Morgunblaðið - 06.03.2015, Blaðsíða 42

42 | MORGUNBLAÐIÐ
Þ
etta er valkostur sem
stendur öllum unglingum til
boða og nýtur sífellt meiri
vinsælda,“ segir Hope
Knútsson, formaður Siðmenntar,
en félagið hefur staðið fyrir borg-
aralegum fermingum frá árinu
1989. „Í ár fermast rúmlega 300
unglingar borgaralega; aðsóknin
hefur aukist jafnt og þétt en í
fyrra má segja að hafi orðið
sprenging þegar þátttakendum
fjölgaði um 40% á milli ára. Við
höfum enga sérstaka skýringu,
aðra en þá að þessi valmöguleiki er
nú orðinn þekktari en áður var.“
Siðmennt býð-
ur upp á ferm-
ingarnámskeið
hvar sem er á
landinu, að því
gefnu að næg
þátttaka sé fyrir
hendi, að sögn
Hope. „Ferming-
arbörnin í ár eru
víðsvegar að af
landinu og sækja um þessar mund-
ir námskeið sem haldin eru á Ak-
ureyri, í Reykjavík og í fyrsta sinn
í Reykjanesbæ; athafnirnar í vor
verða alls sjö talsins – í Reykjavík,
Kópavogi, Reykjanesbæ og á Ak-
ureyri.“
Hvað er borgaraleg ferming?
„Ungmenni sem fermast borg-
aralega eru studd í því að vera
heilsteyptir og ábyrgir borgarar í
lýðræðislegu samfélagi en megin-
tilgangur borgaralegrar fermingar
er að efla heilbrigð og farsæl við-
horf unglinga til lífsins og kenna
þeim að bera virðingu fyrir mann-
inum, menningu hans og um-
hverfi.“
Borgaraleg ferming – fyrir
hverja?
„Með kirkjulegri fermingu stað-
festir einstaklingurinn skírnarheit
og játast kristinni trú. Margir ung-
lingar eru ekki reiðubúnir að vinna
trúarheit; sumir eru annarrar trú-
ar eða trúa á guð á sinn hátt og
önnur ungmenni eru ekki trúuð.
Fyrir þau er borgaraleg ferming
góður kostur. Það geta vitaskuld
allir valið að fermast borgaralega,
jafnvel þótt þeir telji sig trúaða
eða tilheyri trúfélagi. Ár hvert
fermast fjölmargir þátttakendur
með ólíkar lífsskoðanir borg-
aralega, sum ungmennin tilheyra
trúfélögum, önnur ekki.“
Frelsi og ábyrgð
Kennslan og námsefnið?
„Fermingarbörnin sækja vandað
námskeið þar sem þau læra ým-
islegt sem er góður undirbúningur
fyrir það að verða fullorðinn, með
öllum þeim réttindum og skyldum
sem því fylgja. Á undirbúnings-
námskeiðinu er það talinn kostur
hversu ólíkir þátttakendur eru
þegar kemur að lífsafstöðu þeirra
og skoðunum, enda hefur það
margoft sannast á námskeiðum
borgaralegrar fermingar að þrátt
fyrir ólíkan bakgrunn og mismun-
andi skoðanir hafa þátttakendur
vel getað rökrætt og átt samskipti
á jákvæðan og uppbyggilegan hátt.
Á námskeiðunum er fjallað um
ýmislegt sem miðar að því að efla
þroska, gott siðferði og ábyrgð-
arkennd. Sem dæmi má nefna
gagnrýna hugsun, siðfræði, fjöl-
miðlalæsi, hvernig það er að vera
unglingur í auglýsinga- og neyslu-
samfélagi, mannleg samskipti, fjöl-
menningu og fordóma, skaðsemi
vímuefna, sjálfsmyndina og sam-
skipti kynjanna, hamingjuna og til-
gang lífsins, tilfinningar og sorg,
mannréttindi og mikilvægi þess að
bera virðingu fyrir umhverfinu.
Ýmsum kennsluaðferðum er
beitt en þó er fyrst og fremst um
að ræða stutta fyrirlestra, umræð-
ur og hópavinnu. Kennslustjóri
Siðmenntar, Jóhann Björnsson,
hefur umsjón með hópnum og
kennir meginhluta námsefnisins en
jafnframt koma nokkrir gestafyr-
irlesarar í heimsókn ár hvert.“
Fermingarathöfnin?
„Hápunktur fermingarinnar er
virðuleg lokaathöfn sem stjórn Sið-
menntar skipuleggur. Þar eru
börnin sjálf í aðalhlutverki, flytja
ávörp, ljóð, spila á hljóðfæri, dansa
og annað í þeim dúr. Þau fá svo í
lokin afhent skrautritað skjal, til
staðfestingar á því að þau hafi lok-
ið námskeiðinu borgaraleg ferm-
ing.“
beggo@mbl.is
Jákvætt viðhorf til lífsins
Hope Knútsson, formaður Siðmenntar, segir marga ung-
linga á fermingaraldri af ýmsum ástæðum ekki vera
reiðubúna að vinna trúarheit í kirkjulegri athöfn og fyrir
þá sé borgaraleg ferming góður valkostur.
Útskrift Prúðbúin fermingarbörn fá afhent fermingarskírteini við hátíðlega athöfn borgaralegrar fermingar í Háskólabíói.
’Hápunktur fermingarinnar er virðuleg lokaathöfn
Hope Knútsson