Ægir - 01.06.2005, Blaðsíða 22

22
H E I M S Ó K N T I L K Í N A
Kína er land tækifæranna. Um það eru flestir sam-
mála sem þangað koma. Uppbyggingin í borgarsam-
félögum Kína er gríðarlega hröð og byggingakranar
tróna víða. Það þarf ekki á koma á óvart þegar haft er
í huga að hagvöxtur í kínverskum borgum er fast að
10-12%. Í tengslum við heimsókn forsetahjónanna
til Kína í maí sl. heimsóttu fjölmargir fulltrúar hér-
lends atvinnulífs landið og kynntu sér þá miklu upp-
byggingu sem er í Kína og hvaða viðskiptatækifæri
þar kynnu að vera. Í þessum hópi voru meðal annarra
Guðmundur Kristjánsson og Óttar Már Ingvason frá
Brimi hf. Óttar Már lýsir hér sem fyrir augu bar í
Kína.
Glaðlegt og heillandi fólk
„Fyrirfram átti ég von á að Kínverjar væru tiltölu-
lega hlédrægir og formfastir en það kom fljótlega í
ljós að þeir eru einstaklega glaðlyndir og opinskáir.
Þeir njóta þess að vera til og eru mjög opnir fyrir
nýjungum. Það kom mér reyndar mjög á óvart hvað
þeir eiga mikið sameiginlegt með Íslendingum. Kín-
verjar bera mikla virðingu fyrir samborgurum sínum
og eru friðsælir. Það vakti t.d. sérstaka athygli að
vopnaburður lögreglu eða öryggisvarða var ekki sýni-
legur, ólíkt því sem gjarnan er í fjölmennum samfé-
lögum. Það var einnig athyglisvert að sjá þá hröðu
uppbyggingu sem á sér stað í borgunum. Heilu
íbúðarhverfin spretta upp eins og gorkúlur og þensl-
an er gríðarleg. Yfirleitt virðast Kínverjarnir vera að
reisa veglegar byggingar og gatnamannvirki í borg-
unum. Það er mikil gróska í þessu þjóðfélagi og jafn-
framt er greinilega mikið átak í gangi til þess að
auka menntun þjóðarinnar, til marks um það eru yfir
þrjátíu milljónir Kínverja í háskólum núna,“ segir
Óttar Már.
Mikil uppbygging í borgunum
„Inni í borgunum er 10-12% hagvöxtur, en ef horft
er á allt landið er hagvöxturinn í kringum 6-8%. Í
báðum þeim borgum sem ég skoðaði, Peking og
Qingdao, hefur orðið gríðarlega hröð uppbygging.
Umhverfið inni í þessum borgum er allt til mikillar
fyrirmyndar, hreinlætið er mikið og ekkert rusl sjá-
anlegt á götum. Það vakti athygli hversu vel grasflat-
ir eru slegnar og allur gróður mjög vel hirtur. At-
vinnuleysi er óþekkt hugtak hjá Kínverjum og í
þeirra huga er ekkert starf svo ómerkilegt að það
væri ekki hægt að vinna það. Þess ber þó að geta að
borgirnar eru eitt og sveitirnar allt annað. Það þarf
ekki að fara langt út fyrir borgirnar til þess að sjá
hrörleg húsakynni og lítil lífsgæði. Í sveitunum búa
7-800 milljónir manna og lifa oft við þröngan kost
af landbúnaði og fiskirækt.“
Ógnir fela líka í
sér tækifæri
- segir Óttar Már Ingvason, hjá Brimi hf., sem nýverið var í Kína
Kínverskar fiskafurðir tilbúnar í frystiborð matvöruverslana á Vesturlöndum. Samkvæmt skýrslum FAO er talið að yfir 12 milljónir manna
starfi við fiskveiðar og ræktun í Kína.
aegirjuni2005 1.7.2005 18:04 Page 22