Morgunblaðið - 12.12.2014, Blaðsíða 23

23
MORGUNBLAÐIÐ FÖSTUDAGUR 12. DESEMBER 2014
Snjóvirki Nokkur atorkumikil og kappsöm börn réðust í stórframkvæmdir í snjónum á lóð Laugarnesskóla í gær og reistu þar vandað og traust virki til að verjast hugsanlegum snjóboltaárásum.
Golli
Svo virðist sem ég
hafi unnið mér þrennt
til óhelgi hjá stjórnar-
formanni Ríkis-
útvarpsins ohf og
stjórnarandstöðunni:
 Ég hef, sem varafor-
maður fjárlaganefndar
og alþingismaður, talið
að sömu kröfur eigi að
gera til Ríkisútvarpsins
ohf. og til allra annarra
ríkisfyrirtækja og -stofnana; að vel
sé farið með almannafé, aðhalds sé
gætt og leitað sé allra leiða til að
hagræða.
 Ég hef bent á rangfærslur hjá
fréttastofu Ríkisútvarpsins í um-
fjöllun um fjárhagsleg málefni hins
opinbera hlutafélags. Í grein sem
birtist hér í Morgunblaðinu síðast-
liðinn þriðjudag sagðist ég bíða og
vona „að fréttastofa Ríkisútvarpsins
leiðrétti frétt sína síðastliðinn föstu-
dag með áberandi hætti“. Hélt ég
því fram að ábyrgir og metn-
aðarfullir fjölmiðlar hefðu „beðist
velvirðingar af minna tilefni“.
 Ég hef leyft mér að draga fram
til vitnis fyrrverandi fjármálaráð-
herra og mennta- og menningar-
málaráðherra – Steingrím J. Sigfús-
son og Katrínu Jakobsdóttur.
Óheppilegt
Ingvi Hrafn Óskarsson, stjórnar-
formaður Ríkisútvarpsins ohf. sér
sig knúinn til þess að
senda mér tóninn
vegna þessarar
óhelgi í grein hér í
Morgunblaðinu 11.
desember.
Ég ætla ekki að
elta ólar við dylgjur
og lítilsigldar glósur í
minn garð. Það er
hins vegar óheppilegt
að stjórnarformað-
urinn skuli saka mig
um rangfærslur dag-
inn eftir að frétta-
stofa Ríkisútvarpsins
birti frétt þar sem segir að ég hafi
„réttilega bent á að árin 2009 og
2010 hafi RÚV í raun fengið samtals
160 milljónir króna umfram það sem
á endanum innheimtist af útvarps-
gjaldi og því fengið framlag sem
nemur útvarpsgjaldinu og gott bet-
ur“.
Rétt er að taka fram að allar töl-
ur sem ég hef dregið fram um
rekstur og efnahag Ríkisútvarpsins
og fjárframlaga ríkissjóðs, byggjast
á opinberum gögnum. Nánar til-
tekið ríkisreikningi sem er áritaður
af Ríkisendurskoðanda. Einnig hef
ég sótt upplýsingar í fjárlög 2014 og
2015 vegna þess að ekki er kominn
ríkisreikningur fyrir þau ár. Ef
stjórnarformaður RÚV og stjórnar-
andstaðan er með upplýsingar um
villur í þessum reikningum er mjög
mikilvægt að það komi fram. Ekk-
ert slíkt hefur komið fram sem
bendir til þess þrátt fyrir mikinn
fyrirgang fyrrnefndra aðila.
Í röngu liði
Daginn áður en grein stjórnarfor-
mannsins birtist samþykkti meiri-
hluti Alþingis að auka fjárveitingar
til Ríkisútvarpsins. Þá hafa árlegar
fjárveitingar til stofnunarinnar auk-
ist um 485 milljónir króna frá fjár-
lögum 2013. Það þýðir að framlög til
RÚV hafa hækkað um 15% frá síð-
asta fjárlagaári vinstri stjórn-
arinnar. Á sama tíma hefur vísitala
neysluverðs hækkað um 6%. Þessa
aukningu kallar stjórnarandstaðan
niðurskurð.
Krafa stjórnarandstöðunnar var
að auka árleg framlög um nær eitt
þúsund milljónir – allt á kostnað
skattgreiðenda sem myndi þýða
hækkun um 30% frá árinu 2013.
Hækkun til Landspítalans nemur
20% á sama tímabili. En þannig á
forgangsröðunin að vera í ríkisfjár-
málum í hugum vinstri manna.
Satt að segja átti ég ekki von á
því að þurfa að standa í opinberum
deilum við fyrrverandi formann
Sambands ungra sjálfstæðismanna.
Allra síst um nauðsyn þess að aga
sé beitt í ríkisfjármálum eða að
hagsmuna skattgreiðenda sé gætt
og forgangsraðað sé í samræmi við
stefnu Sjálfstæðisflokksins í velferð-
armálum. Ingvi Hrafn Óskarsson
hefur því miður villst (en vonandi
tímabundið) inn í lið þeirra sem
hvetja til hærri skatta og a.m.k. að
sum ríkisfyrirtæki séu undanþegin
kröfum um aðhald og sparsemi.
Ingvi Hrafn gerir sérstakar at-
hugasemdir við að ég skuli vitna til
bréfs sem Steingrímur J. Sigfússon
ásamt Katrínu Jakobsdóttur skrif-
aði stjórn Ríkisútvarpsins í febrúar
2011. Þar var sýnt fram á að fullyrð-
ingar um skerðingar á fjárveit-
ingum til hins opinbera hlutafélags
ættu ekki við rök að styðjast.
„Hlýtur að teljast nokkurt ný-
næmi að þingmaður Sjálfstæðis-
flokksins leggi slíkt traust á yfirlýs-
ingar og upplýsingar frá Steingrími
J.,“ skrifar stjórnarformaðurinn.
Það er rétt að ég hef ekki oft sótt
í smiðju Steingríms J. Sigfússonar
en merkilegt er að stjórnarformað-
ur Ríkisútvarpsins hrekur í engu
þær upplýsingar sem fjármála-
ráðherrann fyrrverandi setti fram.
Gerir ekki einu sinni tilraun til þess,
ekki frekar en þeir stjórnarand-
stæðingar sem hæst hrópa.
Kannski getum
við orðið sammála
En fyrst það virðist nálgast póli-
tíska dauðasynd að vitna í ráðherra
Vinstri grænna, er spurning hvort
Ingvi Hrafn sættir sig betur við að
aðrir fyrrverandi ráðherrar séu
dregnir fram til vitnis.
Björn Bjarnason, fyrrverandi
menntamálaráðherra, skrifar á
heimasíðu sína miðvikudaginn 10.
desember síðastliðinn:
„Í stað þess að færa fram rök
setja menn sig í frekjulegar stell-
ingar. Það sæmir ekki stöðu ríkis-
útvarpsins í samfélaginu og er til
þess eins fallið að veikja ímynd
þess.
Ný yfirstjórn ríkisútvarpsins fór
illa af stað. Breytingar sem gerðar
voru á dagskrá rásar 1 mæltust illa
fyrir hjá traustustu hlustendum
hennar. Gagnrýni var svarað af yf-
irlæti sem mátti í sumum tilvikum
jafna við hroka. Sambærilegt við-
horf setur svip sinn á kröfugerðina
um hækkun nefskatts í þágu rík-
isútvarpsins. Hlustun og áhorf
dregst saman og svarið af hálfu
stofnunarinnar er að heimta meira
fé af þeim sem hafa lítinn og minnk-
andi áhuga á því sem hún hefur
fram að færa.“
Björn kemst að þeirri niðurstöðu
að „lemja á stjórnmálamönnum til
að bæta stöðu ríkisútvarpsins í stað
þess að ræða aðlögun starfsemi og
dagskrár þess að nýjum aðstæðum
er ekki annað en veruleikaflótti“.
Kannski við Ingvi Hrafn getum
orðið sammála um að greining fyrr-
verandi menntamálaráðherra okkar
sjálfstæðismanna sé rétt og sann-
gjörn.
Pólitísk dauðasynd og óhelgi?
Eftir Guðlaug Þór
Þórðarson » Ingvi Hrafn Óskars-
son hefur því miður
villst (en vonandi tíma-
bundið) inn í lið þeirra
sem hvetja til hærri
skatta og a.m.k. að sum
ríkisfyrirtæki séu und-
anþegin kröfum um að-
hald og sparsemi.
Guðlaugur Þór
Þórðarson
Höfundur er alþingismaður.