAL
www. laeknabladid. is
Aðsetur
Hlíðasmára 8, 201 Kópavogi
Útgefandi
Læknafélag íslands
Læknafélag Reykjavíkur
Símar
564 4104-564 4106 (fax)
Ritstjórn
Jóhannes Björnsson,
ritstjóri og ábyrgðarmaður
Bryndís Benediktsdóttir
Engilbert Sigurðsson
Gunnar Guðmundsson
Margrét Árnadóttir
Tómas Guðbjartsson
Þóra Steingrímsdóttir
Ritstjórnarfulltrúi
Védís Skarphéðinsdóttir
vedis@lis.is
Auglýsingastjóri og ritari
Brynja Bjarkadóttir
brynja@iis.is
Blaðamaður og Ijósmyndari
Hávar Sigurjónsson
havar@iis.is
Umbrot
Sævar Guðbjörnsson
saevar@lis.is
Upplag
1600
Áskrift
6.840,- m. vsk.
Lausasala
700,- m. vsk.
© Læknablaðið
Læknablaðið áskilur sér rétt
til að birta og geyma efni
blaðsins á rafrænu formi,
svo sem á netinu.
Blað þetta má eigi afrita
með neinum hætti, hvorki
að hluta né í heild án leyfis.
Prentun, bókband
og pökkun
Gutenberg ehf.
Suðurlandsbraut 24
108 Reykjavík
ISSN: 0023-7213
LÆKNAblaðið 2008/94 51 5