Læknablaðið - 15.06.2011, Blaðsíða 35

UMFJOLLUN O G GREINAR
raunveruleg meðferð. Hitt er forvörn og
lýðheilsa og er nauðsynlegt líka."
Meðal þeirra sjúkdóma sem Ingibjörg
nefnir, þar sem hreyfing hefur skilað
góðum árangri, er þunglyndi og sykur-
sýki tvö, en hún bendir á að tíðni
hjarta- og æðasjúkdóma er allt að fimm-
falt hærri hjá þunglyndisjúklingum.
„Hreyfing kemur ekki í stað lyfja en
hún bætir lífsgæði og eykur vellíðan
sjúklingsins. Það er ekkert nýtt við
þetta, Forn-Grikkir vissu þetta, en nú
vitum við hvers vegna þetta virkar og
höfum því enga ástæðu lengur til að
beita þessu ekki. Hreyfing er ein besta
meðferðin sem völ er á við streitutengd-
um sjúkdómum. Það er einfaldlega
staðreynd. Þess vegna eigum við að
beita henni markvisst sem meðferð."
Tilraun sem mistókst
Jón Steinar Jónsson heilsugæslulæknir
lýsti tilraun sem gerð var í Garðabæ
fyrir nokkrum árum um notkun
hreyfiseðla. „Það var samstaða innan
bæjarfélagsins, heilsugæslunnar, sjúkra-
þjálfunar, íþróttafélagsins, bæjaryfirvalda,
og ýmissa sjálfstæðra aðila sem tengjast
hreyfingu. Þáverandi heilbrigðisráðherra
studdi málið.
Læknarnir ávísuðu hreyfingu með
sérstökum „hreyfiseðli" sem sjúklingur
fékk í hendur og fór með til sjúkra-
þjálfara í Garðabæ sem mat getu og
færni sjúklings og ráðlagði honum
hreyfingu, hvernig, hversu mikið, hversu
þétt og hve mikið álag.
Tilraunin mistókst. Ákveðnir þættir
gengu ekki eftir og verkefnið lognaðist
út af. Þetta var því eins konar könn-
unarverkefni sem kenndi okkur mikil-
væga hluti sem nýtast okkur í næsta
skrefi í þessari þróun við að taka
upp hreyfingu sem meðferð á Islandi.
Mikilvægustu atriðin eru áhugahvöt
sjúklings og lítil þekking meðal
almennings á mikilvægi hreyfingar
sem meðferð við sjúkdómum, þó allir
viti að hreyfing er holl í lýðheilsulegu
samhengi. Eftirfylgdin var annað, þar
sem okkar skipulag gekk ekki eftir og
var ekki nógu öflugt. En eftirfylgd er
lykilatriði þegar kemur að meðferð með
hreyfingu. Okkar hugmynd, að koma
þessu á koppinn án þess að til kæmi
viðbótarstarfsmaður, gekk ekki. Það
þarf þennan „köngulóarmann" til að
halda utan um skjólstæðingana og sjá
um áhugahvetjandi samtöl og eftirfylgd.
Því meiri þekking meðal almennings á
mikilvægi hreyfingar sem meðferð og
því meiri áróður fyrir meðferðinni, því
minna þarf framlag köngulóarmannsins
að vera að mínu mati.
Nú er verið að hleypa af stokkunum
nýju verkefni sem mun standa í eitt
ár og mun taka mið af reynslunni úr
Garðabæ, en einnig reynslu undanfarinna
ára frá Norðurlöndum, sérstaklega
Svíþjóð."
I máli sínu lagði Ingibjörg þunga
áherslu á hversu mikilvægt væri að
yfirstjórn heilbrigðiskerfisins legði blessun
sína yfir þetta meðferðarúrræði. Það
væri fyrirfram dæmt til að mistakast
ef einstaklingar innan kerfisins, læknar,
hjúkrunarfræðingar og sjúkraþjálfarar
reyndu að gera þetta upp á eigin spýtur
en án stuðnings og þess nauðsynlega
svigrúms sem þetta kallaði á.
LANDSPITALI
hAskölasjúkrahús
IIEl , II
Deildarlæknar - Lyflækningasvið
Störf deildarlækna á lyflækningadeildum Landspítala eru laus til umsóknar.
Starfshlutfall er 100% og veitast störfin frá 1. ágúst 2011 eða eftir
samkomulagi. Um er að ræða námsstöður til allt að 3 ára ætlaðar þeim
sem hyggja á frekara sérfræðinám í lyflækningum eða skyldum greinum.
Fjölbreytt tækifæri gefast til rannsóknarstarfa í samvinnu við sérfræðilækna.
Helstu verkefni og ábyrgð
» Deildarlæknar hljóta þjálfun i almennum lyflækningum með störfum
á öllum sérdeildum lyflækningasviðs LSH ásamt bráðamóttökum og
göngudeildum spitalans
Hæfnikröfur
» Almennt lækningaleyfi
» íslenskukunnátta
» Jákvæðni og hæfni I mannlegum samskiptum
Nánari upplýsingar um starfið
» Umsóknarfrestur er til og með 16.06.2011.
» Upplýsingar veita Steinn Jónsson, framhaldsmenntunarstjóri lyflækninga-
sviðs, steinnj@landspitali.is, sími 543 6249 og umsjónardeildarlæknarnir
Ingibjörg Kristjánsdóttir, ingibk@landspitali.is, sími 825 3574 og Ragnar
Pálsson, ragnarp@landspitali.is, sími 824 5624.
» Umsóknargögn sem ekki er hægt að senda rafrænt skulu berast Steini
Jónssyni, LSH E7 Fossvogi.
» Umsókn skulu fylgja náms- og starfsferilsskrá (curriculum vitae) og tvö
meðmælabréf.
» Viðtöl verða höfð við umsækjendur og byggist ákvörðun um ráðningu í
starfið á þeim og innsendum gögnum.
Laun samkvæmt gildandi samningi viðkomandi stéttarfélags og fjármálaráðherra. Sótt er um
starf rafrænt á heimasíðu Landspftala, www.landspitali.is, undir „laus störf. Ef ekki eru tök á að
sækja um rafrænt má nálgast umsóknareyðublöð í upplýsingum Fossvogi og Hringbraut og hjá
mannauðssviði, Eiriksgötu 5. Tekið er mið af jafnréttisstefnu LSH við ráðningar í störf á Landspítala.
Öllum umsóknum verður svarað þegar ákvörðun um ráðningu hefur verið tekin.
Landspítali er reyklaus vinnustaður
Umhyggja • Fagmennska • Öryggi • Framþróun
LÆKNAblaöið 2011/97 375