Frjáls verslun - 01.01.2013, Side 24

24 FRJÁLS VERSLUN 1. 2013
HLutabréf
Of margir peningar að elta of fáa fjárfestingarkosti. „Í þessu haftakerfi getur mynd­
ast mjög stór bóla sem er ekki í neinum tengslum við undirliggjandi hagkerfi og hún
getur öðlast sjálfstætt líf,“ sagði Heiðar Már Guðjónsson fjárfestir.
TexTi: siGurður Már jÓnsson.
Myndir: Geir Ólafsson.
Er bóLa að grafa uM sig?
E
f meta ætti íslenskt
hagkerfi út frá þróun
hlutabréfa í Kaup ­
höll Íslands gætu
menn haldið að
hér væri allt í allra besta lagi.
Eftir mikla hækkun á síðasta ári
hefur kaup höllin haldið áfram
að skila afbragðsávöxtun. Að
sönnu eru það ekki mörg félög
sem standa undir viðskiptum í
íslensku kaup höllinni en þau sem
þar eru hækka skarpt og sum
eru hrein lega á fleygiferð. Þannig
höfðu bréf Icelandair hækkað um
nánast eitt prósent á dag fyrstu
daga ársins og er nú svo komið
að hluthafar þar hafa rífl ega fjór­
faldað eign sína síðan viðskipti
hófust aftur með bréf félags ins
eftir bankahrunið.
Allt þetta kemur dálítið spánskt
fyrir sjónir þegar þess er gætt
að stöðugt er verið að lækka
hagvaxtarspá landsins, vaxta­
stigið er hátt og breytist lítið
og almennt ekkert mjög bjart
yfir hag kerfinu. Þá er ekki með
nokkru móti hægt að sjá að
tilkynningar félaganna ýti á
eftir hækkunum því fæst ná þau
afkomumarkmiðum sínum. Af
hverju halda þá hlutabréf áfram
að hækka? Það væri freistandi
að segja að íslenskir fjárfestar
sæju framtíðina bjartari augum
en hagtölur gefa tilefni til að ætla.