Tímarit Máls og menningar - 01.06.1987, Blaðsíða 3

TÍMARIT MÁLS OG MENNINGAR • 48. ÁRG. • AUKAHEFTI • JÚNÍ 1987
Um þetta hefti
Þið fáið nú í hendur aukahefti af Tímaritinu í tilefni fimmtugsafmælis Máls og
menningar. Bókmenntafélaginu eru helgaðar greinarnar tvær eftir Jakob Bene-
diktsson og Pétur Gunnarsson, og einnig er í heftinu skrá yfir allar bækur sem
komið hafa út á vegum Máls og menningar og Heimskringlu frá upphafi. Skráin
er ekki flokkuð eftir efni heldur er bókunum raðað í stafrófsröð eftir nöfnum höf-
unda — eða á titil ef um greinasöfn eða sagnasöfn ýmissa höfunda er að ræða.
Bókaskráin er þarfaþing og sýnir hve stór hlutur þessa forlags er í íslenskri
bókaútgáfu. Ekki er síður þarft að fá hér í heftinu skrá yfir allt efni í Tímaritinu
síðasta áratug. Efnisskrá TMM kom síðast út 1978 og náði þá yfir Tímaritið frá
upphafi til 1976. Kristín Björgvinsdóttir tók hana saman og skrárnar í þessu
hefti eru einnig hennar verk. Ritstjórn kann henni alúðarþakkir fyrir þá vanda-
vinnu.
Til skýringar
Efnisskrá Tímaritsins er í þrem hlutum. Fyrst er efnisyfirlit hennar. Þar má
lesa efnisflokka og átta sig á hvar þeir hlutir eru sem maður vill finna. Síðan
kemur sjálf skráin og eru hlaupandi númer á öllum greinum. Aftan við hana er
svo nafnaskrá þar sem má fletta upp nöfnum, ekki eingöngu á öllum sem hafa
skrifað í tímaritið á þessum árum heldur líka þeim sem skrifað hefur verið um.
Við hvert nafn eru númer sem vísa í efnisskrána.
Tökum dæmi um notkun. Þú ert áhugamaður um leiklist og vilt vita hvort
eitthvað hefur verið ritað um hana í Tímaritið. í efnisyfirliti Efnisskrár sérðu
uppflettiorðið Leiklist og undir því finnurðu allt sem ritað var um það efni þessi
tíu ár. Neðst á listanum er tilvísun í greinar í öðrum efnisflokkum um efni skyld
leiklistinni.
Tökum annað dæmi. Þú hefur áhuga á Umberto Eco, ítalska rithöfundinum
með meiru. Þá flettirðu upp á honum í Nafnaskránni (Eco, Umberto) og finnur í
1