Frjáls verslun - 01.08.2012, Qupperneq 70

70 FRJÁLS VERSLUN 8.- 9. 2012
sTeiNþÓR páLssoN, BANKAsTjÓRi LANDsBANKA
Of mikil átök
1. Hver verða forgangs verk efni
fyrirtækis þíns næstu sex mán -
uðina?
Að undanförnu höfum við
ver ið að fara yfir stefnu bank­
ans og á næstu mánuðum
mun um við vinna að því að
auka hagkvæmni með lækkun
kostn aðar, efla stjórnun og
liðs heild og tryggja ábyrga
mark aðs sókn. Auk þess mun ­
um við halda áfram vinnu við
að auka gæði eigna bank ans,
vinna að lengingu á endur ­
greiðslu skulda bankans með
endurfjármögnun og undir ­
búningi fyrir skráningu og
dreifða eignaraðild að bank ­
anum í ljósi frumvarps ríkis ­
stjórn arinnar um að selja hluta ­
bréf í Landsbankanum.

2. Hver er kjarninn í stefnu -
mótun fyrirtækis þíns?
Stefna bankans var yfirfarin og
kynnt árið 2010 undir heitinu
Landsbankinn þinn. Þar settum
við fram með þátttöku alls
starfs fólks einfalda og varðaða
leið til ársins 2015. Fyrstu
verk efnin voru að byggja upp
eftir hrun, taka á skuldavanda
heim ila og fyrirtækja, byggja
upp gæði eigna bankans og
innviði. Næstu vörður á okkar
vegleið til 2015 eru forysta og
fyrirmynd. Verkefnin nú eru
önnur en fyrir tveimur árum
og eins og áður segir þurfum
við að auka hagkvæmni og ná
niður kostnaði, efla enn frekar
stjórnun og starfsfólk og við ­
hafa ábyrga markaðssókn.

3. Hafa tekjur fyrirtækis þíns
vaxið frá því í fyrra?
Tekjur af reglubundnum liðum
hækka en óreglulegir liðir sem
eiga rætur í uppgjöri við for ­
tíðina valda því að margar
stærðir hjá okkur líkt og er í
banka kerfinu sveiflast óeðlilega
milli ára. Það er markmið okkar
að styrkja tekjugrunn bank­
ans af reglulegum þáttum í
starfseminni, en draga á sama
tíma úr áhættu tengdri þeim
liðum sem hafa mjög sveiflu ­
kennd áhrif á afkomuna.

4. Hvaða árangur ert þú
ánægðastur með innan þíns
fyrirtækis á árinu?
Ég er ánægðastur með að
við sjáum nú fyrir endann á
endur skipulagningu skulda
ein staklinga og fyrirtækja. Van ­
skil fara hratt minnkandi en
auðvitað þurfum við áfram
að glíma við erfið mál á
þessu sviði. Ég er á móti ekki
nægjanlega ánægður með hvað
dregist hefur að fá endanlega
niðurstöðu í endurútreikninga
gengistryggðra lána, þar eru
enn allt of mörg atriði sem valda
óvissu og dómstólar eiga eftir
að greiða úr. Þá er ég ánægður
með hversu tilbúið starfs fólkið
er til að takast á við ögr andi
viðfangsefni og vinnur sem ein
öflug heild að því að tryggja
framkvæmd stefnunnar sem við
settum fram haustið 2010.

5. Hver er helsti vandinn sem
fyrirtæki glíma núna við?
Fyrirtæki eru enn mjög skuld ­
sett mörg hver og eiga erfitt
með að skipuleggja framtíðina
af þeim sökum. Margar greinar
atvinnulífsins búa við óvissu,
lög og skattar taka stöðugum
breytingum og fyrirtækin mörg
hver sjá illa fram veginn. Slíkar
aðstæður til viðbótar við óvissu
á erlendum mörkuðum vegna
skuldaerfiðleika ríkissjóða í
okkar helstu viðskiptalöndum
veldur kyrrstöðu.

6. Er atvinnulífið enn of
skuld ugt til að geta byrjað að
fjárfesta?
Já, það verður að viðurkennast
að svo er. Við stöndum frammi
fyrir því að íslenskt atvinnulíf
þarfnast mikillar nýfjárfestingar
á næstunni. Hætt er við að
Ísland tapi því forskoti sem
það hefur haft á ýmsum svið ­
um og lífskjör skerðist enn í
samanburði við aðrar þjóðir
ef fjárfestingar aukast ekki
fljótlega. Við þurfum nýtt fé
inn í fyrirtækin og fleiri félög á
hluta fjármarkað og það verður
að greiða almennum fjárfestum
leið inn á markaðinn að nýju.

7. Eitthvert eitt ráð sem þú vilt
gefa stjórnvöldum?
Ég myndi gjarna vilja að stjórn ­
völd/alþingismenn einbeittu
sér að því að skapa andrúmsloft
þar sem fólki yrði eiginlegt
að vinna saman að því leita
lausna, ná breiðri samstöðu og
sátt í stærri málum. Mér finnst
átaka gírinn vera of mikill í
okkar þjóðfélagi og á stundum
veltir maður fyrir sér hvort
markmiðið framsetningar sé
beinlínis að hleypa málum í
hnút. Stefnulaus þjóð gerir ekki
annað en að snúast í hringi og
þræta eins og reyndin hefur
verið því miður í of miklum
mæli hjá okkur síðustu ár.
„Stefna bankans
var yfirfarin og
kynnt árið 2010
undir heitinu
Lands bankinn
þinn.“
Steinþór Pálsson.