Ægir - 01.06.2005, Blaðsíða 15

mér, en flest árin eru þetta í
kringum 60 manns.“
Á siglingu í Miðjarðarhafinu
Benedikt segir að töluvert sé um
að fólk eigi litla vélbáta, en
minna sé um skútueign. „Ég gæti
trúað því að það séu eitthvað ná-
lægt 100 skútum hér í Reykjavík
og nágrenni og eitthvað er líka til
af þeim fyrir norðan. Mér er
kunnugt um að fólk hafi tekið sig
saman, 3-5 aðilar, um að kaupa
skútur sem það geymir í Miðjarð-
arhafinu og skiptist á að fara
þangað niðureftir og sigla. Einnig
er töluvert um að fólk leigi sér
skútu tímabundið erlendis, t.d. í
sínum sumarleyfum, og verji
þeim til siglinga.“
Benedikt segir að ástæða sé til
þess að vekja á því athygli að það
færist í vöxt að skútueigendur
geri kröfur til þeirra sem vilja
leigja skútur eða skemmtibáta
um að sýna fram á að þeir hafi
farið í gegnum tilskilið siglinga-
próf. „Þetta hefur aukist mjög í
t.d. Miðjarðarhafinu og því er full
ástæða fyrir fólk sem vill sigla að
fara í gegnum siglinganám og fá
þannig viðurkennt alþjóðaskír-
teini.“
Fleiri en einn þyrftu að hafa
grunnþekkingu í siglingum
Benedikt orðar það svo að alltof
lítið sé um konur í siglinganámi.
„Því miður sækja alltof fáar konur
í þetta. Á því kann ég enga skýr-
ingu, enda er þetta ekkert síður
fyrir konur en karla. Ég vek
gjarnan athygli á því að þegar
hjón eru um borð er það yfirleitt
karlinn sem veit hvað á að gera og
hvernig eigi að bregðast við ef
eitthvað út af ber. Konan veit
hins vegar ekkert hvað á að gera.
Þetta er bagalegt því auðvitað er
það svo að það getur alltaf eitt-
hvað komið fyrir og þá er nauð-
synlegt að í það minnsta tveir séu
um borð sem hafi nauðsynlega
þekkingu til siglinga. Segjum
sem svo að það myndi gerast að
hjón væru um borð í skemmtibáti
og eiginmaðurinn sem kynni skil
á öllu félli fyrir borð. Hvað gerir
þá konan? Kann hún að koma
manninum til hjálpar? Ég kasta
þessu fram vegna þess að ég veit
að töluvert er um það að hjón eigi
skútu eða skemmtibát og sigli
saman, en aðeins eiginmaðurinn
kann grundvallaratriðin í sigl-
ingafræðum, skyndihjálp og
fleiru. Ég veit um dæmi þess að
þrennt var að sigla á Eyrarsundi á
skútu í tengslum við vígslu brú-
arinnar þar yfir - hjón og ein
kona. Eitthvað kom upp á þannig
að maðurinn féll fyrir borð. Kon-
urnar voru ráðalausar því þær
vissu ekki hvernig átti að bregð-
ast við og því drukknaði þessi
maður, en hann var ekki í björg-
unarvesti. Annað dæmi svipað
þekki ég úr Miðjarðarhafinu.
Þessi dæmi staðfesta hversu mik-
ilvægt það er að fleiri en einn um
borð hafi yfir að ráða nauðsynlegri
þekkingu á því hvernig eigi að
sigla.“
Að sigla eftir himintunglum
Á námskeiðunum í Siglingaskól-
anum er kennt fjölmargt sem
kemur siglingafólki að notum.
Vitanlega er áhersla á siglinga-
fræði og siglingareglur. Þá er
mikið lagt upp úr kennslu í stöð-
ugleika skipa, ekki síst fyrir þá
sem hafa atvinnu af sjósókn.
Kennd er skyndihjálp og til við-
bótar sækja nemendur björgunar-
og öryggisnámskeið í Slysavarna-
skóla sjómanna. „Við bjóðum líka
upp á framhaldsnámskeið, til
dæmis í siglingafræði. Og þá er
sérstaklega kennd sjósókn á út-
hafinu, þar sem aðstæður eru allt
aðrar en rétt undan landi. Sumir
nemendur óska eftir að læra að
sigla eftir sextant og himintungl-
unum og það getur komið sér
mjög vel ef fólk lendir í erfiðum
aðstæðum sem geri það að verk-
um að tæki um borð klikka. Ég
þekki dæmi um þetta af manni
sem fór einmitt í gegnum nám-
skeið hér í Siglingaskólanum.
Hann sigldi skútu, sem hann
keypti í Bandaríkjunum, hingað
heim til Íslands. Við Nýfundna-
land lenti hann í mjög erfiðum
aðstæðum, eins og algengt er á
þessum slóðum, enda mætist
þarna hlýr og kaldur sjór. Skútan
laskaðist verulega og tæki urðu
óvirk, sem þýddi það að hann
missti allt samband við umheim-
inn. Maðurinn var um tíma tal-
inn af, en hann kom sem betur fer
fram nokkru síðar og skilaði sér
til Vestmannaeyja. Það sem
bjargaði manninum var að hann
kunni skil á því að sigla eftir
himintunglunum. Hann tók sem
sagt stefnuna út frá Pólstjörn-
unni, sem er nálægt Pólnum, og
því taldi hann sig vera nokkuð
öruggur á því hvert hann var að
fara. Þekking mannsins á úthafs-
siglingum kom honum þannig að
góðum notum,“ segir Benedikt.
Hér á landi er ekki til mjög
mikið af skútum, sem kann
að skýrast af heldur óstöðugu
veðri hér á norðurhjara. Hér
má þó sjá glæsilega skútu -
Gógó - sem Knútur Karlsson á
Akureyri á og gerir út. Gógó
liggur jafnan við Torfunefs-
bryggjuna á Akureyri.
15
S I G L I N G A N Á M
aegirjuni2005 1.7.2005 18:04 Page 15