Frjáls verslun - 01.07.2007, Blaðsíða 80

Dögg segir að verkefnin séu mjög fjölbreytileg. „Einn
viðskiptavinur vildi til dæmis fara með alla fjölskyldu sína,
fimmtíu manns, í tveggja vikna ferð um heiminn. Annar við-
skiptavinur sem hafði fengið okkur til að hanna snekkjuna sína
að innan var svo ánægður að hann bað okkur að yfirfara eitt af
hótelunum sínum. Þá unnum við í nokkrar vikur við að gera
nákvæma skýrslu um öll smáatriði á hótelinu og komum með
tillögur um hverju mætti breyta til að bæta hótelið. Eftir breyt-
ingarnar jókst ánægja viðskiptavinanna úr 78% í 97%.“
Fjölbreytni og nýjar hugmyndir eru lykilorð í þessum
geira og það gildir um bæði fyrirtæki Daggar. Þannig sá hún
um að skipuleggja nokkurra daga veislu og uppákomur á
eyju í Indlandshafi þar sem þurfti að byggja húsin til að hýsa
gestina. Hvert hús hafði verið innréttað með þá í huga sem
áttu að búa þar. Á hverjum degi voru mismunandi veislur,
ferðir og skemmtiatriði. „Þetta snýst um að veita óaðfinn-
anlega þjónustu og vita hvað gestirnir vilja áður en þeir vita
það sjálfir. Ég þrífst á að koma fólki á óvart og gera meira
en viðskiptavinurinn býst við að fá þegar hann skrifar undir
samninginn.“
Best að slappa af á Íslandi
Dögg segist mjög ánægð með lífið í London enda búin að
koma sér vel fyrir í Chelsea-hverfinu. Margir viðskiptavina
hennar eru með skrifstofur í London. „Ég er á ferðalagi um
250 daga ársins og því hentugt að búa í London upp á flug
um allan heim.“
Ferðalögin eru óhjákvæmileg af því verkefnin eru víða og eins
skiptir máli að safna ferskum hugmyndum. Sum verkefnin eru
ár eða meir í undirbúningi svo það stendur mikið til þegar stóra
stundin rennur upp. „Þetta er tímafrek vinna en það er uppörv-
andi að ánægðir viðskiptavinir koma til okkar aftur og aftur.“
Frístundirnar eru ekki margar en Dögg segist reyna að taka
sér vikufrí á hverju ári, og fara þá gjarnan til Maldives eyja.
Þess á milli reynir hún að eiga nokkra daga á ári í sumarbústað
sínum á Íslandi.
„Mér finnst ekkert mjög auðvelt að gleyma vinnunni og
slappa af en ég get það hvergi betur en þarna. Það er mikilvægt
að gefa sér tíma til þess að hlaða batteríin og vera ekki alveg
heltekin af því að vera að koma frá Kína í gær og fara til Parísar
á morgun.“
„Ég er á ferðalagi um 250 daga ársins og því hentugt að búa í London upp á flug um allan heim.“
80 F R J Á L S V E R S L U N • 7 . T B L . 2 0 0 7