Morgunblaðið - Sunnudagur - 28.12.2014, Page 39

Nissan X-Trail
Tekna
Tölvurnar eru útum allt og ekki
síst í bílum; í nýjum bílum eru að
jafnað á annan tug af tölvum. Tekna-
útfærslan á nýjum Nissan X-Trail er gott dæmi um
þetta, enda eru á honum allskyns myndavélar og skynjarar
sem auka öryggi og auðvelda akstur. Í miðju mælaborðinu er
7" snertiskjár með leiðsögukerfi og tilheyrandi, en hann er
líka notaður til að sýna myndir úr fimm myndavélum; ein er að
framan, tvær á hliðunum og tvær að aftan. Til viðbótar við
þetta eru svo fjarlægðarskynjarar í stuðurum sem gefa frá sér
hljóð þegar bíllinn nálgast eitthvað um of. Þetta nýtir bíllinn
meðal annars til að bakka fyrir mann í stæði.
iPhone 6 og 6+
Það verður alltaf uppi fótur og fit á haustin þegar Apple sýnir nýjustu farsíma
sína, nú síðast iPhone 6 og iPhone 6 Plus. iPhone er stærri en eldri gerðir af iP-
hone en hann er líka líka þynnri, ekki nema 6,9 mm að þykkt og fer einkar vel í
hendi, ávalur og þjáll viðkomu, bakið úr áli, framhliðin úr gleri. iPhone 6 Plus er
svo stóra systir, nánast eins hvað varðar innvolsið, nema þó að í myndavélinni
á 6 Plus-símanum er hristivörn í linsunni og rafhlaðan er stærri og ending-
arbetri.
Garmin Edge 1000
Garmin framleiðir fullkomnustu hjólatölv-
urnar og Edge 1000 er fullkomnasta Garm-
in hjólatölvan. Hægt er að kaupa hana
staka en best að fá hana með púlsmæli
og ól til að spenna um bringuna,
hraðamæli og snúningshraðamælir
(cadence-mælir). Skjárinn á Edge
1000 er 3" og byggir á rafþéttum
sem skynja yfirborðsspennu.
Hann er nákvæmur og gott
að nota hann þó maður sé
með hanska, en að græjan
er vatnsþétt og höggv-
arin. Birtustilling er
líka sjálfvirk þannig
að skjárinn varð
bjartari þegar
hjólað var í
gegnum und- ir-
göng og
dofnaði svo sjálf-
krafa.
Nokia Lumia 930
Nokia Lumia 930 síminn var með fyrsti farsímum sem
nota Windows 8.1 stýrikerfið, en með því kerfi má
segja að Microsoft hafi náð Android og iOs í þróun
og virkni. Skjárinn á símanum er frábær, 5" AMOLED
með 1080 x 1920 díla upplausn og 441 ppi sem gerir
hann einstaklega skýran, og myndavélin er afbragð; 20
MP, 4.992 x 3.744 díla, með Carl Zeiss linsu, hristi-
vörn í linsu, sjálfvirka skerpu, tvöfalt LED flass og svo
má telja. Hljóðupptaka á vélinni er líka framúrskar-
andi.
28.12. 2014 MORGUNBLAÐIÐ SUNNUDAGUR 39
iMac 21” 2014 módel
iMac 21' 1.4GHzDual-Core i5 179.990
Verð áður 199.990
iMac 21' 2.7GHzQuad-Core i5 219.990
Verð áður 239.990
iMac 21' 2.9GHzQuad-Core i5 249.990
Verð áður 279.990
iMac 27” 2014 módel
iMac 27' 3.2GHzQuad-Core i5 299.990
Verð áður 329.990
iMac 27' 3.4GHzQuad-Core i5 339.990
Verð áður 369.990