Tímarit Máls og menningar - 01.04.1940, Page 45

TÍMARIT MÁLS OG MENNINGAR
39
lagt, að lifið hafi það fram að bjóða, að menn yfirleitt
blessi sína fæðingarstundu. Mun ei bitt öllu tiðara, að ein-
um og öðrum verði það á, að láta sér fátt um finnast
dvölina i henni veröld, og kysi helzt að hafa aldrei í þá
veiðistöð komið.
Börnin mín hafa að vísu aldrei skellt á mig réttmætri
ásökun fyrir þann þátt, sem ég á í tilveru þeirra, en mér
sjálfri finnst sú syndasekt mín vera sú eina, sem ógoldin
er, hinar álít ég, að lífið hafi tekið lögtaki, og beri ekki
að krefja mig um frekari greiðslu á þeim.
Sverrir Kristjánsson :
Byltingin mikla á Frakklandi.
150 ára minning.
Því hefur lengi verið við brugðið, live saga Frakklands
er háttbundin í nás sinni, stílhreinni og strangari i línum
sinum en saga flestra annarra þjóða. Frakkland er á mið-
öldum hið klassíska land lénsveldis og riddaramenning-
ar. Á 17. öld gerist það forgönguland hins óbundna ein-
veldis og verður fyrirmynd öllum konunglegum smæl-
ingjum álfunnar. Hin mikla borgaralega bylting þess i
lok 18. aldar gangur sína rökvísu braut til leiðarloka
og er um langan aldur hin dráttfasta forskrift, er bylt-
ingar 19. aldar reyna árangurslaust að stæla. Það er ekki
fyrr en 1917, að rússneska alþýðubyltingin fetar í fót-
spor hennar — og verður höfði hærri en meistarinn.
L’ancien régime — gamla stjórnarfarið — svo hafa
Frakkar kallað það tímabil sögu sinnar, sem á undan fór
byltingunni. Og það er ekki að ástæðulausu, að byltingin
er látin skipta gömlum tíma og nýjum, því að hún er hið