Ægir - 01.03.2004, Blaðsíða 24

24
F E R K F I S K Ú T F L U T N I N G U R
Á árinu 2003 fóru í gegnum
vinnsluna hjá Nýfiski nær 3.000
tonn af þorski. Unnin voru um
1.000 tonn af karfa og um 900
tonn af steinbít. Þetta eru tæp
5.000 tonn af fiski..
„Við viljum setja aukinn kraft í
karfavinnsluna því hún skilar
ágætri framlegð og miklir mögu-
leikar eru að gera betur á þeim
markaði. Við höfum þegar skapað
nýja markaði fyrir karfann og höf-
um margfaldað verðmæti hans í
samvinnu með Pieters. Þar mæt-
um við hins vegar aukinni sam-
keppni frá stóru fiskvinnslufyrir-
tækjunum um hráefnið, sem hafa
sum hver æ meiri áhuga á að karf-
anum, eiga miklar aflaheimildir í
honum og eru að bæta við sig.
Þar mæta menn á fiskmarkaðinn
gallvaskir og yfirbjóða alla, þó
stærsti hluti veiðiheimildanna
liggi hjá þessum sömu aðilum og
húsin hjá þeim séu full af fiski.
Þetta verða að teljast öðruvísi að-
ferðir við markaðsöflun, en þó
skiljanleg, séð í ljósi árangurs
þeirra á mörkuðunum síðustu ár,“
segir Gunnar.
Íslandsvika og óskastaða
Nýfiskur hefur í framleiðslu sinni
rétt um 100 mismunandi vöru-
flokka og segja stjórnendur fyrir-
tækisins þessa breidd gefa fyrir-
tækinu sveigjanleika - og þar með
sóknarfæri. Þau hafa verið nýtt til
hins ýtrasta og má meðal annars
nefna Íslandsviku í Hollandi í
október síðastliðnum. Í tilefni
hennar var gefið út blað í 2,4
milljónum eintaka sem fór inn á
öll heimili í Hollandi, þar sem Ís-
land og sjávarafurðir þaðan voru
kynntar á fjórum til sex blaðsíð-
um. Með afurðunum fylgdi upp-
skriftabæklingur og lýsing á Ís-
landi og ferskleika afurða héðan.
Segir Birgir Kristinsson þetta
átak hafa skilað góðum árangri og
einboðið sé að haldið verði áfram
á sömu braut í náinni framtíð.
„Við erum býsna bjartsýnir á
framtíðina í þessum rekstri. Ná-
lægðin við mið og markaði gerir
það að verkum að í Sandgerði
erum við alveg í óskastöðu með
þessa starfsemi,“ segja þeir Birgir
og Gunnar Bragi. Nefna þeir
þessu til staðfestu að velta fyrir-
tæksins hefur aukist úr um það
bil 150 milljónum 1994 í rúm-
lega 1,3 milljarða í fyrra. Þá hafa
öll umsvif og starfsmannafjöldi
verið að vaxa. Um þessar mundir
starfa hjá Nýfiski um 70 manns
og er fyrirtækið nú einn stærsti
atvinnurekandinn í Sandgerði;
byggðarlagi þar sem sjávarútveg-
ur og vinnsla hafa gengið í gegn-
um miklar breytingar á undan-
förnum árum. Það er hins vegar
önnur saga, sem ekki verður tí-
unduð frekar hér.
• Stærðir 145, 185 og 235 ampertímar.
• Lokaðar sellur - mega halla 900.
• Eitt útöndurnarop - má tengja slöngu.
• Fljótari að hlaðast upp en aðrar gerðir.
• Meiri startkraftur en fyrr.
• Vörubíla með mikilli rafmagnsnotkun.
• Sumarbústaði o.fl. með sólarrafhlöðum.
• Sendibíla með lyftu.
• Neyslu og rúllur í bátum.
• Hópferðabíla með sjónvörp.
• Stærðir 140, 180 og 220 ampertímar.
• Mjög hagstæð verð.
• Mega fara á hliðina án þess að sýra leki af.
• Fljótari að hlaðast upp en eldri gerðir.
Bíldshöfða 12 • 110 Reykjavík • Sími: 577 1515 • www.skorri.is
Nýjir rafgeymar frá TUDOR
• Start bílvélar.
• Start bátavélar.
TUDOR
fyrir framtíðina!
TUDOR hefur hannað nýja línu start-rafgeyma
sem hafa ýmsa kosti fram yfir eldri gerðir fyrir:
TUDOR býður nú sérstaka djúp-afhleðslu rafgeyma
sem henta betur en eldri gerðir fyrir:
Starfsfólk Nýfisks við hús fyrirtækisins.