Fréttatíminn - 17.04.2015, Blaðsíða 8

O kkur hefur komið helst á óvart að tilkynningar um heimilisofbeldi eru ekki
bundnar við kvöld og helgar eins
og við reiknuðum með. Fjöldi til-
kynninga er einnig meiri en við
bjuggumst við,“ segir Þóra Kemp,
deildarstjóri á velferðarsviði Reykja-
víkurborgar og fulltrúi í stýrihópi
sem settur var á laggirnar vegna
átaksverkefnis Reykjavíkurborgar
og lögreglunnar á höfuðborgar-
svæðinu gegn heimilisofbeldi.
Samstarfssamningur var undir-
ritaður þann 12. janúar og ber verk-
efnið heitið: Saman gegn ofbeldi.
Með tilkomu verkefnisins er í fyrsta
skipti boðið upp á þjónustu félags-
ráðgjafa frá félagsþjónustu í útköll-
um vegna heimilis þegar barn er
ekki á heimilinu – en fulltrúi barna-
verndar kemur alltaf ef barn er á
heimili – og segir Þóra að þolendur
þiggi þjónustuna í flestum tilfellum.
Á fyrstu þremur mánuðunum sem
verkefnið var í gangi, til 12. apríl,
bárust 60 tilkynningar þar sem
starfsmaður þjónustumiðstöðva var
kallaður út til að sinna fullorðnum
þolendum og/eða gerendum í heim-
ilisofbeldismálum. Fyrstu tvo mán-
uðina voru útköllin 36 en 24 bættust
við síðastliðinn mánuð.
Í rannsókn á ofbeldi gegn konum
sem Rannsóknarstofnun í barna- og
fjölskylduvernd vann fyrir félags-
og tryggingamálaráðuneytið árið
2010 kemur fram að rúmlega rúm-
lega 22% aðspurðra kvenna höfðu
verið beittar ofbeldi í nánu sam-
bandi einhvern tíma frá 16 ára aldri.
Engar innlendar rannsóknir eru til
þar sem heimilisofbeldi sem karlar
verða fyrir er sérstaklega skoðað.
Útkallið gengur fyrir
Samkvæmt nýju verklagi mætir
ráðgjafi frá þjónustumiðstöðvum
á staðinn ef brotaþoli og/eða ger-
andi þiggja boð lögreglu þar um.
Alls er um að ræða 33 starfsmenn
sex þjónustumiðstöðva sem skipta
á milli sér bakvöktum vegna slíkra
útkalla. „Ef útkallið berst á dag-
vinnutíma, þegar viðkomandi bak-
vaktarstarfsmaður er í vinnu verða
önnur verkefni að bíða og hann fer
strax í útkallið. Líklega á þetta fyrir-
komulag eftir að slípast þegar fram
líða stundir en í takt við tölfræði
frá lögreglunni höfðum við ekki
reiknað með mörgum útköllum á
dagvinnutíma,“ segir Þóra. Ráðgjafi
velferðarsviðs veitir fyrstu aðstoð
sem getur meðal annars falið í sér
að fylgja þolanda til læknis og hvetja
þolanda til að fá áverkavottorð,
koma fjölskyldunni í öruggt skjól
eða finna húsnæði fyrir geranda ef
þörf er á. Þá hefur ráðgjafinn einnig
milligöngu um að vísa þolanda til
ráðgjafar hjá þjónustumiðstöð í því
hverfi þar sem hann á lögheimili í.
Kallaður er til túlkur er þörf er á.
Skýr skipting er á milli þess
hvaða verkefnum lögregla og
fulltrúi félagsþjónustu sinna – og
svo fulltrúi barnaverndar ef hann er
á staðnum – þannig að brotaþolar og
gerendur þurfi ekki að endurtaka
sömu upplýsingarnar við marga
aðila. Eitt af hlutverkum félagsráð-
gjafa er að greina og skrá þætti eins
og vímuefnaneyslu, fötlun geranda
eða þolanda, þungun brotaþola og
notkun túlka. „Þessar upplýsingar
geta hjálpað okkur að vinna áfram
með þennan málaflokk. Fatlaðir eru
hópur sem á undir högg að sækja
svo og innflytjendur eins og niður-
stöður rannsókna hafa sýnt, og því
erum við sérstaklega vakandi fyrir
þessum hópum,“ segir Þóra.
Vitjun innan 7 daga
Verklag í þessum málum hjá félags-
þjónustunni er með þeim hætti að
eftir útkallið á sér stað eftirfylgni og
félagsráðgjafi hringir innan þriggja
daga til að taka stöðumat og býður
upp á viðtal. „Misjafnt er þá hvort
brotaþoli er heima, hefur farið til
ættingja eða dvelst í Kvennaathvarf-
inu. Lokahnykkurinn á því ferli sem
hefst með útkallinu er sameiginleg
vitjun lögreglu og ráðgjafa innan
viku. Eftir það er málinu í raun lokið
en það getur farið í áframhaldandi
vinnslu á þjónustumiðstöð,“ segir
Þóra. Þegar brotaþolar eru þegar
með ráðgjafa innan þjónustumið-
stöðvanna er allur gangur á því
hvort þeir vilja að þeir ráðgjafar
vinni að heimilisofbeldismálinu
eða hvort þeir vilja fá annan ráðgjafa
til þess. „Þetta er val fólks og við
komum til móts við þessar óskir,“
segir hún.
Þóra segir að þolendur heim-
ilisofbeldis tali um að þeim finnist
þeir fá meiri stuðning með aðkomu
þjónustumiðstöðvanna í þessum
málum. „Ég get nefnt dæmi um
eitt mál sem kom upp eftir að þetta
verkefni hófst. Um var að ræða aðila
sem hafði ekki verið í neinum sam-
skiptum við félagsþjónustuna en
eftir útkallið fann viðkomandi hjá
sér aukinn persónulegan styrk og
ákvað að fá stuðning til að skilja við
ofbeldismanninn. Það er hins vegar
alls ekki alltaf raunin og stundum
leita báðir aðilar sér persónulegr-
ar aðstoðar og reyna að láta sam-
bandið ganga,“ segir Þóra.
Eins og Fréttatíminn fjallaði um í
síðustu viku er verkefnið Karlar til
ábyrgðar eina sérhæfða meðferðar-
úrræðið fyrir þá sem beita ofbeldi á
heimilum og leitaði metfjöldi sér þar
aðstoðar í fyrra, 95 manns – þar af
54 sem voru að koma í fyrsta skipti.
Þjónustumiðstöðvarnar benda ger-
endum á þetta úrræði sem hefur
reynst afar vel.
„Saman gegn ofbeldi“ er fyrsta
samvinnuverkefni Reykjavíkurborg-
ar og lögreglunnar á höfuðborgar-
svæðinu af þessari stærðargráðu
en tugir starfsmanna koma að því
beint. „Þetta er gríðarlega viðamik-
ið og samstarfið hefur gengið fram-
ar vonum. Ég sé fyrir mér að þessi
góða samvinna eigi eftir að skila sér
í fleiri málaflokkum síðar meir enda
skarast störf velferðarþjónustu og
lögreglu á fleiri sviðum,“ segir Þóra.
Erla Hlynsdóttir
erla@frettatiminn.is
Ráðgjafar frá þjónustumiðstöðvum Reykjavíkur hafa sinnt
24 útköllum vegna heimilisofbeldis síðastliðinn mánuð. Alls
eru þetta 60 útköll frá því samstarfsverkefnið „Saman gegn
ofbeldi“ hófst um miðjan janúar. Í fyrsta sinn er nú full-
orðnum þolendum og/eða gerendum boðið upp á þjónustu
félagsráðgjafa frá þjónustumiðstöðvum þegar lögreglan er
kölluð út vegna heimilisofbeldis. Deildarstjóri á velferðarsviði
Reykjavíkurborgar segir það hafa komið á óvart hversu mörg
útköll berast á dagvinnutíma. Sérstaklega er skimað fyrir
vímuefnaneyslu, fötlun, þungun brotaþola og notkun túlka.
Heimilisofbeldi
ekki bundið við
kvöld og helgar
Eftir að lögreglan
kemur á staðinn
vegna heim-
ilisofbeldis býður
hún þolanda og
geranda, ef hann
er enn á staðnum,
að fá ráðgjafa frá
félagsþjónustunni
á staðinn. Flestir
þiggja boðið.
NordicPhotos/Getty
Þóra Kemp,
deildarstjóri á
velferðarsviði
Reykjavíkurborgar.
60 útköll ráðgjafa
vegna heimilisofbeldis
á 3 mánuðum.
Þar af 24 á
síðastliðnum mánuði.
22% kvenna beittar
ofbeldi í nánu sambandi.
33 ráðgjafar á 6
þjónustumiðstöðvum
sinna bakvöktum.
www.fi.is
Mörkinni 6 | 108 Reykjavík | S: 568 2533 | www.fi.is
FERÐAFÉLAG ÍSLANDS
Hvannadalsh
núkur
Árleg hvítasu
nnuferð FÍ
Hvannadalshnúkur
23. maí, laugardagur
Árleg hvítasunnuferð FÍ á Hvannadalshnúk, 2110 m. Gengin
Sandfellsleið. Hækkun um 2000 m. 12-15 klst. Jöklabúnaður er
nauðsynlegur. Gisting á eigin vegum.
Undirbúningsfundur: Miðvikudaginn 29. apríl kl. 20:00
í sal FÍ.
Fararstjóri: Örlygur Steinn Sigurjónsson.
Sjá nánar á www.fi.is
Nánari upplýsingar og skráning er í síma 568 2533 eða í
netpóst fi@fi.is
Skráðu þig in
n – drífðu þig
út
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Flachau er einstaklega fallegur fjallabær í Salzburgar-
landi, en í nágrenni hans eru óteljandi gönguleiðir sem
liggja um stórkostlegt landslag, fjöll og dali. Í ferðinni
verður lögð sérstök áhersla á að njóta fjölbreyttrar
útivistar á þessu yndislega Alpasvæði.
Verð: 178.800 kr. á mann í tvíbýli.
Mjög mikið innifalið!
Sp
ör
e
hf
.
Fararstjóri: Aðalsteinn Jónsson
13. - 20. júní
Trítlað í Flachau
Sumar 5
8 fréttaúttekt Helgin 17.-19. apríl 2015