Morgunblaðið - 25.02.2015, Blaðsíða 10

10 DAGLEGT LÍF
MORGUNBLAÐIÐ MIÐVIKUDAGUR 25. FEBRÚAR 2015
Malín Brand
malin@mbl.is
Þær Lára og Sigríður starfabáðar í heilbrigðisgeir-anum. Lára er læknir oger nú í doktorsnámi í lýð-
heilsuvísindum og Sigríður er
hjúkrunarfræðingur hjá Krabba-
meinsfélaginu. Þær unnu á sama
vinnustað fyrir um sex árum síðan
og þá kviknaði áhugi þeirra á að
vinna saman að verkefni utan vinnu-
staðarins. „Það var áhuginn á því að
upplifa eitthvað nýtt með börnunum
okkar sem leiddi okkur saman,“
segir Lára.
Vefur, bók og Facebooksíða
Bókin Útivist og afþreying fyr-
ir börn: Reykjavík og nágrenni eftir
þær Láru og Sigríði kom út fyrir
rúmum tveimur árum. Auk þess að
hafa gefið út veglega bók halda þær
úti Facebooksíðu undir sama nafni
og bókin og vefsíðunni www.sam-
vera.is. „Á heimasíðunni bendum
við á ýmsa viðburði og annað tengt
fjölskyldufólki. Okkur fannst vanta
svona upplýsingar fyrir fjölskyldur
og það ýtir líka við manni sjálfum að
láta ekki spennandi viðburði og ann-
að fara framhjá sér,“ segir Lára.
Ljóst er að mikil þörf var á síðu sem
þessari. Fylgjendur Facebooksíð-
unnar eru tæplega 4500 og vefsíðan
er vel sótt. Sjálfar fylgjast þær vel
með því sem er á döfinni en fá góða
aðstoð frá dyggum lesendum. „Við
fáum oft sendar ábendingar frá að-
ilum sem eru með áhugaverða við-
burði eða annað sem hentar fjöl-
skyldufólki. Það auðveldar okkur að
fylgjast með og koma upplýsingum
áleiðis,“ segir Lára og bætir því við
að þetta sé sérstök ástríða hjá þeim
vinkonum en báðar eru þær í fullri
vinnu en sinna síðunum í frí-
stundum.
Samkeppni við tölvurnar?
Ætli flestir foreldrar þekki það
ekki að keppa við tölvurnar um at-
hygli barnanna. Það er súrt í broti
að tapa fyrir tölvunum og um að
gera að snúa þessari þróun við.
„Með því að fara af heimilinu og
gera eitthvað saman þá finnst mér
ég ná betur til barnanna. Maður
tengist líka börnunum á annan hátt
með því að vera í ólíkum aðstæðum.
Eins og að sjá hvernig þau bregðast
við ýmsum aðstæðum og þá fær
maður líka tækifæri til að kenna
þeim að takast á við ólíkar áskor-
anir, hverju maður þarf að gæta að
og fleira,“ segir Lára. Það er óhætt
að taka undir það að hellaskoð-
unarleiðangur og sundferð á eftir
skilur töluvert meira eftir sig en
helgi þar sem hver og einn húkir í
sínu horni, þó svo að ekkert sé að
því að slaka á heima inn á milli. „Ég
finn það að við verðum öll svo miklu
glaðari eftir að hafa nýtt helgina í
að gera eitthvað saman. Við eigum
það alveg til að vera heima heilu
helgarnar og það er líka gott inn á
milli ef allir eru stemmdir fyrir því.
Samverustundir
sem byggja upp
Þær Lára G. Sigurðardóttir og Sigríður Arna Sigurðardóttir halda úti gagn-
legum vef sem hugsaður er fyrir fjölskyldufólk sem verja vill meiri tíma með börn-
um sínum. Sem mæður vita þær að það dýrmætasta sem foreldrar geta gefið börn-
um sínum er tími. Er hægt að verja nægilegum tíma með börnunum þar sem
Íslendingar vinna fleiri vinnustundir að jafnaði en nágrannaþjóðirnar?
Samvera Lára G. Sigurðardóttir og börnin hennar á góðum degi í Heið-
mörk. Samverustundir barna og foreldra skilja mikið eftir í huga barna.
Félag íslenskra fræða var stofnað ár-
ið 1947 og hefur að markmiði að efla
íslensk fræði og fjalla um þau með
ýmsu móti við ýmis tækifæri. Í kvöld
klukkan 20:00 verður haldið fyrsta
rannsóknarkvöld vorsins 2015 og af
því tilefni flytur dr. Vésteinn Ólason
erindið Allt orkar tvímælis þá gert er
– að gefa út eddukvæði. Í erindinu
mun Vésteinn segja frá aðdraganda
þess að hann og Jónas Kristjánsson
gáfu út Eddukvæði fyrir Hið íslenzka
fornritafélag og mun hann ræða um
forsendur útgáfunnar. Ákvarðana-
taka við slíka útgáfu er án efa erfið
enda þarf að vega og meta hversu
margt á að koma fram í formála og
hve ítarlega fara ber í eldri kenningar,
heildarmerkingu og túlkun. Allir eru
velkomnir á rannsóknarkvöldið sem
fram fer í Hljóðbergi, Hannesarholti
að Grundarstíg 10 í Reykjavík.
Vefsíðan www.islensk.fraedi.is
Morgunblaðið/Einar Falur
Erindi Vésteinn Ólason mun ræða um útgáfu eddukvæða í Hannesarholti.
Að gefa út eddukvæði
Í dag klukkan 17:30 halda Ungir fjár-
festar fund í stofu M101 í Háskól-
anum í Reykjavík. Yfirskrift fundarins
er Þróun olíuverðs og áhrif þess á Ís-
land. Fjárfestirinn og hagfræðingur-
inn Heiðar Már Guðjónsson og Viðar
Ingason, hagfræðingur hjá VR, flytja
erindi á fundinum. Verður þar fjallað
um sögu olíunnar og olíumarkaðarins
og olíuleit við Ísland auk þess sem
farið verður yfir olíuverðið og þróun
þess í dag. Viðar mun ræða um áhrif
olíuverðs á þjóðarbúskap Íslands.
Nánari upplýsingar um Unga fjár-
festa er að finna á vefsíðunni
www.ungirfjarfestar.is.
Endilega ...
... hlýðið á
Unga fjárfesta
Morgunblaðið/Árni Sæberg
Fundur Rætt verður um olíuverð.
SalsaIceland hefur kennslu á örnám-
skeiði fyrir byrjendur í salsa í kvöld.
Námskeiðið er þrjú kvöld og er bæði
fyrir einstaklinga og pör. Farið verð-
ur í grunninn á salsa og er engrar
danskunnáttu krafist fyrir nám-
skeiðið. Hver danstími varir í
klukkustund og korter og kenna þau
Camilo og Inga María á námskeið-
inu.
Eilítið ódýrara er að koma með
dansfélaga en það er þó ekki skylda.
Frekari upplýsingar um nám-
skeiðið má fá með því að senda póst
á́ netfangið: edda@salsaiceland.is.
Kennsla fer fram í Klassíska list-
dansskólanum að Grensásvegi 14 í
Reykjavík.
Á vef SalsaIceland er sérstaklega
tekið fram að margir atvinnurek-
endur og stéttarfélög veiti styrk til
þátttöku á námskeiðum SalsaIce-
land gegn framvísun kvittunar.
Námskeiðskvöldin eru þann 25.
febrúar (í kvöld), 2. mars og 4. mars
á tímanum 20:30 til 21:45. Einnig
má lesa um námskeiðið á vefsíðunni
www.salsaiceland.is.
Lærið að dansa af lífi og sál
Örnámskeið í salsa fyrir
byrjendur hefjast í kvöld
Morgunblaðið/Ómar
Salsa Kennarar og sýningarhópar frá SalsaIceland á sýningu í Ráðhúsinu.
Skannaðu kóðann
til að fara inn á
vefsíðuna.