Morgunblaðið - 06.03.2015, Blaðsíða 57

MORGUNBLAÐIÐ | 57
Kíktu á naestakynslod.is og sjáðu hvað aðrir
þátttakendur höfðu að segja um þjálfunina.
GJAFABRÉF
DALE CARNEGIE
FYRIR FERMINGARBARNIÐ
WWW.NAESTAKYNSLOD.IS // S: 555 7080
E
f unga fólkið er spurt þá kemur yfirleitt í ljós að það óskar sér helst
raftækja og peninga í fermingargjöf. Snjallsími, fartölva, leikjatölva
eða sandur af seðlum er toppurinn á tilverunni þegar maður er fjór-
tán ára.
Fyrir vikið kunna blessuð börnin ekki alltaf að meta sígildar ferming-
argjafir sem eru þó allra góðra gjalda verðar. Stundum er best að velja ekki
gjöfina sem barnið vill í dag, heldur gjöfina sem það mun vilja eftir nokkur
ár, og þykja vænst um jafnvel komið á fullorðinsár.
Hér eru nokkur dæmi:
Sígildar bókmenntir
Nú þegar ungviðið streymir sjón-
varpsþáttum og kvikmyndum af net-
inu í gríð og erg eru bækur því ekki
ofarlega í huga. Er ekki hægt að
reikna með að unglingurinn reki upp
fagnaðaróp ef hann opnar ferming-
arpakann og finnur þar öndvegis-
verk eftir Laxness, safn af ljóðum
Davíðs Stefánssonar eða máski
mestaraverk einhvers erlends höf-
undar.
Hitt er samt víst að löngu eftir að
snjallsíminn er úreltur og ferming-
arpeningarnir kláraðir verða bæk-
urnar enn uppi í hillu. Svo kemur
þroskinn, og vitið, og þá gerist það
einn daginn að eigandi bókanna út-
býr sér kaffibolla, nær í nokkra kon-
fektmola, hreiðrar um sig í þægileg-
um stól og byrjar lesturinn.
Vandaður blekpenni
Fjórtán ára guttar og
gellur sjá varla mikinn
tilgang í því að eiga góð-
an penna. Það þarf jú
ekki merkilegt ritáhald
til að skrifa skólaglós-
urnar, og svo er líka lífið
allt orðið rafrænt og lát-
ið duga að kvitta undir
alla hluti með pin-
númerinu.
En blekpenninn reyn-
ist vel, þegar upp er stað-
ið. Í gegnum alla gelgj-
una situr hann á vísum
stað í skrifborðinu. Tek-
inn fram þegar bráðvant-
ar að skrifa eitthvað, og
lagður á sinn stað aftur
því ekki má vandaður
gripurinn týnast.
Þá koma menntaskóla-
árin og háskólaárin og
enn er penninn í skúff-
unni, notaður til að kvitta
undir skólaritgerðir og
loks eins og eina bachelor-
eða mastersritgerð. Hver
veit?
Góður lampi
Oft fá fermingarbörn húsgögn að
gjöf og breytist barnaherbergið þar
með í unglingaherbergi. Húsgögnin
endast oft furðulengi og fylgja sumum
langt út í lífið. Sjaldnast notar fólk samt
fermingarmublurnar eftir að byrjað er að búa.
Flottur lampi eftir góðan hönnuð getur verið
undantekningin frá þessu. Í lampaheiminum má
finna borðlampa sem eru tímalaus hönnun og til
prýði á skrifborði unglingsins.
Tizio-lampinn eftir Richard Sapper gæti verið
sniðugt val. Lampinn kom fyrst á markað árið
1972 og þykir enn sérlega fagur og stílhreinn.
Þarf mikið að gerast til að þessi fermingargjöf
þyki ekki ennþá hrikalega töff eftir 10, 20 eða
30 ár.
ai@mbl.is
Kunna að meta
gjafirnar, seinna meir