Frjáls verslun - 01.07.2007, Blaðsíða 110

110 F R J Á L S V E R S L U N • 7 . T B L . 2 0 0 7
Sumarfríið:
Óspillt náttúra
Ragnhildur Geirsdóttir. „Það sem Ísland hefur umfram önnur
lönd er óspillt náttúran, hreina loftið og hvað maður er frjáls.“
Ragnhildur Geirsdóttir, forstjóri Promens, þarf starfs síns
vegna að fara til útlanda næstum því í hverri viku. Hún er
yfirleitt erlendis tvo til þrjá daga í hverri viku og þá oftast í
einhverju Evrópulandinu.
Vegna þessa leggur Ragnhildur mikla áherslu á að dvelja á
Íslandi þegar hún á frí og í sumar var hún í tvær vikur í fríi á
Íslandi og þar af stóran hluta í sumarbústað við Laugarvatn.
„Ég lagði áherslu á að njóta íslenskrar náttúru og hreyfa
mig. Ég veiddi, hjólaði, spilaði golf og fór í gönguferðir.“
Þegar Ragnhildur er spurð hvað Ísland sé í huga hennar
segir hún: „Það sem Ísland hefur umfram önnur lönd er
óspillt náttúran, hreina loftið og hvað maður er frjáls. Hér er
hægt að tjalda næstum því hvar sem er. Besta hvíldin er að
fara í fjallgöngu,“ segir Ragnhildur sem finnst Snæfellsjökull
vera eitt skemmtilegasta íslenska fjallið að ganga á.
Lífsstíll
Þegar Heiðrún
Jónsdóttir, fram-
kvæmdastjóri
starfsþróunar- og
samskiptasviða
Eimskips, er spurð
hver sé uppáhalds-
borgin segir hún
að erfitt sé að
gera upp á milli
nokkurra borga.
Hún nefnir þó sér-
staklega Berlín.
„Ég var au-pair í München
veturinn 1989-1990 og fór til
Berlínar ásamt vinkonu minni,
Jakobínu Guðmundsdóttur,
helgina þegar Berlínarmúrinn
féll. Við gerðum okkur ekki grein
fyrir að þetta hefði áhrif á sög-
una; við litum frekar á þetta
sem spennandi helgi. Þetta er
áhrifaríkasta helgi sem ég hef
upplifað í erlendri stórborg.“
Fyrir utan að tengja heim-
sóknina til Berlínar
við sögulegan
atburð bendir
Heiðrún á að
gamlar, evrópskar
borgir heilli sig sér-
staklega.
„Við vorum
annan daginn í
Vestur-Berlín en
hinn í Austur-Berlín
og seinni dag-
inn fannst okkur
við vera einar í heiminum þar
sem eiginlega allir voru vestan
megin. Það vildi svo til að dag-
inn sem við vorum vestan megin
var sól og mikil hátíð en þegar
við vorum austan megin var kalt
og hráslagalegt. Húsin austan
megin í borginni voru illa farin og
sóðaleg og bílaflotinn var ólíkur
því sem maður var vanur.“
Heiðrún náði broti úr múrnum
en því miður týndi hún því.
Uppáhaldsborgin:
Þegar múrinn féll
Heiðrún Jónsdóttir.
Heiðrún Jónsdóttir var í stödd í Berlín þegar múrinn féll.