Frjáls verslun - 01.07.2007, Blaðsíða 60

60 F R J Á L S V E R S L U N • 7 . T B L . 2 0 0 7
Árið 1986 fór Tryggvi að vinna sem klipp-
ari hjá Stöð 2 tveimur vikum eftir að hún
fór í loftið. „Þar vann ég til ársloka 1989 og
sagði upp störfum á gamlársdag alveg eins
og Jón Óttar þrátt fyrir að þar væru engin
tengsl á milli. Ég var kominn með fjölskyldu
og orðinn leiður á slarkinu og innritaði mig
í iðnrekstrarfræði í Tækniskólanum,“ sagði
Tryggvi.
Fjölskylduhagir
Tryggvi er tvígiftur og á tvö börn og tvö
fósturbörn. Fyrri kona hans heitir Kristjana
Blöndal og með henni á hann 17 ára son sem
heitir Halldór Reynir. Hann kynntist seinni
konu sinni, Sigurveigu Maríu Ingvadóttur
leikskólakennara, árið 1994 og eiga þau
10 ára dóttur sem heitir Anna Ragnheiður.
Sigurveig á tvö börn fyrir, Mist 19 ára og
Veigar 14 ára.
Doktor í hagfræði
Að loknu námi við Tækniskólann lá leiðin í
hagfræði við Háskóla Íslands. Tryggvi útskrif-
ast með mastersgráðu í hagfræði árið 1994
eftir tveggja ára nám með vinnu á Hag-
fræðistofnun. Í framhaldi af því bætti hann
við sig doktorsgráðu við háskólann í Árósum
á tæpum þremur árum. Meðan á því námi
stóð starfaði hann sem lektor, síðan dósent
og að lokum prófessor við Háskóla Íslands,
auk þess sem hann var forstöðumaður Hag-
fræðistofnunar HÍ 1995-2006. Doktorsrit-
gerð Tryggva fjallar um rætur hagvaxtar og
hvernig hagstjórn hefur áhrif á hann.
„Áhugi minn á hagfræði á sér rætur í
því að ég vann mikið við fréttir á Stöð 2 og
fékk brennandi áhuga á þjóðfélagsmálum.
Hagfræðiáhuginn óx eftir einhverjum óút-
Guðmundur Árnason:
Alltaf í
hringiðunni
Guðmundur Árnason, ráðu-
neytisstjóri í menntamálaráðu-
neytinu, segist eiga erfitt með
að tímasetja nákvæmlega
hvenær hann kynntist Tryggva
fyrst. „Við erum aldir upp
hvor í sínum firðinum fyrir
austan, hann á Norðfirði og ég
á Eskifirði, hinum megin við
Oddskarðið, og mér eiginlega
finnst að ég hafi þekkt hann
frá fornu fari þó að ég kynntist
honum ekki almennilega fyrr
en við vorum báðir fluttir til
Reykjavíkur.
Það skemmtilega við
Tryggva er að hann hefur alltaf
verið í hringiðunni þar sem
hlutirnir hafa verið að gerast
á hverjum tíma. Á unglings-
árunum fyrir austan var Tryggvi
fremstur meðal jafningja hvað
almennan töffaraskap varð-
aði, hann hafði sig í frammi
og var áberandi. Þegar pönkið
var við lýði var Tryggvi í ekta
svörtum leðurjakka en síðar
með þroska og breyttum hugð-
arefnum fylgdi ábyrgari og
mildilegri ásýnd. Hann dreif
sig í nám og lauk doktors-
prófi í hagfræði. Það er alveg
rökrétt að hann skuli nú vera
starfandi í fjármálageiranum.
Ég hef grínast með það við
Tryggva að hann væri spegil-
mynd samtíðar sinnar í ætt
við Zelig eða Forrest Gump
og ég held honum hafi fund-
ist samlíkingin skondin því
hann er alveg laus við allt yfir-
læti eða að taka sjálfan sig
hátíðlegan.
Tryggva er sérstakur og
fáum líkur. Hann hefur afar
skarpa og umfram allt raun-
sæislega dómgreind sem hann
hefur fært sér vel í nyt. Hann
hefur fágætan hæfileika til
að greina aðalatriði frá auka-
atriðum og það sem mest er
um vert er að þessi hæfileiki
er almennur og nær til margra
og ólíkra sviða. Þetta þýðir
auðvitað að hann er skemmti-
legur og áhugaverður náungi,“
sagði Guðmundur.
Gunnar Hrafnsson:
Mömmu langaði
að ættleiða
hann
Gunnar Hrafnsson tónlistar-
maður er nágranni Tryggva og
vinur. „Ég kynntist Tryggva eftir
að við urðum nágrannar. Ég
kannaðist við hann úr rokk-
bransanum frá því í gamla
daga og mér skilst að þá
hafi hann aðeins reynt fyrir
sér sem söngvari. Við fórum
að spjalla saman og ég var
fljótur að finna hvað hann er
skemmtilegur og við urðum
góðir vinir. Ef ég á að lýsa
Tryggva í stuttu máli þá mundi
ég segja að hann væri búinn
allri þeirri heilbrigðu skynsemi
sem mig skortir og óska að
ég hefði. Við erum öll á ein-
hvern hátt jöfn en Tryggvi er
einhvern veginn jafnari en við
hin á jákvæðan hátt. Allir sem
umgangast Tryggva finna fljótt
að þar er á ferðinni afskaplega
gáfaður maður. Eitt af því sem
ég dáist að í fari hans er hvað
hann er fljótur að leggja mál-
efni niður fyrir sér og komast
að kjarna málsins.
Tryggvi kemur úr annarri átt
en flestir í hans bransa og ég
efast um að hann hafi haft
mótaðar hugmyndir um hvað
hann vildi gera eða hafi ætlað
að mennta sig þegar hann kom
fyrst til Reykjavíkur. Hann var
á kafi í tónlist og ég held að
hann hafi komið bakdyra megin
að fjármálaheiminum með víða
sýn og óvenjulega reynslu sem
hefur reynst honum vel.
Í mínum huga býr margt
í Tryggva af því besta sem
Ísland hefur upp á að bjóða.
Hann elst upp í sjávarplássi
og hefur prófað alla skapaða
hluti. Ég held því að hann
hafi haft ýmislegt gagnlegt í
farteskinu þegar hann hóf nám
S
AG
T
U
M
T
R
YG
G
VA
Þ
Ó
R
H
ER
B
ER
TS
S
O
N
T R Y G G V I Þ Ó R H E R B E R T S S O N Í N Æ R M Y N D