Frjáls verslun - 01.07.2007, Blaðsíða 53

F R J Á L S V E R S L U N • 7 . T B L . 2 0 0 7 53
Samkeppni hefur aukist mjög mikið á raftækja- og heimilistækja-
markaði á undanförnum árum. Hvernig hafa Bræðurnir Ormsson
mætt henni?
„Við tökumst á við hana með mjög þekktum vörumerkjum í bæði
hvítum og brúnum vörum. Merkjum eins og Pioneer, Sharp,
Samsung og LOEWE sem er hágæðamerki og keppir við merki
eins Bang & Olufsen. Í hvítu vörunni erum við líka með AEG,
vörumerki sem hefur áunnið sér góða ímynd hér á landi í næstum
80 ár. Allt eru þetta vörumerki sem spjara sig mjög vel. Við erum
ekki að keppa við lágvörukeðjur sem bjóða upp á óþekktari merki á
lágu verði og oft á tíðum lítil gæði. Við erum að keppa í gæðavöru
og leggjum höfuðáherslu á það að þjóna viðskiptavinum okkar
þannig að þeir séu ánægðir og komi aftur til okkar.“
Hvaða tæki seljið þið mest af um þessar mundir og á hvaða sviði
er samkeppnin mest?
„Við erum með mjög sterka markaðshlutdeild í öllum vörum sem
snúa að heimilistækjum. Á því sviði hefur markaðshlutdeild okkar
vaxið frá ári til árs. Við eigum einnig mjög stóra hlutdeild í sjón-
varpsmarkaðnum þar sem við erum aðallega að selja og vinna með
þrjú vörumerki sem eru nú meðal þeirra sterkustu í heimi: Samsung,
Pioneer og Sharp. Þá hefur okkur gengið mjög vel í sölu á eldhús- og
baðinnréttingum og skápum frá HTH. Erum með mjög sterka hlut-
deild í bæði verktakamarkaðnum og hjá einstaklingum.“
Hvernig skilgreinir þú fyrirtækið og hvernig lýsir þú ímynd þess?
„Bræðurnir Ormsson verður 85 ára þann 1. desember og er því fyrir-
tæki sem byggir á gömlum merg. Þegar við keyptum það hafði fyrir-
tækið verið í eigu sömu fjölskyldunnar frá upphafi. Ímynd félagsins
hefur verið byggð upp á mörgum áratugum og við finnum að það er
mjög þekkt á meðal fólks fyrir gæðavörur og góða þjónustu.“
SÍF og sameiningin
Þú varst um árabil forstjóri í stórfyrirtækinu SÍF. Hver er meg-
inmunurinn á að stýra því og fyrirtæki eins og Bræðrunum Orms-
son?
Gunnar Örn Kristjánsson er sestur í forstjórastól Bræðranna Ormsson – en hann er annar tveggja eigenda fyrirtækisins.