Tímarit Máls og menningar - 01.02.1987, Blaðsíða 32

Jacques Prévert
Morgunhangs
Það er hræðilegt
snöggt brothljóðið
þegar harðsoðnu eggi er slegið í barborð úr tini
það er hræðilegt þetta hljóð
þegar það hrærir upp minningabrotum í huga hungraðs manns
það er líka hræðilegt höfuð mannsins
höfuð hungraða mannsins
þegar hann horfir á sig klukkan sex að morgni
í spegli stórverslunar
höfuð á litinn eins og ryk
samt er það ekki hans eigið höfuð sem hann horfir á
í gluggunum á Potinbúðinni
honum er fjandann sama um höfuðið á sér
hann hugsar ekki um það
hann lætur sig dreyma
hann ímyndar sér annað höfuð
höfuð af kálfi til dæmis
kálfshöfuð í ediksósu
eða einhvers konar höfuð sem hægt er að borða
og hann hreyfir kjálkana ofurvarlega
ofurvarlega
og hann gnístir tönnum ofurvarlega
því heiminum er fjandann sama um hann
og hann má sín einskis gagnvart þessum heimi
og hann telur á fingrum sér einn tveir þrír
einn tveir þrír
það eru þrír dagar síðan hann fékk síðast að borða
20