Morgunblaðið - 30.12.2014, Blaðsíða 38

38 MENNING
MORGUNBLAÐIÐ ÞRIÐJUDAGUR 30. DESEMBER 2014
Davíð Már Stefánsson
davidmar@mbl.is
„Sýningin TÓN-LIST saman-
stendur af þremur sýningarrýmum.
Í hverju rými er nákvæmlega sama
listaverkið eftir Sigurrós Eiðs-
dóttur og því ætti sjónræn upplifun
í rýmunum að vera sú sama,“ segir
Valdís Þorkelsdóttir, umboðsmaður
og trompetleikari. Hún stendur að
baki listasamsteypunni What a
Waste of Mascara ásamt listakon-
unni Sigurrós Eiðsdóttur en stöll-
urnar standa að sýningunni TÓN-
LIST sem sýnd er í húsakynnum
FÍH í dag á milli klukkan 17 og 21.
„Það sem greinir þó herbergin í
sundur er að inni í hverju þeirra
eru mismunandi tónlistarstílar alls
ráðandi; í einu rýminu er magn-
þrungin sígild tónlist, í öðru ómar
seiðandi 70’s jazz og í hinu þriðja er
kúl hip-hop tónlist,“ segir Valdís og
kveður sýninguna meðal annars
sýna fram á það hversu mismun-
andi einstaklingar upplifa hið sjón-
ræna eftir því hvaða tónlist er í um-
hverfinu.
Aukasýning 2. janúar
„Hugmyndin að sýningunni
kviknaði út frá mastersverkefninu
mínu úr menningarstjórnun þar
sem ég skilgreindi sígildan tónlist-
arsmekk út frá stétt, stöðu og bak-
grunni og hvernig sú tónlistar-
stefna hefur dýpri áhrif á hlust-
endur,“ segir hún. Þess má geta að
sýningin er unnin í samstarfi við
Morning Mania Management, FÍH
og Art Naked.
„Við hvetjum fólk til að dvelja um
stund í hverju herbergi fyrir sig,
sýningin er ákveðin upplifun. Við
verðum auk þess með aukasýningu
föstudaginn 2. janúar á milli 14 og
18,“ segir Valdís að lokum.
Ljósmynd/Magnús Andersen
Tvíeyki Valdís Þorkelsdóttir og Sigurrós Eiðsdóttir standa að sýningunni.
Hið sjónræna
lýtur tónlistinni
 TÓN-LIST sýnd í FÍH klukkan 17 í dag
Vilhjálmur A. Kjartansson
vilhjalmur@mbl.is
Klassískir tónar helstu tónsmiða
síðari alda óma á nýrri plötu frá
Halldóri Haraldssyni. Platan sem
nefnist Píanóhugleiðingar er hug-
ljúf og róleg plata sem Halldór seg-
ir að skapi einstakt andrúmsloft.
„Undanfarin ár hef ég gefið út
nokkrar plötur en það var fyrir um
ári síðan að ég settist niður inni í
stofu hjá mér og fór að líta yfir
plötusafnið mitt og spyr mig: Hvað
hef ég verið að spila? Þá tók ég eftir
því að í safninu eru mörg stór verk,
dramatísk og með miklum átökum
en miklu minna um lýrísk verk og
svo rifjaðist það upp fyrir mér að
fólk sem tjáði sig um plöturnar mín-
ar þegar ég var búinn að gefa þær
út sagði að það hlustaði mikið á
hæga þáttinn á plötunni.“
Halldór segir að í kjölfarið hafi
hann hugsað með sér að þó hann
spilaði mikið af hægum þáttum
heima hjá sér þá hefði hann ekki
gert það á opinberum vettvangi.
„Þetta skorti í plötusafnið svo ég
hugsaði þá af hverju ekki að gera
disk með rólegri og lýrískari lög-
um.“
Verk frá þeim bestu
Verkin á plötunni eru í tímaröð að
sögn Halldórs og ná þau frá Gluck
og Beethoven til Debussy og Ravel.
„Þetta eru allt saman góð verk, eftir
svo marga snillinga. Helst olli það
mér vandræðum að velja úr enda af
svo mörgu að taka. Þetta eru allt
verk sem mér þykir sjálfum vænt
um og ég þekki þau flest vel en sum
þeirra hef ég aldrei spilað sjálfur og
þurfti því að æfa þau sérstaklega
fyrir plötuna.“
Verkin er sem urðu fyrir valinu
eru ekki þekktustu verk þeirra
manna sem Halldór spilar eftir
enda vil hann gefa hlustendum færi
á að kynnast nýjum verkum sem
hann segir engu síðri þeim þekkt-
ari.
„Chopin og Liszt eru með þekkt-
ustu píanótónskáldum og því vildi
ég ekki velja verk sem teljast til
þeirra þekktustu. Noktúrna eftir
Chopin er reyndar þekkt úr mynd-
inn The Pianist og Impromptu nr.2
er dálítið örgrandi verk en engu að
síður mjög lýrískt. Ég lagði mikla
áherslu á að hafa öll verkin mjög
lýrísk þó svo það komi fyrir smá
átök í sumum verkanna.“
Ný upplifun fyrir hlustendur
„Ég vil með þessari plötu gefa
hlustendum færi á að kynnast öðr-
um verkum eftir þessi einstöku tón-
skáld. Að vísu eru þarna líka vinsæl
verk eins og Clair de lune eftir De-
bussy en það er hreinlega of gott
verk og mér finnst að það eigi að
vera þarna.“ Nafngiftin á plötunni,
Píanóhugleiðingar, er í takt við tón-
ana á henni sem skapa einstakt and-
rúmsloft að sögn Halldórs. „Ég vil
að fólk geti hlustað á plötuna í ró og
næði. Þetta eru hugleiðingar, verk
sem skapa ákveðið andrúmsloft.“
Halldór segist ekki vera hættur
þó hann hafi formlega hætt að
kenna á píanó og eru næg verkefni
framundan hjá honum. „Ég tek enn
einstaka nemanda til mín sem
brenna af áhuga en formlega er ég
hættur að kenna. Síðan eru ýmis
verkefni í pípunum og ég er með í
bígerð upptökur á stærri verkum.
Þó er óljóst hvenær slík plata kem-
ur út.“ Halldór segir aðalatriðið
vera að njóta tónlistarinnar og núna
spili hann fyrst og fremst tónlist
sem hann hefur unun af að spila.
Rólegar og lýrískar píanóhugleiðingar
 Á nýrri geislaplötu Halldórs Har-
aldssonar eru verk margra snillinga
Ljóðræn „Ég vil að fólk geti hlustað á plötuna í ró og næði. Þetta eru hugleiðingar, verk sem skapa ákveðið and-
rúmsloft,“ segir slaghörpuleikarinn góðkunni, Halldór Haraldsson, um plötu sína Píanóhugleiðingar.
Munið að slökkva
á kertunum
Hafið ekki mishá kerti of nálægt hverju
öðru. Hiti frá lægra kerti getur brætt
hærra kertið.