Frjáls verslun - 01.07.2007, Blaðsíða 51

F R J Á L S V E R S L U N • 7 . T B L . 2 0 0 7 51
tillögur til úrbóta og geta síðan haldið áfram að vinna. Samhliða þessu
ferli verðum við með námskeið, fyrirlestra og persónulega ráðgjöf við
að móta áfram hugmyndina og byggja upp betra viðskiptamódel.
Næsta skrefið er að keppendur skila inn fullmótaðri viðskiptaáætlun
sem sérstakur hópur fer yfir. Í þriðja áfanganum koma keppendur
fram fyrir dómnefnd og fjárfesta og kynna viðskiptahugmynd sína á
stuttum tíma. Við teljum að frumkvöðlakeppnin verði mjög skapandi
og hvetjandi vettvangur fyrir háskólafólk.“
Öll plön hafa gengið upp fyrr en áætlað var
Innovit er mjög ungt fyrirtæki og hefur gangur fyrirtækisins farið fram
úr björtustu vonum. „Við vorum með tímaáætlanir og önnur plön í
gangi en það skemmtilega er að öll plön hafa gengið upp mun fyrr en
áætlað var. Við kynntum okkur fyrir háskólum, stjórnvöldum og fyrir-
tækjum þegar við hófum reksturinn og alls staðar hefur okkur verið vel
tekið og fengið hvatningu til að halda áfram á sömu braut.“
Innovit er í tímabundnu húsnæði í Tæknigarði. „Fljótt munum
við fara að leita að öðru og stærra húsnæði enda aðsóknin verið
meiri en við getum sinnt. Í framtíðinni beinum við augum okkar
að Vatnsmýrinni og vonumst til að flytja þangað eftir um það bil
tvö ár, háskólarnir eru að byggja þar og við teljum okkur vera vel
staðsett þar sem þeir eru. Takmarkið er að þegar við erum komin í
fullan gang verði hægt að bjóða yfir þrjátíu frumkvöðlum aðstöðu á
skrifstofum okkar.“
Innovit býður öllum háskólum landsins til samstarfs. „HÍ, HR
og Bifröst eru komnir í samstarfið og aðrir háskólar eru að skoða
málin. Bakhjarlar eru þegar Landsbankinn og Samtök iðnaðarins og
vonandi bætast við fleiri fyrirtæki og samtök.“
Varðandi nafn fyrirtækisins segir Andri Heiðar skemmtilega
hugmynd á bak við það. „Innovit býður öllum háskólum landsins
til samstarfs. „HÍ, HR og Bifröst eru komnir í samstarfið og aðrir
háskólar eru að skoða málin. Bakhjarlar eru þegar Landsbankinn,
Samtök iðnaðarins og Nýsköpunarsjóður atvinnulífsins og vonandi
bætast við fleiri fyrirtæki og samtök.“
Tæknigarði – Dunhaga 5 • 107 Reykjavík • Sími 552 5151
Fax: 552 8801 • Netfang: innovit@innovit.is • Netsíða: ww.innovit.is
Hjá Innovit munu nemendur fá aðgang að húsnæði, tækjabúnaði og sérfræðiþekkingu til að vinna
að stofnun fyrirtækja og brúa bilið frá námi til hagnýtingar. Lagt verður upp með að vinnuaðstaðan
verði opin og hvetjandi til þess að hinn sanni frumkvöðlaandi muni ríkja og nái að festa rætur.