Tímarit Máls og menningar - 01.05.1951, Side 44

JÓN Ú R VÖR:
Þrjú kvæði
VEF É G MÉR DRAUMA
Vef ég mér drauma úr hinum myrka þræði,
sem eldurinn spinnur úr sínu gulli,
úr mætti hins veika, úr veikleika hins sterka.
Hvert er erindi þitt á þessari jörð?
Leyndardómur þess ljóðs, sem ég slæ í voð mína,
er mitt eigið líf. Lestu þar mitt svar.
Falinn augum heimsins inni í hellisskúta þagnarinnar
sit ég á stóli, vef og spinn, spinn og vef.
Og hjarta mitt er kljásteinninn eini.
FJÖREGG HAMINGJU MINNAR
Hin loðna og svarta hönd næturinnar
liggur við eyra mitt
svo ég heyri ekki hjarta þitt slá.