Læknablaðið - 01.04.2014, Blaðsíða 48

248 LÆKNAblaðið 2014/100
L J Ó Ð
LÍKN
muggan
hylur
landið
hvíta
í afkima
orða
leitar
lækna-
jurta
allra
meina
smyrslum
smurður
þú
NÁTTBÓL
í gömlu
túni
marglitra
grasa
náttból
bý
þér
vallgresið
varðveitir
hugsun
þína
heim
GJAFIR
á þoku-
heiði
huldufólks
lyfja
grasið
grær
gefur
þér
mjöðinn
eina
af askinum
eilífa
aftur
GALDUR
magna
seið
úr fléttum
fornaldar
fjöllin
heima
gefa
ægistyrk
útveðra
í urðinni
okkur
gangan
léttist
GRJÓT
klappar
gráu
grjóti
steindepill
syngur
í endalausri
urð
yfir
birtir
okkar
fugl
vakir
von-
glaður
Ferdinand Jónsson geðlæknir í London
er höfundur þessara ljóða en hann gaf út
ljóðabókina Innsævi árið 2013 sem fjallað
var um í júníblaðinu.
Ferdinand kom á ritstjórnarskrifstofu
Læknablaðsins núna í janúarbyrjun og af-
henti þessi fimm glóðvolgu ljóð, blaðinu
og lesendum þess til gagns og gamans.
Ljóðin bera höfundi sínum fagurt vitni.
Hann fer um rammíslenskan efniviðinn
lærðum læknishöndum, meitlar og tálgar
og eftir stendur eitt orð í hverri línu,
hreinn tregi, sterkur lífsvilji, auðmjúk
samlíðan og svo einn fugl.
Fimm ljóð frá Ferdinand