Frjáls verslun - 01.10.2011, Side 67

FRJÁLS VERSLUN 10. TBL. 2011 67
41. epson artisan 837
Fjölnotaprentari (u.þ.b. 60.000 kr., www.epson.com). Hér er annar
góður fjölnotaprentari í svipuðum gæðaflokki og Pixma­prentarinn í
40. sæti. Þessi er ekki með alveg eins góðan snertiskjá og stjórntæki,
en bætir það upp með meiri myndgæðum og ódýrara bleki.
42. Zite Mobile
iPad­forrit (ókeypis, www.zite.com). Zite­smáforritið fyrir iPad­
spjaldtölvur viðar að sér efni í gegnum samfélagsmiðla notandans
og birtir með merkilega góðum árangri einmitt það sem hann hef­
ur áhuga á. Framsetning efnisins er jafnframt einföld og læsileg.
43. trend Micro Mobile security
Android­öryggisforrit (ókeypis, bit.ly/nZOGVo). Það verður sífellt
mikilvægara að vernda snjallsíma, spjaldtölvur og slík tæki fyrir
utan aðkomandi hættu. Þetta öryggisforrit fyrir Android­tæki skannar
smáforrit í leit að veirum og verndar gegn ýmiss konar annarri óværu.
44. dell precision M6600
Fartölva (u.þ.b. 487.000 kr., www.ejs.is). M6600 frá Dell vegur
hátt í fjögur kíló þannig að hún tekur í axlirnar rétt eins og budd­
una. En maður fær það sem maður borgar fyrir, því fjögurra kjarna
Core i7­örgjörvinn gerir þetta að draumatölvu þeirra sem vinna í
þungum grafík­ og þrívíddarforritum.
45. lenovo thinkpad tablet
Spjaldtölvur (frá u.þ.b. 115.000 kr., www.netverslun.is).
ThinkPad­spjaldtölvurnar frá Lenovo eru fyrst og fremst hugsaðar
sem vinnutölvur, með fjölda fyrirfram uppsettra viðskiptaforrita og
fleiri tengi fyrir jaðarbúnað en flestar spjaldtölvur.
46. Mobotap dolphin browser hd
Vafri fyrir Android og iOS (ókeypis, www.dolphin­browser.com).
Vafrarnir sem fylgja með Android og iOS eru ósköp takmarkaðir, en
þar kemur Dolphin til skjalanna. Hann býður upp á flipa, táknskip­
anir (e. gestures) og er almennt skemmtilegri í notkun.
47. smartr inbox for gmail
Tölvupóstsviðbót (ókeypis, www.xobni.com). Loksins geta
Gmail­notendur notið þess sem Xobni hefur boðið Outlook­note nd um
upp á um nokkurt skeið. Smartr Inbox for Gmail sækir upplýsingar
um tengiliði þína í Gmail á samfélagsvefi og breytir innhólfinu í
miðstöð samfélagsmiðla á borð við Facebook, LinkedIn og Twitter.
48. Casio exilim eX-h20g
Myndavél (u.þ.b. 45.000 kr., www.elko.is). Þessi fína tækifæris­
myndavél er með 10x aðdráttarlinsu, tekur fínar myndir og ending­
artími rafhlöðu er langur. Rúsínan í pylsuendanum er svo besta
notkun á GPS­staðsetningartækni sem sérfræðingar PC World
hafa nokkru sinni séð í myndavél.
49. lightbox photos fyrir android
Myndavélaforrit (ókeypis, www.lightbox.com). Instagram er
ekki til fyrir Android, en Lightbox Photos fer langt með að láta það
engu máli skipta. Með því er einfalt að vinna með myndir sem
teknar eru í símanum og senda þær á alla helstu samfélagsmiðla.
50. acer aspire revo rl100
Margmiðlunartölva (u.þ.b. 100.000 kr. hjá www.att.is og www.
tolvulistinn.is). Hér er á ferðinni nokkurs konar blendingur
borðtölvu og flakkara. Þetta er tölva, en hönnuð fyrir sjónvarps­
herbergið. Revo RL100 er ein tomma á þykkt, með Blu­ray­drif,
750 GB geymsluminni, lyklaborð sem rennt er út og þráðlausa
snertimús.
Dell Precision M6600 er draumatölva þeirra sem vinna í
þungum grafík­ og þrívíddarforritum.
Casio Exilim
EX­H20G notar
GPS­tæknina á
frábæran hátt.
Acer Aspire Revo RL100 er
borðtölva hönnuð fyrir sjón-
varpsherbergið.
meSt Spennandi 2012?
Þótt erfitt sé að spá í spilin í jafnmargslungnum heimi
og tækniheiminum má búast við að eftirtalin fimm
atriði valdi straumhvörfum á næsta ári:
Android Ice Cream Sandwich: næsta útgáfa android-
stýrikerfisins verður troðfull af nýjungum og virkar bæði
á spjaldtölvum og snjallsímum.
Næsti iPhone: iPhone 4s var ágæt uppfærsla á iPhone 4
en hefði mátt vera betri. stóra stökkið gæti komið með
iPhone 5.
Lytro Light-Field-myndavél: þessi magnaða myndavél
er sögð geta tekið mynd og stillt svo fókusinn eftir að
myndin hefur verið tekin. Gangi það eftir gæti hún vald-
ið byltingu á myndavélamarkaðnum.
Fistölvur: 2012 gæti orðið ár fistölvanna (ultrabooks).
það eru ofurþunnar, tiltölulega ódýrar fartölvur sem eru
þó kraftmiklar miðað við stærð.
Canon PowerShot S100: þessi myndavél verður án efa
verðugur arftaki Powershot s95, sem var frábær vasa-
myndavél.
44
48
50