Morgunblaðið - 12.12.2014, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 12. DESEMBER 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Sími 412 2500 - sala@murbudin.is - www.murbudin.is
Kletthálsi Reykjavík
Reykjanesbæ
Jólagjöfin í ár
fæst í Múrbúðinni!
• 160 bar Max
• 8,5 lítrar/mín.
• 2500W
• Pallabursti
• 8 metra slanga
• Turbo stútur
• Slanga fyrir stíflulosun
• Þvottabursti
Lavor háþrýstidæla
STM 160
28.990
Made by Lavor
Sex ára vinnu Sigmundar Ó. Steinarssonar að
bók um sögu íslenska karlalandsliðsins í knatt-
spyrnu var fagnað með útgáfuhófi í höfuð-
stöðvum KSÍ í gærkvöldi. Af því tilefni komu
saman fyrrverandi landsliðsmenn. Þeirra á með-
al voru þeir Haukur Bjarnason, Framari, Ólafur
Hannesson, KR-ingur, og Gunnar Gunnarsson,
Valsmaður, sem fengu gullmerki KSÍ jafnframt
því að veita fyrstu eintökum af bókinni viðtöku.
Gullslegnir landsliðsmenn í útgáfuhófi
Morgunblaðið/Ómar
Haldið var útgáfuhóf í tilefni af útgáfu Sögu íslenska karlalandsliðsins
Andri Steinn Hilmarsson
ash@mbl.is
Vindur mun ganga niður um landið í
dag en búast má við vonskuveðri um
helgina, samkvæmt upplýsingum frá
veðurfræðingi á Veðurstofu Íslands.
Spáð er afar slæmu veðri og miklu
frosti um allt land á sunnudag og að-
faranótt sunnudagsins mun stormur
ganga yfir Vestfirði og Norðurland.
Í dag má búast við snjókomu á
vestanverðu landinu, en vindur verð-
ur ekki mikill, samkvæmt upplýsing-
um frá Veðurstofunni. Veður mun
versna á morgun með snjókomu víða
um land og snörpum vindhviðum á
suðurströndinni og á Vestfjörðum.
Hált var á vegum alls staðar á
landinu í gær og voru götur höfuð-
borgarsvæðisins engin undantekn-
ing þar á. Umferðin gekk þó vel, að
sögn Sverris Guðfinnssonar, varð-
stjóra hjá umferðardeild lögreglunn-
ar á höfuðborgarsvæðinu þegar
mbl.is ræddi við hann í morgun-
traffíkinni í gær. Sagði hann þá stöð-
una mjög góða og að ekkert útkall
hefði komið frá því að hann mætti á
vaktina.
Fylgdarakstur til Egilsstaða
Brugðið var á það ráð að fara í
fylgdarakstur á milli Egilsstaða og
Reyðarfjarðar í gær þannig að fólk
kæmist leiðar sinnar.
Ari Guðmundsson, yfirverkstjóri
hjá Vegagerðinni á Reyðarfirði, seg-
ir marga hafa nýtt sér fylgdarakst-
urinn frá Reyðarfirði. „Það komu
130 manns niður eftir í morgun og ég
held að flestir þeirra hafi komist
heim aftur. Svo voru flutningabílar,
mjólkurbílar og fólk sem var að fara í
flug. Það var hellingur af bílum sem
náði að fara yfir,“ segir Ari en farið
var tvær ferðir á milli staða og óku
bílarnir rólega í halarófu. Ari segir
að það komi ekki oft fyrir að farið sé í
fylgdarakstur sambærilegan þeim
sem var í gær en það sé nú til um-
ræðu að gera slíkt oftar.
Á mánudag er spáð norðvestan 10-
15 m/s við austurströndina, en ann-
ars hægri, breytilegri átt. Víða verða
dálítil él og talsvert frost. Á þriðju-
daginn er útlit fyrir suðaustanstorm
með slyddu eða snjókomu, en gengur
í suðvestanhvassviðri með éljagangi
um kvöldið.
Vindur gengur niður í dag
en horfur á vonskuveðri
Morgunblaðið/Golli
Stormur Veður verður einkar
slæmt aðfaranótt sunnudags.
 Stormur gengur
yfir á sunnudag
Þýsk dótturfélög Samherja, Ice-
fresh GmbH í Frankfurt og Cux-
havener Reederei GmbH í Cuxhav-
en, hafa eignast rúmlega 20% hlut í
norska félaginu Nergaard AS.
Nergaard er eitt af stærstu sjáv-
arútvegsfélögum Noregs og á sér
langa sögu í norskum sjávarútvegi.
Sigmundur Andrésson, fram-
kvæmdastjóri Icefresh GmbH, segir
kaupin skapa mikla möguleika hvað
markaði varðar, sérstaklega í fersk-
um fiski. Leynd hvílir enn yfir kaup-
verðinu en Þorsteinn Már Baldvins-
son, forstjóri Samherja, segir að
gengið hafi verið frá kaupunum í
gær.
Í tilkynningu frá Samherja segir
að meginstarfsemi Nergaard sé
veiðar, vinnsla og sala sjávarafurða.
„Velta Nergaard hefur verið nálægt
35 milljörðum króna á ári og hafa
vinnslur félagsins á undanförnum
árum tekið á móti nálægt 50.000
tonnum af bolfiski og um 100.000
tonnum af uppsjávarfiski. Afurðir
félagsins eru m.a. frystur og ferskur
botnfiskur, saltfiskur, skreið, fryst
síld, loðna og makríll.“
Áætlað er að velta Icefresh GmbH
verði um 10 milljarðar króna á þessu
ári og að unnið verði úr 15 þúsund
tonnum af hráefni. „Vöxtur félagsins
hefur verið eftirtektarverður og
fjárfestingin í Nergård er rökrétt
framhald þar sem yfir 80% af veltu
félagsins stafa frá norskum fiski og
fiski lönduðum í Noregi,“ segir í til-
kynningu. ash@mbl.is
Eignast
20% hlut í
Nergaard
 Samherji eykur
umsvif sín í Noregi
Ekki hefur verið boðaður nýr fund-
ur í kjaradeilu lækna við ríkið.
Deiluaðilar hittust síðast hjá rík-
issáttasemjara á mánudaginn og
Þorbjörn Jónsson, formaður
Læknafélags Íslands, er ekki bjart-
sýnn á stöðu mála. „Viðræðum hef-
ur hvorki miðað áfram né aftur á
bak,“ sagði Þorbjörn í samtali við
mbl.is í gærkvöldi. Þrjár vikur eru í
næsta boðaða verkfall lækna, sem
felur í sér talsvert umfangsmeiri
aðgerðir en hingað til.
Enginn nýr fundur
boðaður hjá læknum
Viðar Guðjónsson
vidar@mbl.is
„Við höfum bent á þessi brot í ára-
tugi. Síðan versnar þetta og við erum
að sjá erfiðari og erfiðari tilvik,“ segir
Páll Winkel fangelsismálastjóri um
málefni geðfatlaðra fanga sem hafa
um árabil fengið ónóga þjónustu.
Geðhjálp sendi frá sér fréttatilkynn-
ingu í gærkvöldi í kjölfar umfjöllunar
Kastljóss um málefnið. Í henni kemur
m.a. fram að fangar hafi ekki aðgang
að geðlækni og að tvær til þrjár vikur
taki að fá viðtal hjá sálfræðingi. Þá er
bent á að Geðhjálp og Evrópunefnd
um varnir gegn pyntingum og
ómannlegri eða vanvirðandi meðferð
eða refsingu, svokölluð CPT-nefnd
(European Committee for the Pre-
vention of Torture and Inhuman or
Degrading Treatment), hafa ítrekað
bent á að föngum sé ekki veitt lög-
bundin geðheilbrigðisþjónusta hér á
landi. Hrafn Jónsson, formaður Geð-
hjálpar, segir að enginn á vegum
samtakanna hafi setið fundi í ráðu-
neytunum til þess að fara yfir þessi
mál. Fangelsismálayfirvöld séu eina
stofnunin sem hafi sýnt málinu
áhuga. „Við höfum tekið þessa um-
ræðu upp á hverju ári. Reglulega hef-
ur komið upp fjölmiðlaumfjöllun um
málið en ekkert hefur gerst. Einn vís-
ar bara á annan og það eru ekki
margir að tala máli þessa hóps,“ segir
Hrafn.
Viðbrögð stjórnvalda komin
Tryggvi Gunnarsson, umboðsmað-
ur Alþingis, birti drög að skýrslu 30.
september 2013 um málefni geðfatl-
aðra fanga þar sem fram kemur að
fangar með alvarlegan geðvanda eigi
lögum samkvæmt rétt á að afplána
hluta eða allan dóm sinn á heilbrigð-
isstofnun. „Við óskuðum eftir afstöðu
stjórnvalda. Við höfum fengið þau
viðbrögð en eigum eftir að vinna úr
þeim,“ segir Tryggvi og bætir við því
að það verði gert á næstu dögum.
Hann segir að viðbrögðin hafi komið
sameiginlega frá heilbrigðis- og inn-
anríkisráðuneytinu.
„Eins og aðrir þegnar landsins eiga
þessir fangar rétt á heilbrigðisþjón-
ustu, punktur, basta. Í öllum löndum
sem við viljum bera okkur saman við
þá er þetta í lagi. Veikir menn fara á
spítala,“ segir Páll Winkel.
„Veikir menn fara á spítala“
 Í áratugi hefur verið bent á ónóga þjónustu við geðfatlaða fanga  Ekkert ger-
ist þrátt fyrir reglulega fjölmiðlaumfjöllun  Farið yfir viðbrögð á næstu dögum