Morgunblaðið - 06.03.2015, Qupperneq 59

MORGUNBLAÐIÐ | 59
ALÞJÓÐLEGAR
SUMARBÚÐIR
LANGAR ÞIG Í ÆVINTÝRI?
Dvöl á vegum AFS er spennandi og dýrmæt lífsreynsla og nú í fyrsta
skipti býður AFS upp á ævintýralegar sumarbúðir í Surrey á Bretlandi
eða Malaga á Spáni.
Alþjóðlegar sumarbúðir 2015
Bretland | 2 vikur | verð 345.000 kr.
17. - 29. júlí (13-16 ára)
31. júlí - 12. ágúst (15-17 ára)
Spánn | 4 vikur | verð 528.000 kr.
28. júní - 25. júlí (14-18 ára)
Innifalið
· flugkostnaður
· fararstjóri
· fullt fæði
· gisting í heimavistarskólum
· formlegt tungumálanám
4 klst. á dag
· borgarferðir
· alþjóðleg samskipti
· íþróttir, leikir, glens og gaman
· fjölbreytt afþreying og fræðsla
Áhersla er lögð á
· sjálfsvitund og gagnrýna hugsun
· leiðtogahæfni
· hópavinnu
· aukna menningarvitund
· menningarlæsi
· sjálfstyrkingu
Ingólfsstræti 3, 2. hæð | 552 5450 info-isl@afs.org | afs.is | facebook.com/skiptinemi
Nánari upplýsingar
má nálgast á afs.is
eða skrifstofu
AFS
V
in
nu
st
of
an
.is
/
0
2
1
5
F
ermingaraldurinn getur
markað ákveðin skil í því
hvernig einstaklingurinn
klæðir sig. Ungmennið
byrjar að vaxa og þroskast á bæði
sál og líkama og tímabært að
skipta úr barnamerkjum yfir í
fullorðinsmerki.
Það getur farið vel á því að nota
tækifærið um þessi tímamót og
byrja að kenna unglingnum á
heimilinu um heim tískunnar, og
veita honum leiðsögn um hvernig
snyrtilegir ungir piltar og stúlkur
ættu að klæða sig.
Þar með er ekki sagt að krakk-
inn megi ekki ráða því sjálfur
hvernig hann klæðir sig, og öllum
er hollt að ganga í gegnum tísku-
bylgjurnar með jafnöldrunum,
hvort sem buxurnar eru mjóar þá
stundina eða falla í pokum um
ökklana. Ungmennið má samt ekki
standa alveg á gati, eða eiga ekk-
ert hentugt í fataskápnum, þegar
upp kemur tilefni sem kallar á
snyrtilegan klæðaburð.
Ef fermingarbarnið er búið að
taka út góðan vaxtarkipp er t.d.
ekki óvitlaust fyrir smekklegt for-
eldri, frænda eða frænku að fara
með ungmennið í heimsókn í
verslun á borð við Hugo Boss í
Kringlunni. Í úrvalinu hjá Hugo
Boss má finna unglegar línur sem
geta passað vel á táningsstrákum
og -stúlkum, og góð fyrstu kynni
af vönduðum tískufatnaði.
Stórborgir tískunnar
Ef tími og peningar leyfa getur
verið enn sniðugra að fara í inn-
kaupaferð til stórborgar á borð við
New York, London eða París.
Verslunarrekendur á Íslandi gera
sitt besta, en úrvalið er samt allt
annað þegar komið er út í hinn
stóra heim og ekki amalegt vega-
nesti fyrir unglinginn að bera
skynbragð á gæðin og sniðin hjá
virtustu tískuhúsum.
Er t.d. upplagt að heimsækja
nýopnaða verslun Burberry á Re-
gent Street í London, enda versl-
unin sérlega glæsileg en Burberry
líka með gott úrval af smart fatn-
aði fyrir bæði kynin, og fötin ekki
óhóflega dýr þótt þau kosti sitt.
Í leiðinni er hægt að kíkja á
hvað er á herðatrjánum í versl-
ununum í og við Knightsbridge,
allt frá Gucci og Saint Laurent til
Armani og Louis Vuitton. Það
þarf alls ekki að kaupa neitt þótt
farið sé inn um dyrnar, og alveg
nógu mikil upplifun að sjá glam-
úrinn og finna kaldan svitann
spretta fram þegar spurt er um
verðið.
Blessunarlega ætti að vera góð
H&M-búð handan við hornið, og
þar er hægt að finna hreint ágæt-
an fatnað sem hentar vel þegar
líkaminn er enn að stækka og
sumarvinnan eina tekjulindin.
ai@mbl.is
Fínu fötin fermingarbarnsins
AFP
Franskt Reffileg fyrirsæta í leð-
urjakka frá Yves Saint Laurent.
Hvort jakkinn er peninganna virði
er smekksatriði, og tískuuppeldi
skiptir þar miklu máli.
Sumar Snotur flík úr línu Rochas
á tískuvikunni í París. Er hér kom-
inn fermingarkjóllinn?
Stíll Klæðileg samsetning frá
Agnes B.
Spes Svona er herratískan hjá
Valentino.