Fréttatíminn - 13.03.2015, Blaðsíða 2

H
V
ÍT
A
H
Ú
S
IÐ
/S
ÍA

Dásamlegur á brauðið og
hentugur fyrir heimilið
Engin
fyrirhöfn
ms.is
TILBOÐ25
sneiðar
Loks tekið á móti gleri
til endurvinnslu
Reykjavíkurborg hefur hafið
tilraun á söfnun glers á
grenndarstöðvum. Í dag er
gleri safnað með steinefnum í
Sorpu og notað sem burðarlag
en markmið tilraunarinnar er
að skoða forsendur þess
að taka upp endurvinnslu
á gleri. Gler er um fimm
prósent alls blandaðs
úrgangs í Reykjavík
svo það er umtalsvert
magn sem hægt er að
endurvinna. Í tilkyn-
ningu frá borginni
kemur fram að til
að byrja með verði
söfnunargámum
fyrir glerumbúðir
komið fyrir á grenndarstöðvum við
Skógarsel, Laugardalslaug og við Kjarvals-
staði. Í gámana má skila hvers konar gleri
sem fellur til á heimilum, til að mynda sul-
tukrukkum og glerflöskum án skilagjalds.
Ílát þurfa að vera hrein og tóm.
Raftækin rjúka út
Ekkert lát var á söluaukningu raftækja í
febrúar. Mest aukning var í sölu svokall-
aðra brúnna raftækja eins og sjónvörpum,
hljómflutningstækjum og minni tækjum,
eða sem nam 42,6% á milli ára. Þá eykst
enn eftirspurn eftir snjallsímum þar sem
salan var 31% meiri í febrúar en í febrúar
í fyrra. Þess má geta að samanlögð sala
á snjallsímum síðustu 12 mánuði var 35%
meiri en á 12 mánaða tímabili þar á
undan. Þetta kemur fram í tilkyn-
ningu frá Rannsóknarsetri verslu-
narinnar.
Sigmundur Davíð
fertugur
Sig mund ur Davíð Gunn-
laugs son for sæt is-
ráðherra fagnaði fer-
tugsafmæli sínu í gær,
fimmtudag. Hann
naut afmælisdagsins
í Kaupmannahöfn
ásamt eiginkonu
sinni, Önnu Sig ur-
laugu Páls dótt ur.
Hjón in eiga eina
dótt ur, Sig ríði El ínu,
sem fædd er 2012.
Metþátttaka á Reykjavíkurskákmótinu
Aserski stórmeistarinn Shakhriyar Mamedyarov tefldi fjöltefli í GAMMA í gær,
fimmtudag, í tilefni af Reykjavíkurskákmótinu,
GAMMA Reykjavik Open, sem sett var formlega 10.
mars og stendur til 18. mars. Mamedyarov er 13.
stigahæsti skákmaður heims. Tíu skákmenn tefldu
við Mamedyarov í fjölteflinu, þar á meðal nokkrir af
efnilegustu skákmönnum ungu kynslóðarinnar eins
og Nancy Davíðsdóttir sem varð fyrst stúlkna til að
vinna Íslandsmeistaratitil barna í skák. Metþátttaka er á Reykjavíkurskákmótinu,
fimmta árið í röð, og tefla 273 skákmenn frá 38 löndum í Hörpu þessa dagana.
Hættulegustu
einstaklingarnir í
dag eru strákar á
aldrinum 18-23 ára
sem eru staðnaðir og
sækja í ungar stelpur.
 LögregLumáL Leit að týndu barni getur kostað 500.000 kr.
Leita að týndu barni
annan hvern dag
Lögreglunni á höfuðborgarsvæðinu hafa það sem af er ári að jafnaði
borist leitarbeiðnir annan hvern dag frá barnaverndaryfirvöldum
vegna týndra barna. Afar þungar refsingar liggja við því að hýsa
ólögráða börn í óþökk foreldra þeirra. Um tvisvar til þrisvar sinnum
í mánuði þarf lögregla að leggja upp í umfangsmikla leit sem hver
kostar allt að hálfri milljón króna.
á síðasta ári voru það að jafnaði um 11 krakkar sem við leituð-um að í hverjum mánuði. Það
sem af er þessu ári eru það tæplega 18
börn á mánuði. Það þýðir að við erum
að leita að týndu barni annan hvern
dag, að meðaltali. Þetta eru háar tölur,“
segir Guðmundur Fylkisson, aðalvarð-
stjóri hjá lögreglunni á höfuðborgar-
svæðinu. „Þetta er fjöldi leitarbeiðna
sem við fáum frá barnaverndaryfir-
völdum. Sumir þessara krakka skila
sér sjálfir aftur en um tvisvar til þrisvar
í mánuði þurfum við að leggja upp í um-
fangsmikla leit,“ segir hann.
Guðmundur var frummælandi á mál-
þingi Geðhjálpar og Olnbogabarna sem
haldið var í gær, fimmtudag, um börn
og ungmenni með tvíþættan vanda þar
sem farið var yfir aðgerðir í framhaldi
af málþingi af svipuðum toga sem hald-
ið var haust. Guðmundur fór yfir hvað
felst sérstöku átaki lögreglunnar til að
koma í veg fyrir að óæskilegir einstak-
lingar hýsi börn og ungmenni undir
lögaldri. Um er að ræða 12 mánaða til-
raunaverkefni sem Guðmundur kom
inn í fyrir fjórum mánuðum.
„Í fyrra létust nokkur ungmenni sem
tengjast þessum heimi og þau tengdust
aðilum sem við hefðum þurft að vinna
betur í,“ segir Guðmundur um tildrög
verkefnisins. „Markmiðið er að koma á
breyttu verklagi þar sem fókusinn er á
börnunum. Við getum gert betur,“ seg-
ir hann. Eitt af því sem lögreglan vekur
sérstaka athygli á í þessu sambandi er
að refsiramminn sem nær utan um það
að hýsa ósjálfráða börn eða aðstoða
þau við að koma sér undan forræði for-
eldra sinna er samkvæmt hegningar-
lögum allt að 16 ára eða ævilangt fang-
elsi. „Þetta sýnir hvað löggjafinn lítur
þetta alvarlegum augum. Í desember
tókum við úr umferð ungan mann sem
var skaðvaldur í þessu samhengi. Mig
minnir að við séum með tvö mál núna
sem eiga eftir að fara til skoðunar varð-
andi ákæru. Síðan á eftir að koma í ljós
hvernig dómstólarnir taka á þessum
málum,“ segir hann.
Guðmundur gerði að umtalsefni
sögusagnir um að það séu helst eldri
menn sem hýsi ungar stúlkur og gefi
þeim jafnvel fíkniefni í staðinn fyrir
kynlíf. „Ég hef enn ekki rekist á neitt
slíkt dæmi. Hættulegustu einstakling-
arnir í dag eru sjálfir þolendur, þetta
eru strákar á aldrinum 18-23 ára sem
eru staðnaðir og sækja í ungar stelpur,“
segir Guðmundur en samkvæmt töl-
fræðinni eru stúlkur í meirihluta þeirra
týndu barna sem leitað er og meðal-
aldur þeirra er 15 ár. Kostnaðurinn við
umfangsmestu leitirnar eru töluverður,
allt að 350 til 450 þúsund krónur fyrir
stórtæka leit. „Það sem er hins vegar
ekki hægt að setja verðmiða á eru vonir
aðstandenda; foreldra, ömmu, afa og
systkina. Það er ómetanlegt hverju
þetta starf skilar,“ segir hann.
Sjá viðtal við unga stúlku með tví-
þættan vanda á síðu 34. Nánari um-
fjöllun er einnig að finna á vef Frétta-
tímans.
Erla Hlynsdóttir
erla@frettatiminn.is
193. grein almennra hegningar-
laga:
Hver, sem sviptir foreldra eða
aðra rétta aðilja valdi eða umsjá
yfir barni, sem ósjálfráða er fyrir
æsku sakir, eða stuðlar að því, að
það komi sér undan slíku valdi
eða umsjá, skal sæta sektum
eða fangelsi allt að 16 árum eða
ævilangt.
FjöLdi týndra barna
Meðalfjöldi leitarbeiðna
sem lögreglan fær á mán-
uði frá barnaverndaryfir-
völdum
Fjöldi á
Ár mánuði
2008 14,9
2009 18,3
2010 18,2
2011 15,2
2012 12,2
2013 13,4
2014 10,9
2015 17,6
Guðmundur Fylkisson, aðal-
varðstjóri hjá lögreglunni á
höfuðborgarsvæðinu, leiðir
sérstakt átak lögreglunnar til
að koma í veg fyrir að óæski-
legir einstaklingar hýsi börn
og ungmenni undir lögaldri.
Mynd/Hari
Kristín Soffía Jónsdóttir, borgarfulltrúi
segir Grandasvæðið hafa stimplað sig
rækilega inn. Alls sóttu 45 um versl-
unarrými.
 grandagarður aukin versLun á gamLa haFnarsvæðinu
Blómstrandi svæði í vexti
Borgin hefur unnið náið með Faxa-
flóahöfnum undanfarin ár með það
að markmiði að blómga gamla hafnar-
svæðið og aukin verslun við Granda-
garð er hluti af því markmiði. Nýlega
úthlutuðu Faxaflóahafnir fimm nýj-
um verslunarplássum í Grandagarði
við Gömlu höfnina í Reykjavík en 45
sóttu um rýmin sem auglýst voru.
Allt útlit er fyrir að svæðið við Vestur-
höfnina og Örfirisey verði eitt af vin-
sælli svæðum borgarinnar með sinni
blönduðu byggð íbúa, þjónustu og at-
vinnulífs.
„Sú þjónusta sem nú þegar starf-
ar við Grandagarð gengur mjög vel.
Við höfum lagt áherslu á að hún sé
fjölbreytt og við viljum að hún haldi
áfram að vera það,“ segir Kristín
Soffía Jónsdóttir borgarfulltrúi. „Við
teljum að áhugaverð og góð þjónusta
sé góð fyrir alla, hvort sem það eru
Íslendingar eða útlendingar. Við
höfum líka séð að fólk sem sækir út
á Grandagarð er allskonar fólk, bæði
borgarbúar, ferðamenn og fólk utan
af landi.“
„Svo styttist í íbúabyggð við Vestur-
bugtina og nú þegar eru komnir íbúar
við Mýrargötu 6. Svo er líka uppbygg-
ing atvinnulífs á svæðinu en nýsköp-
unarsetrið Sjávarklasinn, þar sem
eru til staðar fjölmörg fyrirtæki, er
að stækka. Þetta svæði er bara búið
að stimpla sig rækilega inn, sjálf fer
ég mikið þarna og ég held að allir upp-
lifi þetta sem blómstrandi svæði og
ég er viss um að það haldi áfram að
blómstra.“ -hh
2 fréttir Helgin 13.-15. mars 2015