Morgunblaðið - 25.02.2015, Blaðsíða 12
12 FRÉTTIRInnlent
MORGUNBLAÐIÐ MIÐVIKUDAGUR 25. FEBRÚAR 2015
Frábær lausn fyrir hallandi
og óreglulega glugga
PLÍ-SÓL
GARDÍNUR
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. Sími: 588 5900 ▪ Tjarnargötu 17, Keflavík. Sími: 421 2061
Glerárgötu 32, Akureyri. Sími: 462 5900 ▪ alnabaer.is ▪ Opnunartími: mán.-fös. 11-18
Sendum frítt hvert á land sem er gegn staðgreiðslu
Hringdu og bókaðu tíma í máltöku
Meira úrval • Meiri gæði
Íslensk framleiðsla
eftir máli
SVIÐSLJÓS
Björn Jóhann Björnsson
bjb@mbl.is
Grundartangi er talinn heppileg-
astur fyrir framtíðarskipaverkstöð
en þar er gert ráð fyrir allt að 10
hektara iðnaðarsvæði vestast í
landi Klafastaða sem nýta má undir
skipaverkstöð.
Kostnaður við
byggingu upp-
tökumannvirkja,
hafnaraðstöðu og
annarra fram-
kvæmda vegna
nýrrar skipa-
verkstöðvar er
gróflega áætl-
aður sjö til níu
milljarðar króna.
Þetta er meðal þess sem kemur
fram í greinargerð Bergþóru
Bergsdóttur, starfsmanns Faxa-
flóahafna, um skipaverkstöð á
Grundartanga sem kynnt var á síð-
asta stjórnarfundi Faxaflóahafna.
Gísli Gíslason, hafnarstjóri Faxa-
flóahafna, segir skýrsluna hafa ver-
ið lagða fram og fengið jákvæð við-
brögð. Boltinn sé núna hjá
Stálsmiðjunni-Framtaki, sem rekur
slippinn í gömlu höfninni í Reykja-
vík, og það sé fyrirtækisins að stíga
næstu skref.
Skipin að stækka og breikka
„Við höfum horft jákvæðum aug-
um til verkefnisins. Stálsmiðjan-
Framtak hefur verið leiðandi í
þessari vinnu en aðkoma okkar
snýr að því að útvega land og að-
stöðu undir starfsemina. Við ætlum
ekki að fara að reka skipa-
smíðastöð en við vildum draga
saman heildarmyndina í þessari
greinargerð. Hugmyndafræðin er
orðin vel mótuð og þetta er bara
spurning um að útvega fjármagn
til verksins. Umhverfi skipa-
viðgerða er að breytast. Slipp-
stöðvar á Íslandi hafa til þessa tek-
ið mið af torgaraflotanum en á
seinni árum hafa skipin verið að
stækka og breikka. Hér hefur
heldur ekki verið aðstaða til að
gera við flutningaskip en siglingar
þeirra til iðnaðarhafna munu
aukast enn frekar,“ segir Gísli.
Varðandi kostnað við verkefnið
bendir Gísli á að einstakir kostn-
aðarliðir myndu falla til yfir lengri
tíma. Í raun mætti koma starfsemi
nýrrar skipaverkstöðvar af stað
fyrir helming þess kostnaðar sem
nefndur er í greinargerðinni, eða
fyrir 4-5 milljarða króna.
Fram kemur í greinargerðinni að
skipaviðgerðir í Reykjavík hafi ver-
ið við lýði í rúma öld og sett mikinn
svip á gömlu höfnina.
„Þær brautir sem enn eru í notk-
un eru hins vegar barn síns tíma
varðandi stærð og er þróunin sú að
á einhverjum tímapunkti á næstu
árum þurfi starfsemin að víkja af
svæðinu og flytjast annað. Grund-
artangi er sá staður sem talinn hef-
ur verið heppilegastur fyrir fram-
tíðarskipaverkstöð og hefur þegar
verið hafist handa við ýmsa þróun-
arvinnu tengda því,“ segir í grein-
argerðinni en bygging skipaverk-
stöðvar hefur fleira í för með sér en
upptökumannvirki sjálf, þar sem
vinna þarf lóðina, götur og ýmis
hafnarmannvirki eins og setnings-
og viðlegubryggju.
Búið að bora fimm holur
Miðað við greiningarvinnu Stáls-
miðjunnar-Framtaks er niður-
sprengd þurrkví talin vera heppi-
legasti kosturinn á Grundartanga,
ásamt því að byggja eina drátt-
arbraut. En áður en sprengja þarf
fyrir þurrkvínni þurfa athuganir á
berginu að fara fram. Búið er að
bora fimm holur og beðið er niður-
staðna þeirrar vinnu.
Grundartangi heppilegastur
Kostnaður við nýja skipaverkstöð á Grundartanga áætlaður 7-9 milljarðar króna Faxaflóa-
hafnir taka jákvætt í hugmyndir Stálsmiðjunnar-Framtaks Vantar slippstöðvar fyrir stærri skip
Ljósmynd/Faxflóahafnir
Grundartangi Starfsemin á Grundartanga við Hvalfjörð hefur stöðugt verið að aukast á undanförnum árum. Þar
starfa nú 13 fyrirtæki og nýlega ákvað Eimskip að kaupa þarna lóðir og setja upp nýjan og öflugan hafnarkrana.
„Starfsemi slippsins í gömlu höfn-
inni er bæði túristavæn og góð fyrir
atvinnulífið. Við höfum sagt að
slippurinn fái að vera þarna eins
lengi og kostur er,“ segir Gísli Gísla-
son, hafnarstjóri Faxaflóahafna, um
framtíð slippsins við Reykjavík-
urhöfn. Í greinargerð Faxaflóahafna
um fyrirhugaða skipaverkstöð á
Grundartanga segir m.a. að slipp-
urinn þurfi á miklum endurbótum
að halda innan næstu 10-15 ára ef
halda eigi starfseminni áfram í
Reykjavík.
Fram kemur einnig að þróun
gömlu hafnarinnar og deiliskipulag
svæðisins geri ekki ráð fyrir starf-
semi skipaviðgerða í náinni framtíð.
Skoða þurfi aðrar lausnir ef við-
halda eigi skipaiðnaðinum í Faxa-
flóa í framtíðinni.
Gísli segir að þetta ráðist af
ástandi brautanna í slippnum og að-
liggjandi skipulagi. Ferðaþjónusta,
hótelrekstur og hvalaskoðunarfyrir-
tæki geti vel þróast eitthvað áfram í
nábýli við slippinn.
„Miðað við stöðuna í dag þá fær
slippurinn að vera þarna óhreyfður
eins lengi og kostur er, í að minnsta
kosti áratug,“ segir Gísli en bendir á
að hugmyndir um skipaverkstöð á
Grundartanga séu í raun óháðar
slippnum í Reykjavík.
Rekstraraðili slippsins, Stál-
smiðjan-Framtak, hefur sýnt því
áhuga að búa sig betur undir breyt-
ingar á skipaflotanum og geta tekið
stærri skip til viðgerða. Helst er
horft til Grundartanga sem framtíð-
arsvæðis fyrir slíka starfsemi. Hefur
fyrirtækið þá ætlað sér að færa
stærri dráttarbrautina í slippnum í
Reykjavík upp á Grundartanga.
Fær að standa þarna óhreyfður eins lengi og kostur er
SLIPPURINN VIÐ GÖMLU HÖFNINA Í REYKJAVÍK
Morgunblaðið/Árni Sæberg
Slippurinn Skipaviðgerðir hafa verið stundaðar í gömlu höfninni í um 100 ár. Starf-
semin fer fram bakvið Icelandair Hótel Marina og þykir aðdráttarafl fyrir ferðamenn.
Páll Bjarnason,
byggingartækni-
fræðingur hjá
EFLU verk-
fræðistofu, flyt-
ur erindi um
dróna og notkun
þeirra við nátt-
úrurannsóknir á
Hrafnaþingi
Náttúru-
fræðistofnunar Íslands í dag.
EFLA hefur unnið með dróna
eða flygildi undanfarin tvö ár í
samstarfi við Suðra ehf. og UAS
Iceland. Í erindinu fjallar Páll um
reynslu af notkun flygildanna og
hverju er hægt að búast við af
þeim.
Í fyrra voru flogin samtals 80
flug þar sem m.a. var kortlagt fyr-
ir rannsóknir, skipulagsvinnu eða
framkvæmdir. Sýnd verða gögn
frá mismunandi verkefnum og
hvað hægt er að gera við þau.
Hrafnaþing hefst klukkan 15:15
í húsi Náttúrufræðistofnunar, Urr-
iðaholtsstræti 6-8 í Garðabæ.
Erindi um dróna og
notkun þeirra
Dróni
Gísli Gíslason