Fréttatíminn - 19.12.2014, Blaðsíða 14

jólamorgna
Fyrir ljúfa
ÍS
LE
N
SK
A
/ S
IA
.I
S/
N
AT
7
16
80
1
2/
14
Gjafir
Um jólin verslar landinn meira en nokkurn
tíma og við vitum öll að stór hluti gjafanna
er mikill óþarfi.
Lausn
Kaupum minna! En höfum líka í
huga að bestu gjafirnar eru þær sem
nýtast vel, sem við virkilega þurfum
á að halda og líka þær gjafir sem við
þurfum ekki á að halda en eru heima-
gerðar með mikilli ást og jólagleði.
Kerti
Flest kerti sem fást út í búð eru gerð
úr parafín-vaxi. Sótið af parafín-vaxi er
ekki talið vera mjög heilsusamlegt auk
þess sem framleiðsla þessara kerta er
ekki umhverfisvæn. Þar að auki er oft
blý í kveiknum á verksmiðjuframleiddum
kertum sem hefur heldur ekki góð áhrif á
andrými heimilisins.
Lausn
Með því að kaupa kerti úr öðrum
umhverfisvænum efnum, eins og bý-
flugnavaxi, styrkir þú umhverfisvæna
framleiðslu og bætir andrúmsloftið
heima hjá þér.
jólatré
Á hverju ári kaupum við þúsundir jólatrjáa
sem enda svo á haugunum.
Lausn
Ef þú kaupir jólatré hafðu þá í huga
að það er hægt að endurvinna þau.
Svo er líka hægt að kaupa tré með
rótum sem fær þá framhaldslíf eftir
jólin í náttúrunni.
GleðileG Græn jól
Jólin eru full af gleði og gjöfum en það þýðir ekki að þau þurfi að
vera full af rusli líka. Verum glöð en líka græn yfir jólin. Reynum
að taka lítil skref til að minnka sóun yfir hátíðarnar því þannig
gleðjum við ekki bara náttúruna heldur líka okkur sjálf.
innKaupapoKar
Við vitum öll hvaða áhrif plast hefur á um-
hverfið, ruslahaugar okkar eru yfirfullir af
plastpokum sem eyðast löngu eftir okkar
dag í náttúrunni.
Lausn
Verum sniðug og tökum poka eða
tösku með okkur að heiman í inn-
kaupaleiðangurinn og afþökkum inn-
kaupapoka í verslunum. Þetta er ekki
aðeins umhverfissvæn lausn heldur
minnkar hún líka drasl og úrgang sem
þarf að fara með í Sorpu, sem þýðir
minna vesen fyrir alla.
Gjafapappír
Við hendum nokkrum tonnum af
gjafapappír um jólin sem mest allur kemur
af trjám sem vaxa ekki aftur.
Lausn
Endurvinnum allan jólapappír sem
við fáum gefins og hugsum vel um það
í hvað við pökkum gjöfunum okkar. Ef
gömlu dagblöðin eru ekki enn farin í
Sorpu þá er tilvalið að nota þau utan
um jólagjafirnar. Það eru margar jóla-
legar leiðir til að skreyta pakkana á
umhverfisvænan hátt.
rafhlöður
Landsmenn henda ógrynni óendurvinn-
anlegra rafhlaðna í ruslið ár hvert, með
tilheyrandi skaða fyrir umhverfið.
Lausn
Veljum ekki gjafir sem þarfnast
rafhlaðna og ef við stöndumst ekki
þá freistingu gefum þá margnota raf-
hlöður sem hægt er hlaða. Þá græða
allir, sá sem gefur, sá sem þiggur og
umhverfið.
óvelKomnar
Gjafir
Við könnumst flest við að hafa fengið
gjöf sem gleður ekki. En að fela þær í
geymslunni eða henda þeim í ruslið er
synd því gjöfin getur örugglega glatt
einhvern annan.
Lausn
Gleddu einhvern með gjöfinni sem
gladdi þig ekki, að sjálfsögðu án
þess að verða staðin/n að verki.
jólaKort
Mikill fjöldi trjáa fer í að búa til gjafa-
pappír en ekki síður í að búa til jólakort.
Lausn
Bara með því að minnka jólakort
um helming ert strax búin/n að
minnka þína eigin pappírsnotkun,
en með því að senda kveðjur á
netinu hverfur hún alveg. Það má
finna fjöldann allan af skemmti-
legum jólakortum á netinu. Svo má
líka koma fólki skemmtilega á óvart
með símtali.
jólasKraut
Endalaust úrval jólaskrauts fyllir hillur
flestra verslana fyrir hátíðarnar sem oft
á tíðum er ekki framleitt til að endast.
Lausn
Grænasta jólaskrautið er það sem við
búum til sjálf. Fallegt er að hengja
piparkökurnar upp áður en þær eru
borðaðar og músastigar eru alltaf
klassískir, úr endurunnum pappír að
sjálfsögðu. Svo er líka hægt að fara
í göngutúr með börnin og finna efni í
jólaskraut í náttúrunni.
14 úttekt Helgin 19.-21. desember 2014