Morgunblaðið - 12.12.2014, Blaðsíða 17

FRÉTTIR 17Innlent
MORGUNBLAÐIÐ FÖSTUDAGUR 12. DESEMBER 2014
Efnileg Hinir ungu sigurvegarar KoduCup við verðlaunaafhendinguna.
Davíð Már Stefánsson
davidmar@mbl.is
Sköpun og samvinna voru meðal
þeirra þátta sem voru lagðir til
grundvallar í KoduCup, forrit-
unarkeppni Skema og Microsoft á
Íslandi sem haldin var fyrir
skemmstu í tilefni af evrópsku for-
ritunarvikunni, en þar var þátttak-
endum gert að skapa tölvuleiki. Ey-
dís Magnea Friðriksdóttir,
Kolbeinn Hrafn Hjartarson og fé-
lagarnir Marvin Jónsson og Orri
Þór Eggertsson urðu hlutskörpust.
Þema keppninnar var eldur og ís.
Framúrskarandi forritun
Verðlaun voru veitt í tveimur
aldursflokkum, sjö til tíu ára og ell-
efu til fjórtán ára auk þess sem sér-
stök „Vá“-verðlaun voru veitt fyrir
þann leik sem þótti mest skapandi.
Sigurvegari í yngri flokki var hin
níu ára Eydís Magnea. Hún sendi
inn leikinn Kóló sem þótti einfaldur
og skemmtilegur í spilun. Þar berst
hetjan við andstæðinga af ýmsum
stærðum og gerðum og þarf að
sigra þá alla til að komast á milli
borða og sigra að lokum.
Sigurvegari í eldri flokki var
Kolbeinn Hrafn, ellefu ára. Hann
skapaði leikinn The Adventure of
Kodu, skemmtilegan leik sem byrj-
ar á því að leiða leikmann í gegnum
virkni leiksins, til dæmis hvernig
leikmanni er stjórnað, og er fyrsta
borðið hugsað sem upphitun fyrir
það sem koma skal. Í tilkynningu
segir að á bak við leikinn liggi mikil
og góð forritun með möguleika á að
spila leikinn í PC-tölvu eða á xBox-
tölvu. Teymi tveggja stráka, þeirra
Marvins, ellefu ára og Orra Þórs,
tíu ára, hlaut svo „Vá“-verðlaunin.
Þeir sköpuðu saman leikinn MO og
þótti öll vinnsla við leikinn fram-
úrskarandi. Forritun á bak við leik-
inn þótti vel unnin og borðin fjöl-
breytt.
Forritunarsnillingar fram-
tíðar voru verðlaunaðir
 Kóló, The Adventure of Kodu og MO fengu verðlaun
Fyrstu ellefu mánuði ársins voru 85
nýir sendibílar fluttir inn til landsins
sem er aukning um 44% frá sama
tímabili í fyrra. Þróunin er svipuð í
flokki vörubíla en 86 slíkir bílar voru
fluttir inn sem er 41% aukning á
milli ára.
Sendibílar eru allt að 3,5 tonnum
en þeir bílar sem eru þyngri flokkast
sem vörubílar
„Við finnum vel fyrir þessari
aukningu hér hjá okkur, sala á
Iveco-sendi- og vörubílum hefur
stóraukist á milli ára og höfum við
selt bíla til fyrirtækja og sveitar-
félaga,“ segir Viktor Karl Æv-
arsson, sölustjóri hjá Kraftvélum.
Viktor segir að lítil endurnýjun
hafi orðið í vörubílaflota landsins
undanfarin ár. „Viðskiptavinir okkar
eru almennt bjartsýnir fyrir næstu
ár og við gerum ráð fyrir stækkandi
vörubílamarkaði á næsta ári þrátt
fyrir mikla aukningu í ár. Kaup á
nýjum vörubílum hafa verið í lág-
marki frá 2009 og því er endurnýj-
unarþörfin orðin mjög mikil,“ sagði
Viktor.
Í gær afhentu Kraftvélar Hafn-
arfjarðarbæ nýjan flokkabíl, sem er
sjö tonna bíll með krana sem vegur
þrjú og hálft tonn. benedikt@mbl.is
Mikil end-
urnýjun á
vörubílum
Vörubílar Endurnýjun á þeim hefur
verið lítil hér á landi undanfarin ár.
 86 nýir vörubílar
fluttir inn til landsins
Rauði krossinn á
Íslandi átti 90
ára afmæli á mið-
vikudaginn, 10.
desember og
fékk á afmælis-
daginn afhenta
sjö nýja sjúkra-
bíla sem verða
teknir í notkun á
næstu vikum, en
Rauði krossinn
rekur allar
sjúkraflutningabifreiðar hér á
landi.
Bílarnir eru af gerðinni Merce-
des Benz Sprinter og eru sér-
staklega innréttaðir í Póllandi sem
sjúkrabílar, samkvæmt frétta-
tilkynningu frá Fastus sem sér um
innflutning og afhendingu bílanna.
Rauði krossinn fær
sjö nýja sjúkrabíla
Sjúkrabílar Sjö
nýir bættust við.
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500
10%
afsláttur
Fullgreitt fyrir 1. marsÁ ferðum fram og til baka,gildir ekki með öðrum
tilboðum.
Bókaðu
núna!
Taktu bílinn með
til Færeyja og Danmerkur 2015