Ægir - 01.06.2005, Blaðsíða 26

26
H E I M S Ó K N T I L K Í N A
mennasta ríki veraldar, en þar búa yfir 1,3 milljarðar
manna. „Það var mjög lærdómsríkt að fá tækifæri til
að kynnast þeirri gríðarlegu uppbyggingu sem á sér
stað í landinu og hvaða tækifæri og ógnanir gætu
verið því samfara. Það er ljóst að það eru mikil tæki-
færi í Kína, þarna er framleiðslukostnaður með því
lægsta sem gerist í heiminum. Það eru einnig tæki-
færi til staðar á innri mörkuðum Kína, því auðvitað
er það svo að í svo fjölmennu og stóru ríki er alltaf
stór hópur fólks sem hefur mikinn kaupmátt og sá
hópur fer ört stækkandi í takt við aukinn hagvöxt og
uppbyggingu í landinu. Þess ber þó að geta að það
þarf að fara afar varlega í fjárfestingar í Kína og það
ættu menn ekki að reyna nema hafa skýra stefnu.“
Aðgerðarleysi okkar helsta ógnun
„Það eru klárlega tækifæri fyrir íslenskan sjávarútveg
fólgin í samvinnu við Kínverja. Í einhverjum tilfell-
um getur verið hagkvæmt að vinna íslenskan fisk.
Það er hins vegar langt í frá að vera svar við öllu.
Stóru tækifærin gætu frekar falist í samstarfi eða fjár-
festingum í Kína, bæði í framleiðslu inn á innlenda
markaði sem og til útflutnings á sviði tækni og þjón-
ustu. Ég sé fyrir mér að kínverskur iðnaður eigi eftir
að láta verulega að sér kveða á næstu árum í viðskipt-
um og veita vestrænum fyrirtækjum erfiðri sam-
keppni. Sú ógn sem íslenskum sjávarútvegi stafar af
samkeppni frá Kína er að mínu mati helst aðgerðar-
leysi - að sitja hjá og bíða. Það er vert að hafa í huga
að með ógnunum felast líka tækifæri. Það er stað-
reynd að mörg alþjóða fyrirtæki hafa mörg hver tekið
þá afstöðu að fjárfesta í Kína frekar en reyna að keppa
við þá þróun sem þar á sér stað. Kína hefur alla tíð
verið stórveldi, ef kannski eru undanskilin síðustu
hundrað ár. En það má segja sem svo að nú er Kína
að vakna til lífsins á ný, á því leikur enginn vafi. Sú
uppbygging sem nú er hafin í Kína verður ekki
stöðvuð. Þvert á móti er alveg fyrirséð að hún muni
færast í aukana á komandi misserum,“ segir Óttar
Már Ingvason
„Vegna veðurfars og landfræðilegra aðstæðna geta þeir alið fisk með mjög litlum kostnaði. Þetta er eitthvað sem íslenskur sjávarútvegur þarf að keppa við á
mörkuðum erlendis,“ segir Óttar Már.
Hreinlætið er gríðarlegt í fiskvinnslufyrirtækjunum í Kína og
yfirbragð starfsmanna engu líkara en þeir séu starfandi á
skurðstofum spítala
Vöruframboð í stórverslunum borganna virðist vera mjög mikið
og verðlag almennt afar hagstætt.
aegirjuni2005 1.7.2005 18:04 Page 26