Morgunblaðið - Sunnudagur - 12.04.2015, Blaðsíða 16

16 MORGUNBLAÐIÐ SUNNUDAGUR 12.4. 2015
Fjölskyldan Fjölskyldur sem misstu af barnaleikritinu Elsku Míó minn, í þýðinguÞórarins Eldjárns, sem útvarpað var á Rás 1 um páskana, geta nálg-
ast það og spilað á Sarpinum fyrir háttinn næstu kvöld en verkið var
flutt í þremur hlutum og var úrvalsfjölskylduskemmtun.
Sarpurinn fyrir háttinn
F
yrr en varir mun tölvupóstur
berast frá bekkjarráðum
þar sem skipulagðar hafa
verið hjólaferðir og það er
oft lítill tími til að græja reiðhjólin
með stuttum fyrirvara. Það er því
eiginlega kominn tími til að fara í
hjólageymsluna og gera hjólið klárt
fyrir veturinn.
Það er misskilningur að það séu
aðeins eldri hjól sem þarf að yfir-
fara eftir veturinn og hægt er að
fara með hjólin á ýmis reiðhjóla-
verkstæði hér í borg og úti á landi,
en slík yfirferð getur samkvæmt
því sem blaðamaður kemst næst
tekið hálftíma ef ekki þarf að
skipta um slöngu, bremsuklossa
eða aðra varahluti og er þá fyrst
og fremst verið að smyrja hjólið,
herða skrúfur og slíkt. Vert er að
gera verðsamanburð en slík yfir-
ferð, ef ekkert þarf að gera auka-
lega, getur kostað frá tæplega
2.400 krónum, svo sem hjá Hvelli,
upp í rúmlega 4.000. Athugið að
þegar nær dregur sumri er oft
mikið að gera á hjólaverkstæð-
unum svo það er þess þá heldur
nauðsynlegt að drífa sig af stað.
Hins vegar þarf ekki alltaf sér-
fræðinga til að yfirfara hjól.
Hægt er að leita leiðbeininga á
netinu, bæði skriflegra en einnig er
hægt að horfa á myndbönd á You-
tube. Þá eru meira að segja nám-
skeið öðru hvoru auglýst þar sem
koma má með eigin hjól, læra að
yfirfara það og gera það að sjálf-
sögðu um leið klárt út í sumarið.
Það sem flestir eiga að geta gert
sjálfir er að sjálfsögðu að þrífa
það, stilla gíra og smyrja þá, at-
huga hvort skrúfur og rær séu
nokkuð að losna eða jafnvel ofhert-
ar og hvort bremsupúðar eru
nokkuð skakkir – hvort þeir liggi
ekki rétt að gjörðinni, mæla þrýst-
ing í dekkjum, pumpa í dekk sem
eru með frönskum ventli og muna
þá að nota sérstakar hjólapumpur
eða kaupa millistykki sem skrúfað
er á ventilinn. Hér til hliðar má
finna nokkur af þeim atriðum sem
flestir ættu að geta gert heima.
Gott er þá að fara yfir hvort yf-
irferðin hafi heppnast og fara í að
minnsta kosti klukkutíma hjólaferð.
Ef eitthvað er enn að er verk-
stæðið trúlega næsta skref.
ALLIR KLÁRIR Í SUMARIÐ
Í hjólagírinn
í tæka tíð
Það er gæðastund að læra og hjálpast að við að yfirfara reiðhjólin fyrir sumarið, smyrja þau, pumpa og bæta slöngur.
Getty Images/iStockphoto
ÞAÐ ER ENN FROST Í JÖRÐU EN ÞAÐ GETUR
GERST Á EINNI NÓTTU AÐ SUMARIÐ HALDI
INNREIÐ SÍNA. Í ÞAÐ MINNSTA ER GOTT AÐ VERA
BÚINN AÐ YFIRFARA HJÓLIN MEÐ GÓÐUM FYRIRVARA.
Júlía Margrét Alexandersdóttir julia@mbl.is
Gaman að hjóla á nýju reiðhjóli.
Getty Images/iStockphoto
Heimsfrægir hönn-
uðir og lúxus-
vörumerki stíla í
stórauknum mæli
markaðssetningu
sína inn á yngstu
börnin og breska
blaðið the Telegraph
greindi frá því ný-
lega að lúxusinn fæl-
ist ekki lengur bara í vönduðum
barnavörum og -vöggum. Nú væri til
dæmis hægt að fara í sumarfrí á sér-
stakar suðrænar barnaeyjur þar
sem innifaldir væru sérstakir þjónar
fyrir börnin og einnig fengju þau
nudd á ströndinni. Það er ferðaskrif-
stofan ITC Luxury Travel sem hef-
ur skipulagt ferðir sem þessar.
SÉRSTAKAR BARNAEYJUR
Lúxussum-
arfrí barna
Lúxusfrí fyrir börn
eru það nýjasta.
ÁLÞAKRENNUR
Viðhaldslitlar
Þegar hús eru klædd með „viðhaldsfrírri“ klæðningu
er nauðsynlegt að nota „viðhaldsfríar“ þakrennur
Rennurnar frá Grövík Verk í Noregi eru gerðar úr 0.9 mm áli og tærast ekki,
ryðga né brotna. Fyrsta rennan var framleidd árið 1956 og er enn í notkun.
Litir til á lager: Svartar, hvítar, gráar, rauðbrúnar og ólitaðar.
Seljum einnig varmaskiptasamstæður, loftræstistokka og tengistykki.
Smiðjuvegi 4C
Box 281 202 Kópavogur
Sími 587 2202
Fax 587 2203
hagblikk@hagblikk.is
www.hagblikk.is
HAGBLIKK ehf.
Á Youtube eru frábær myndbönd fyrir þá sem treysta
sér til að læra hjólaviðgerðir undir leiðsögn á ensku.
 Ef fólk þarf að skipta um slöngu er
hægt að slá inn eftirfarandi:
How to repair a Flat Bicycle Tire
 Ef bæta þarf slöngu er það:
How to repair a Biccly puncture
 Ef stilla þarf gíra skal slá inn:
How to adjust bicycle gears
 Og ef yfirfara þarf bremsur er það:
Bicycle Repairs - How to Adjust Bicycle Front
Brakes
Þess má geta að þegar reiðhjól eru þrifin duga gaml-
ir tann- og uppþvottaburstar vel. Nota skal milt sápu-
vatn með uppþvottalegi og alls ekki of mikið af því.
Hér er aðeins átt við hreinsun á hjólastellinu en einnig
má þrífa það með bílabóni. Til að þrífa keðjur og
gjarðir er best að kaupa sérstök hreinsiefni.
Lærðu það
sjálfur á netinu
9. maí næstkomandi stendur Endurmennt-
unarskóli Tækniskólans fyrir námskeiði í
reiðhjólaviðgerðum þar sem fólk lærir léttar
viðgerðir og kemur með eigið hjól eða hjól
einhvers úr fjölskyldunni og lagar það um
leið.
Farið er yfir léttar viðgerðir og viðhald,
svo sem stillingar á stelli, hvernig reiðhjól er
yfirfarið til að átta sig á ástandi þess, hvernig
á að gera við sprungið dekk, laga loftþrýsting
og almenna umgengni við gjarðir. Þá er skipt
um bremsupúða og öryggisbil handbremsa
skoðað. Einnig eru gírar og keðjur smurð.
Þátttakendur koma með eigið reiðhjól.
Námskeiðið er einn dagur, frá 9-16, og
kostar 17.500 kr. en þess má geta að nám-
skeið Endurmenntunarskólans eru flest
styrkhæf hjá flestum fræðslusjóðum stétt-
arfélaga.
Sniðugt
námskeið