Morgunblaðið - Sunnudagur - 12.04.2015, Blaðsíða 13

12.4. 2015 MORGUNBLAÐIÐ SUNNUDAGUR 13
Verslun Víkurprjóns í Vík í Mýrdal
hefur verið stækkuð um 100 m² til að
mæta auknum fjölda ferðamanna
sem koma á staðinn og gera þar inn-
kaup sín. Aðeins tvö ár eru síðan
verslunin var stækkuð um 200 m²,
sem staðfestir hve vinsæll áfanga-
staður þetta er orðið.
Nú er verslunarrými Víkurprjóns
alls um 520 m² og að hluta til á
tveimur hæðum. Í breytingum þeim
sem nú er lokið voru gluggar settir á
milliveggi á efri hæð, svo viðskipta-
vinir geta nú fylgst með starfsemi
prjónastofunnar. Þetta mælist vel
fyrir og getur fólk fylgst með hvern-
ig ullargarn og lopi verða eftirsóttar
tískuvörur.
Mikil eftirspurn hefur verið eftir
prjónavörum frá Víkurprjóni á síð-
ustu misserum, bæði hérlendis auk
þess sem útflutningur er stór og
vaxandi póstur í allri starfseminni.
Til að bregðast við því var prjóna-
verksmiðja fyrirtækisins stækkuð í
lok síðasta árs og prjónavélum fjölg-
að úr sex vélum í tólf. Eykur það af-
köstin tiil muna.
Hjá Víkurprjóni eru fimmtán
stöðugildi allt árið en yfir sumar-
mánuðina er starfsmönnum versl-
unarinnar fjölgað um tíu.
VÍK Í MÝRDAL
Áhugasamir viðskiptavinir Víkurprjóns kynna sér framleiðslu á prjónastofu.
Fylgjast með garninu
Búist er við allt að 650 skíðamönnum íFossavatnsgönguna á Ísafirði semhaldin verður síðar í mánuðinum.
Þátttakendur hafa aldrei verið fleiri, en í
fyrra voru þeir 330 svo fjöldinn tvöfaldast
milli ára. Þar af eru liðlega 350 manns
skráðir í lengsta legg göngunnar, sem er 50
kílómetrar. Gert er ráð fyrir að yfir 300 út-
lendingar, frá hátt í 20 löndum, blandi sér í
leikinn nú.
Í Worldloppet
„Hin mikla þátttaka nú er árangur mikillar
undirbúningsvinnu og markaðsstarfs,“ segir
Daníel Jakobsson, formaður stjórnar Fossa-
vatnsgöngunnar. Hann er jafnframt hót-
elstjóri á Hótel Ísafirði og var áður bæj-
arstjóri. Lagt var kapp á að komast inn í
verkefnið Worldloppet, en innan þess eru 20
af þekktustu skíðagöngumótum í heiminum.
Þar má til dæmis nefna Birkibeinerloppet í
Lillehamer í Noregi og Vasagönguna í Mora
í Svíþjóð, en þátttakendur í hinni síðar-
nefndu eru um 20 þúsund á ári hverju.
Til að ná í Worldloppet þarf annars að
uppfylla fjölmörg skilyrði hvar öryggismál
og aðbúnaður eru rauði þráðurinn. „Margir
sem taka þátt í Worldloppet-göngum gera
það til þess að verða svokallaður World-
loppet-master. Til að verða slíkur þarf að
taka þátt í ekki færri en 10 göngum í jafn-
mörgum löndum í að minnsta kosti tveimur
heimsálfum. Margir taka til dæmis göng-
urnar hér á norðurslóðum og svo bjóðast
góðir möguleikar svo sem í Minnesota í
Bandaríkjunum, á Ítalíu og víðar,“ segir
Daníel.
Af Seljalandsdal
á Botnsheiði
Fossavatnsgangan er samfelld dagskrá frá
miðvikudeginum 29. apríl til sunnudags 3.
maí. Á miðvikudegi er svokalllað master-
classnámskeið undir stjórn Anders Söder-
grens en hann hefur unnið til gullverðlauna
á Ólympíuleikum. Annar leiðbeinandi er Pet-
ter Skinstad frá Noregi. Á fimmtudegi er
Fossavatnsskautið, sem er nýr viðburður. Þá
er hálf brautin, 25 kílómetrar, tekin með
frjálsri aðferð en skíðaganga samanstendur
af tveimur undirgreinum; hefðbundinni að-
ferð og frjálsri. Á föstudegi er dagskráin
með léttu sniði við hæfi barna og unglinga.
Á laugardeginum er svo boðið upp á þrjár
vegalengdir og þá munu yfir 600 manns
verða ræstir á Seljalandsdal í tveimur hóp-
um. Fyrst verður hin eiginlega 50 kílómetra
Fossavatnsganga ræst, en þá liggur leiðin
frá skíðasvæðinu á Seljalandsdal og þaðan
upp á Botnsheiði, svo á Engidal og að
Fossavatni. Þar er snúið við hjá svokölluðum
steini og haldið til baka að markinu, sem er
upphafleg ráslína. Algengt er að skíðamenn
fari þessa leið á tæpum þremur klukku-
stundum. Einnig er keppt í 10 og 25 kíló-
metra göngu. Hægt verður að skrá sig til
leiks fram fram til 1. maí, en þátttökugjöld
verða hærri eftir því sem nær dregur.
Mikið aðdráttarafl
„Þótt skemmtilegt væri hef ég engin tök á
því að vera með. Ég verð að bæta mér þetta
upp með öðru móti,“ segir Daníel Jakobsson,
sem fyrr á árum var einn besti skíðagöngu-
maður landsins. Í dag einbeitir hann sér að
hótelrekstri á Ísafirði. Verkefni þetta segir
hann mikið aðdráttarafl ferðaþjónustu í bæn-
um. Enginn einn atburður skapi meiri eft-
irspurn eftir hótelgistingu á Vestfjörðum en
Fossavatnsgangan.
ÍSAFJÖRÐUR
Þátttakendum fjölgar um helming
SKÍÐAGÖNGUFÓLK FLYKKIST Á ÍSA-
FJÖRÐ. FOSSAVATNSGANGAN ER
NÚ KOMIN Í WORLDLOPPET, ÞAR
SEM ERU 20 AF ÞEKKTUSTU SKÍÐA-
GÖNGUMÓTUM Í HEIMI.
„Árangur mikillar undirbúningsvinnu,“ segir Daníel Jakobsson hótelstjóri.
Morgunblaðið/Sigurður Bogi
Vetrarríki vestra og aðstæður til skíðaiðkunar góðar langt fram á vor.
Grásleppuvertíðin fer vel af stað. Veiði nú jafngildir um
2.600 tunnum af hrognum. Afli er mestur hjá Vopna-
fjarðarbátum, 350 tunnur. Húsavík og Siglufjörður eru
næst með um 100 tunnum minna, hvor staður.
Vopnafjörður
Íslenska vitafélagið hefur unnið að því að koma upp ljóshúsi
á gamla vitann á Garðskaga. Ljóshús var á vitanum meðan
hann var í notkun, það er til ársins 1944. Vonast er til að
málið ná í gegn fljótlega – svo aftur lýsi á annnesi þessu.
Garðskagi
KOLAPORTIÐ
kolaportid.is
Einstök stemning í 25 ár
Opið laugardaga og sunnu
daga
frá kl. 11-17