Tímarit Máls og menningar - 01.09.1986, Blaðsíða 55

Dansað á línu
Já, ég er það. Ég ætla að vinna svolítið meira úr englunum.
Hvad með leikrit?
Mig hefur lengi langað til að skrifa barnaleikrit, fjölskylduleikrit sem er
sýnt á kvöldin, ekki á síðdegissýningum fyrir börnin. Börn á Islandi fara
hvort sem er aldrei að sofa. Þau geta alveg eins farið í leikhús klukkan átta
með mömmu og pabba eins og annað fólk. Mér fannst það alltaf leiðinlegra
að sýningarnar á Óvitum voru um eftirmiðdaginn. Þessi þrjátíu þúsund
manns sem sáu það leikrit voru um það bil helmingur fullorðið fólk og
helmingur börn.
Þú leitast sem sagt við að brúa kynslóðabilið f
Já, ég held nefnilega að einn af göldrunum við að skrifa fyrir krakka sé sá,
að börnunum finnst ekkert eins gaman og að njóta einhvers með fullorðna
fólkinu og vita að því finnst líka gaman. Ég man að þegar ég var að lesa fyrir
krakkana mína fannst þeim kannski gaman að ég var að lesa, en þau vissu að
mér leiddist. Og þó maður reyni að leyna því þá finna börnin það alltaf.
Ekkert gleður börn meira en glaðir foreldrar. Góður barnabókahöfundur á
helst að gleðja bæði börnin og foreldrana.
Áslaug Dóra Eyjólfsdóttir
Guðmundur Karl Friðjónsson
Kristín Heiða Kristinsdóttir
317