Tímarit Máls og menningar - 01.05.1951, Síða 25

KÓREA í STRÍÐI
143
höfðu hlotið stimpil Sameinuðu þjóðanna sem réttbornir stjórnendur
landsins, enda þótt þeir væru aðeins fulltrúar hverfandi minnihluta
þjóðarinnar. Hið raunverulega vald — það voru embættismennirnir
frá hernámstímabili Japana og lögreglan, sem áður hafði þjónað þeim.
Hið raunverulega vald var enn fremur hjá stjórn þess hers, sem hafði
notið ofrausnar Bandaríkjanna um skipulag og útbúnað allan. En úr-
slitavaldið var hjá þeim aðiljum, er „skapað“ höfðu ,,ríkið“ Suður-
Kóreu: stjórninni í Washington, herstjórn Mac Arthurs í Tokio og
hinum bandarísku ráðgjöfum Syngman Rhees í Seoul, bæði á sviði
fjármála og hernaðar.
Þess vegna kom aldrei til neinna friðsamlegra samninga milli norð-
urs og suðurs. Aftur á móti gerðust þann 25. júní þeir blóðugu at-
hurðir, sem urðu upphaf Kóreustríðsins.
2
Mr. Harry Truman, Sameinuðu þjóðirnar að miklum meirihluta og
svo að segja öll hin vestræna pressa hafa stimplað Norður-Kóreu sem
árásaraðila og hafið grímulausa styrjöld gegn þessari smáþjóð, sem á
að hafa rofið heimsfriðinn. Hvers vegna ? Ekkert slíkt hafði gerzt, þeg-
ar nýlenduríkið Holland hafði að engu ákvarðanir Sameinuðu þjóð-
anna og réðst á lýðveldi Indónesíu með vopnum — made in U. S. A.
Ekkert slíkt gerðist heldur, er nýlenduveldið Frakkland réðst með
vopnavaldi á lýðveldið Víetnam, þótt hið sama Frakkland hefði á því
sama ári (1946) viðurkennt sjálfstæði þess með hátíðlegum samningi
— ekki einu sinni, heldur tvisvar.
Ekki var heldur gripið til vopna eða neinna refsiaðgerða af hálfu
Sameinuðu þjóðanna í Palestínudeilunni, þegar bæði Gyðingar og
Arabar neituðu hvað eftir annað að hlýðnast fyrirskipunum hinna
sameinuðu. Hví varð hin sundurlimaða Kórea þegar í stað brennidepill
heimsstjórnmálanna, er hinn meir en vafasami ógnvaldur og Banda-
ríkjaleppur Syngman Rhee hafði siglt báti sínum upp á sker?
Hver var árásaraðilinn? Hvað gerðist við 38. breiddarbauginn í
Kóreu hinn örlagaríka morgun 25. júní 1950?
Áður en þessum spurningum er svarað er nauðsynlegt að gera dálitla
lykkju á leið sína. — Hvor þessara tveggja aðilja varð, að öllu óreyndu,
að teljast minni máttar? íbúar Norður-Kóreu voru rúmlega 10 milljón-