Læknablaðið - 01.07.2015, Side 24

364 LÆKNAblaðið 2015/101
araukningu og segulskinsbreytingum í vinstra innhýði (insula) og
gráhýði (putamen) (mynd 2). Sama dag var gerð hjartaómun sem
var eðlileg. Ítarlegar blóðprufur með tilliti til storkugalla komu
allar eðlilega út.
Aðfaranótt fjórða dags eftir upphaf veikinda versnuðu ein-
kenni aftur með versnandi höfuðverk, helftarlömun og málstoli.
Tekin var tölvusneiðmynd af höfði sem sýndi drep í gagnauga- og
hvirfilblaði (temporoparietalt) vinstra megin og aftan til í vinstra
gráhýði (mynd 3).
Daginn eftir var gerð hefðbundin æðarannsókn (cerebral angiog-
raphy) af heilaæðum. Var þá lokunin sem hafði sést á TSA horfin
en þó sást hægt flæði í undirgreinum aftan til í næringarsvæði
vinstri miðlægrar heilaslagæðar og lítil háræðafylling á því svæði
(mynd 4). Sama dag var endurtekin segulómun af heila með æða-
rannsókn (SÓA) og sáust á henni drepvæði aftantil í gráhýði og í
innhýði vinstra megin auk dreps í heilaberki í vinstra gagnauga-
blaði (mynd 5). Ekki var óyggjandi sýnt fram á flysjun eða sega
en innankúpuhluti miðlægrar heilaslagæðar auk A1 greina voru
aðeins mjóslegnar.
Stúlkan hafði enga fyrri sögu um mígreni eða aðra taugasjúk-
dóma og fjölskyldusaga var einnig neikvæð. Hún hafði engin lyf
tekið fyrir upphaf einkenna. Engin saga var um áverka eða mikla
áreynslu heldur aðeins væga upphitun við upphaf einkenna.
Eins og fyrr sagði var í fyrstu grunur um blóðsega eða flysjun.
Ekki sáust þó merki um slíkt á síðari æðarannsókn eða segulómun
og einnig hafði þrengingarsvæði breytt um staðsetningu sem
mælir gegn flysjun. Vaknaði því grunur um HASH, ekki síst
vegna höfuð- og hálsverkja sem stúlkan fann fyrir og versnunar
einkenna fjórum dögum eftir upphaf þeirra. Meðferð með létthep-
aríni var stöðvuð og þess í stað sett inn asetýlsalicýlsýru. Einnig
var hafin meðferð með kalsíumgangahindranum nimodipín. Á
þeim fjórum mánuðum sem liðið hafa frá upphafi einkenna hefur
verið hægur en stöðugur bati, en eftir sitja væg helftarlömun og
málstol.
Tafla I. Eldri heiti yfir HASH.10
Isolated benign cerebral vasculitis
Acute benign cerebral angiopathy
Reversible cerebral segmental vasoconstriction
Call-Fleming syndrome
Central nervous system pseudovasculitis
Benign angiopathy of the central nervous system
Post-partum angiopathy
Migraine angiitis
Migrainous vasospasm
Primary thunderclap headache
Cerebral vasculopathy
Vasospasm in fatal migrainous infarction
Mynd 2. Segulóm-
mynd (T2 myndaröð) af
höfði sem sýnir vægan
bjúg í vinstra innhýði
og gráhýði.
Mynd 3. Tölvu-
sneiðmynd af höfði
sem sýnir drepsvæði
í gagnauga- og
hvirfilblaði vinstra
megin.
Mynd 4. Æðarannsókn af heilaæðum sem sýnir litla háræðafyllingu aftantil á nær-
ingarsvæði vinstri miðlægrar heilaslagæðar.
S J Ú k R a T i l F E l l i