Frjáls verslun - 01.08.2012, Side 41

FRJÁLS VERSLUN 8.- 9. 2012 41
Með því að fjarlægja þessar hindranir
aukum við líkur á því að starfsfólk axli
ábyrgð og sýni frumkvæði.
Ekki fara bara hálfa leið – þú breytir
ekki inngróinni fyrirtækjamenningu og
viðteknum venjum nema með því að
gera áhrifaríkar breytingar. Áhrifaríkar
breytingar koma hreyfingu á hlutina.
ÞrepiN fjögur
Nayar lýsir aðferðinni sem hann kaus sem
fjórum þrepum eða fjórum samverkandi
þáttum. Hann viðurkennir að hann hafi
ekki haft þaulskipulagða áætlun til að
byggja á í upphafi og heldur ekki séð ferlið
fyrir sér frá byrjun sem fjögur þrep. Sú
mynd hafi meira runnið upp fyrir honum
eftir á. Hann er þess fullviss að hvaða fyrir­
tæki, í hvaða atvinnugrein sem er, geti náð
auknum árangri með því að fylgja þess um
fjórum þrepum.
1. Spegill, spegill: Þörfin fyrir
breytingar
Hver á að vera upphafspunktur breytinga?
Nayar segir nauðsynlegt að horfast í augu
við staðreyndir. Það sé auðvelt að réttlæta
hægfara hnignun. Svipað eins og að maður
taki ekki eftir því að maður er að eldast ef
maður horfir í spegilinn á hverjum degi,
en þegar maður hittir fólk sem maður
hefur ekki séð árum saman er breytingin á
útliti þess augljós. Nayar segir fyrirtækjum
nauðsynlegt að horfa gagnrýnum augum
í spegilinn á hverjum degi og meðtaka
stöðuna af raunsæi.
2. Að skapa traust með gegnsæi: Að fá
hjólin til að snúast
Þegar við höfum komist að þeirri niður­
stöðu að þörf er fyrir breytingar er aðeins
hálfur sigur unninn. Breitt bil er á milli
ákvörðunar um breytingar og þess að
þær skili raunverulegum árangri. Að áliti
Nayars er það aðallega vegna skorts á
trausti milli stjórnenda og starfsmanna.
Fólk þarf að stefna að einu marki. Leiðin
sem Nayar og hans fólk völdu var að leggja
áherslu á gegnsæi. Með auknu gegnsæi
áttuðu menn sig á því að starfsfólkið veit í
flestum tilfellum nákvæmlega hvað er að
í rekstrinum og áttar sig oft á tíðum á því
mun fyrr en stjórnendur. Þegar upplýsingar
um erfiðleika eru gerðar opinberar áttar
starfsfólkið sig á að vandinn er ekki
bara stjórnendanna heldur þeirra einnig.
Það kveikir áhuga á að finna lausnir og
framkvæma. „Við áttuðum okkur oft á
því að jafnvel áður en við stjórnendurnir
vorum búnir að koma okkur saman um
hvað væri vandamálið, hvað þá velja lausn,
þá var fólkið okkar þegar búið að leysa úr
málum.“
„Fortune hefur fullyrt
að þetta sé framsæknasta
stjórn unaraðferð okkar tíma;
„World’s Most Modern
Management“, og virt ustu
fræðimenn og háskólar
víða um heim, s.s. Harvard
Business School, hafa veitt
þessum stjórnunaraðferðum
mikla athygli.“