Læknablaðið - 01.04.2014, Page 53

LÆKNAblaðið 2014/100 253
var aftur á móti hinn alúðlegasti þegar
persónulegri kynni tókust.
Öll reglusemi var honum afar
mikilvæg og hann lagði mikla áherslu á
stundvísi. Þannig var hann alltaf mættur
á réttum tíma þegar skurðaðgerðir eða
stofugangar skyldu hefjast. Þegar hann
varð yfirlæknir skurðlækningadeildar
Borgarspítalans, en sú deild tók til starfa
árið 1968, hafði hann stuttan morgunfund
með samstarfsmönnum þar sem farið
var yfir verkefni dagsins, sagt frá nýjum
sjúklingum og skurðaðgerðum á liðinni
vakt. Hann sat við endann á löngu borði
og hafði vasaúr fyrir framan sig og hóf
fundinn á tilsettum tíma.
Mörg tilsvör Friðriks og athugasemdir
þóttu hnyttin en gátu þó stundum verið
sérkennileg eða dálítið meinleg. Þau voru
höfð eftir honum árum saman af þeim
sem til þekktu og svo er raunar enn, og
var þá reynt að líkja eftir málrómi hans.
Hér fylgir að lokum stutt saga: Einhverju
sinni kom ungur læknir of seint á morg-
unfundinn. Friðrik bauð honum góðan
daginn, gerði síðan stutt hlé og sagði:
„Þessir morgunfundir hefjast stundvíslega
klukkan núll átta núll núll“ og síðan með
vaxandi áherslu og hækkandi rómi „OG
NÚLL!“
Einn af yngstu lesendum Læknablaðsins
Það kasta bókstaflega ALLIR öllu frá sér til að fá gott næði og setjast í rólegheitum á
besta stað og láta fara vel um sig til renna yfir Læknablaðið þegar það kemur glóðvolgt
inn um lúguna. Hundraðasti árgangurinn á sér marga aðdáendur sem fara yfir hvern
staf í blaðinu og láta ekkert fram hjá sér fara. Þessi mynd barst blaðinu á dögunum frá
einum af góðkunningjum þess.
Frá öldungadeild
Írlandsferðin: Enn eru laus pláss í ferðina 14. til 22. maí.
Nánar á innra neti öldungadeildarinnar á lis.is Þeir sem hafa áhuga á Írlandsferðinni tali við ferðaskrif-
stofuna VITA í Hóteli Nordica eða í síma 570 4444.
Ferðin í Stykkishólm: Heimsókn í Eldfjallasafn Haraldar Sigurðssonar 30. apríl.
Farið verður í rútu úr bænum fyrir hádegi og Hernámssetrið í Hvalfirði skoðað í leiðinni, en þar fáum við
líka súpu og brauð í hádeginu. Við komum í Eldfjallasafnið um kl. 16. Eftir heimsóknina fáum við okkur í
svanginn í Stykkishólmi.

aðalfundur: Fundardaginn okkar 7. maí ber upp á 20 ára afmælisdag öldungadeildar Læknafélags
Íslands og við gerum okkur dagamun. Förum í rútu í Skíðaskálann í Hveradölum og að aðalfundarstörfum
loknum verður boðið upp á fordrykk og borðhald. Hörður Þorleifsson rekur sögu öldungadeildarinnar og
veislustjóri verður Páll Ásmundsson. Lagt af stað úr Reykjavík kl. 16.30 og heimför um kl. 22.
Sumarferðin: Farið verður austur í Mýrdal 19.-20. ágúst.
Við höfum pantað 50 pláss á hótel Dyrhólaey.
Á næsta fundi verða skráningarlistar fyrir þessar ferðir. Þeir sem komast ekki á næsta fund verða að skrá
sig á skrifstofu Læknafélagsins í síma 564 4100.
U M F J ö l l U n O G G R E i n a R
Friðrik Einarsson læknir.