Morgunblaðið - 04.05.2015, Blaðsíða 15

FRÉTTIR 15Innlent
MORGUNBLAÐIÐ MÁNUDAGUR 4. MAÍ 2015
Landsmenn höfðust ólíkt að eftir því hvar þeir voru staddir á landinu um
helgina. Á austanverðu landinu var víða snjór yfir, en á suðvesturhorninu
mátti skynja vorið í björtu veðri. Lofthiti var þó ekki mikill og næstu daga
má búast norðlægum áttum með björtu veðri sunnanlands og vestan. Mest-
ur hiti í gær var á Hellu, 8,7 stig, en Skaftafell og Selvogur voru á svipuðu
róli. Á mælingastöðvum á láglendi var kaldast á Þingvöllum -7,3 gráður.
Morgunblaðið/Árni Sæberg
Metþátttaka Yfir 600 þátttakendur voru í Fossavatnsgöngunni á Ísafirði um helgina og hafa aldrei verið fleiri. Skyggni var lítið og færið erfitt, en fólk var ánægt og framkvæmdin gekk vel.
Morgunblaðið/Árni Sæberg
Fuglaganga Fræðsluganga var farin um grasagarðinn í Laugardal í gær í samstarfi við Fuglavernd og fræddi Hannes Þór Hafsteinsson, garð-
yrkjufræðingur og fuglaáhugamaður, fólk um þá fugla sem fyrir augu bar og auk þess var skoðað hvaða tegundir plantna laða að fugla.
Morgunblaðið/Sigurður Bogi
Undir Kirkjufelli Það var glatt á hjalla í Grundarfirði á laugardaginn, en þar var á ferð hópur fólks frá Skotlandi,
sem fylgdi vinafólki sínu sem lét gifta sig á fallegum stað skammt frá byggðarlaginu. Þegar brúðhjónin höfðu verið
pússuð saman stigu hljóðfæraleikarar úr fylgdarliði þeirra fram og létu vel í sér heyra. Ómaði söngur þeirra og
hljóðfærasláttur um svæðið og stórbrotin náttúra, með Kirkjufellið í baksýn, gerði stundina eftirminnilega.
Snjómokstur og fuglaganga
Vetur og sumar takast enn á og norðlægar áttir áfram í kortunum
Ljósmynd/Benedikt Hermannsson
Sumar eða vetur Takmarkanir hafa verið á notkun nagladekkja frá því um
miðjan síðasta mánuð og dæmi eru um menn hafi tvívegis skipt um dekk.
Nóg var að gera á Dekkjaverkstæði Sigurjóns í gær.
Morgunblaðið/Kristín Ágústsdóttir
Ekki sumarlegt Í Neskaupstað var allt hvítt og
nóg að gera í snjómokstrinum.