Frjáls verslun - 01.01.2013, Page 22

22 FRJÁLS VERSLUN 1. 2013
S
vissneska listakonan Karin Kurz­
meyer teiknaði myndir sem skreyta
póstkort sem og mynda bækling
sem fyrirtækið Hunda hólmi
gefur út. Hún teiknaði myndir sem
henni þykir lýsa Íslandi og Ís lend ingum á
spaugi legan hátt. Karin Kurzmeyer stundaði
myndlistarnám við Listaháskóla Íslands í
eina önn og festi þá á blað ýmislegt sem
henni finnst spaugilegt við land og þjóð.
Teikn ingarnar kallar hún „Very serious pictures
from Iceland“. Fyrirtækið Hundahólmi gefur út
teikningarnar í formi póstkorta auk þess sem
þær munu fást í myndabæklingi. Aðstandend­
ur fyrirtækisins kalla póstkortaröðina Gestsaug­
að eða Iceland seen through foreign eyes.
Það eru vinkonurnar Anna Bjarnadóttir og
Hildur Petersen sem standa á bak við Hunda­
hólma og hafa þær skrifað texta sem fylgir
hverri mynd. Bæklingurinn kemur út á ensku
og þýsku. „Myndirnar sýna á spaugilegan
hátt ýmislegt sem útlendingar taka eftir en
Íslendingar eru löngu hættir að sjá eða taka
eftir sjálfir,“ segir Anna og segir að með útgáf­
unni séu þær Hildur að búa til landkynningu
á léttum nótum. „Myndirnar vekja spurningar
hjá útlendingum en textinn segir sannleikann
í léttum dúr.“
Á meðal mynda má nefna teikningu af
jeppa sem Karin og samstarfskona hennar
Piret Uustal kölluðu „Cars in Iceland“ en hér
á landi eiga margir jeppa miðað við víða
annars staðar. Svo er það teikning af buddu
og í henni er kreditkort; textinn: „Typical Ice­
landic purse.“
Anna segir að póstkortin fáist nú þegar í
helstu hönnunarverslunum í Reykjavík og
vonast hún til að myndabæklingurinn muni
fást þar líka.
„Við teljum að póstkortin og bæklingurinn
séu tilvalin gjöf fyrir fyrirtæki sem eru í sam ­
skiptum við erlenda aðila og með þessu sé
hægt að slá á létta strengi.“
Hundahólmi:
Í stuttu máLi
TexTi: svava jÓnsdÓTTir / Myndir: Geir Ólafsson
Það eru vinkonurnar Anna Bjarnadóttir og Hildur Petersen sem standa á bak við Hundahólma. „Myndirnar sýna á spaugilegan hátt ýmislegt sem
útlendingar taka eftir en Íslendingar eru löngu hættir að sjá eða taka eftir sjálfir.“
Vinkonurnar Anna Bjarnadóttir og Hildur Petersen standa á bak við fyrirtækið
Hundahólma sem gefur út skemmtileg póstkort eftir svissnesku listakonuna
Karin Kurzmeyer. Þær gáfu út bókina Eplakver fyrir jólin.
gefur út skemmtileg
póstkort