Læknablaðið - 15.09.2008, Síða 3

Samningarnir felldir
Það var spenna í loftinu þegar talning atkvæða um kjarasamning Læknafélags íslands við ríkið hófst
í Hlíðasmáranum 30. júlí. Atkvæði voru að berast fram á síðustu stundu en alls voru 905 manns á
kjörskrá. Atkvæði bárust frá 466 félagsmönnum. Auðir og ógildir atkvæðaseðlar voru 82. Já sögðu
166 eða 43% af gildum atkvæðum. Nei sögðu 218 eða 57% af gildum atkvæðum. Samningurinn telst
því hafa verið felldur.
Umsjón með talningu höfðu Birna Jónsdóttir formaður LÍ, Gunnar Ármannsson framkvæmda-
stjóri, Elínborg Guðmundsdóttir úr stjórn Læknafélags Reykjavíkur og Hjördís Þórey Þorgeirsdóttir
úr stjórn Félags ungra lækna.
Framundan er ný samningalota að sögn Gunnars Ármannssonar, framkvæmdastjóra LÍ og for-
manns samninganefndar, og hefur fyrsti fundur verið boðaður með samninganefndum í byrjun
september.
LISTAMAÐUR MÁNAÐARINS
Á Nýlistasafninu hefur undanfaríö ár staðið yfir skrásetning
safneignarinnar og húsnæði þess við Laugaveg hefur allt verið
undirlagt af kössum, hillum og fólki að störfum. Samt sem áður
hefur það verið opið almenningi og haldnar þar sýningar. Um
þessar mundir er boðið upp á yfirlit yfir feril Hlyns Hallssonar (f.
1968) og ber sýningin titilinn „tillit - rúcksicht - regard“. Safnið
fagnar nú þrjátíu ára afmæli sínu og Hlynur sínu fertugasta og
kallast á listasaga þjóðarinnar
og ferill eins listamanns. Verkum
hans er komið fyrir hér og þar
inn á milli og stundum má vart á
milli sjá hvað er verk eftir hann
og hvað er hluti af safninu. Þetta
er í samræmi við eðli verka
hans sem alla tíð hafa verið á
mörkum hins samfélagslega
og persónulega. Hann er
kunnur fyrir pólitísk textaverk
sín, þar sem hann spreyjar
þversagnakennd slagorð á vegg
en einnig fyrir Ijósmyndir sem
virðast sóttar í fjölskyldualbúmið
og texta sem þeim fylgir.
Textana setur Hlynur yfirieitt
fram á þremur tungumálum,
íslensku, þýsku og ensku, en hann bjó um tíma í Þýskalandi og
enska er alþjóðlegt mál listheimsins. Ósjálfrátt ber maður saman
texta á ólikum tungumálum og íhugar blæbrigðamun í þýðingu
orða og merkingu setninga. Með áherslu sinni á tungumálið
kemur fram áhugi Hlyns á eðli þess, möguleikum en ekki síður
takmörkunum. í pólitísku veggjakroti leikur hann sér til að
mynda að því að snúa upp á merkinguna með örlitlum frávikum
í lit og texta. I rauðu og bláu spreyjar hann „Geir H. Haarde er
hálfviti / Geir H. Haarde er góður leiðtogi" (2008). Verkið öðlast
skemmtilega vídd þegar hugsað er til þess að Hlynur sat um
tima á Alþingi. Þegar hann setur fram hversdagslega Ijósmynd
og persónulegan texta á þremur tungumálum höfðar hann til
þeirra væntinga sem áhorfendur bera til þessarar samsetningar,
myndar og texta. Venju
samkvæmt er verið að vitna
í eitthvað fréttnæmt eða
miðla upplýsíngum sem
höfða til sammannlegs
áhuga. Hlynur aftur á móti
sýnir til dæmis Ijósmynd úr
gönguferð með vinum og
fjölskyldu og lýsir í textanum
smávægilegu atviki, Hugi
og Óli með GPS tækið
við Lamba - Hugi und
Oli mit dem GPS-gerat
bei Lambi - Hugi and Oli
with the GPS at Lambi
(2005/07). Hvorki myndin
né textinn koma manni
sem áhorfanda sérstaklega
við. Það er eftirtektarvert að með þessu er Hlynur ekki að
glæða hversdagsleikann Ijóðrænum Ijóma, eins og löngum
hefur tíðkast í myndlist, þvert á móti virðist hann reyna að ná
myndlístinni niður á hversdagslegt plan.
Markús Þór Andrésson
Læknablaðið
THE ÍCELANDIC MEDICAL jOURNAL
www. laeknabladid. is
Aðsetur
Hlíðasmára 8, 201 Kópavogi
Útgefandi
Læknafélag íslands
Læknafélag Reykjavíkur
Símar
564 4104-564 4106 (fax)
Ritstjórn
Jóhannes Björnsson,
ritstjóri og ábyrgðarmaður
Bryndís Benediktsdóttir
Engilbert Sigurðsson
Gunnar Guðmundsson
Margrét Árnadóttir
Tómas Guðbjartsson
Þóra Steingrímsdóttir
Ritstjórnarfulltrúi
Védís Skarphéðinsdóttir
vedis@lis.is
Blaðamaður og Ijósmyndari
Hávar Sigurjónsson
havar@iis.is
Auglýsingastjóri og ritari
Dögg Árnadóttir
dogg@lis.is
Umbrot
Sævar Guðbjörnsson
saevar@lis.is
Upplag
1600
Áskrift
6.840,- m. vsk.
Lausasala
700,- m. vsk.
© Laeknablaðið
Læknablaðið áskilur sér rétt
til að birta og geyma efni
blaðsins á rafrænu formi,
svo sem á netinu.
Blað þetta má eigi afrita
með neinum hætti, hvorki
að hluta né í heild án leyfis.
Prentun, bókband
og pökkun
Gutenberg ehf.
Suðurlandsbraut 24
108 Reykjavík
ISSN: 0023-7213
LÆKNAblaðið 2008/94 575