Morgunblaðið - 04.05.2015, Blaðsíða 17

FRÉTTIR 17Erlent
MORGUNBLAÐIÐ MÁNUDAGUR 4. MAÍ 2015
VANDAÐUR
vinnufatnaður
frá BULLDOG
á góðu verði
Hafðu samband og kynntu þér
vöruúrvalið og þjónustuna
Öryggisskór
Sýnileikafatnaður
Vinnufatnaður
Vinnuvetlingar
www.isfell.is
Ísfell ehf • Óseyrarbraut 28 • 220 Hafnarfjörður • Sími 5 200 500 • isfell@isfell.is
Vilhjálmur Bretaprins og Katrín
hertogaynja af Cambridge eign-
uðust stúlkubarn á laugardaginn en
fyrir eiga þau prinsinn Georg, sem
fæddist í hittifyrra. Fóru þau með
stúlkuna í gær til Kensington-
hallar, þar sem hún hitti ættingja
sína í fyrsta sinn. Lýstu Vilhjálmur
og Katrín yfir þakklæti sínu fyrir
þær kveðjur sem þeim höfðu borist,
hvaðanæva úr heiminum.
Á meðal þeirra sem komu til þess
að heilsa upp á stúlkuna voru Karl
Bretaprins, faðir Vilhjálms, og
eiginkona hans, Camilla, hertoga-
ynja af Cornwall.
Bretar bíða þess nú í ofvæni að
frétta hvað prinsessan nýfædda
eigi að heita. Segja veðbankar þar í
landi að Charlotte sé talið líklegast,
en Alice er í öðru sæti. Þá telja veð-
bankarnir einnig líklegt að stúlkan
gæti heitið Viktoría, Olivía og El-
ísabet, en færri Bretar virðast hafa
trú á því að stúlkan muni heita
Díana í höfuðið á ömmu sinni. AFP
Prinsessa
fædd í
Bretlandi
Bretar bíða í ofvæni eftir nafninu á nýjasta meðlim konungsfjölskyldunnar
Stefán Gunnar Sveinsson
sgs@mbl.is
Leitarmenn í Nepal björguðu Funchu Tamang,
101 árs gömlum Nepalbúa, úr rústum húss síns í
fyrradag, viku eftir jarðskjálftann sem reið yfir
landið um næstsíðustu helgi. Yfirvöld í Nepal
segja að minnsta kosti 7.200 manns hafa farist í
jarðskjálftanum svo vitað sé, og vara við því að sú
tala geti hækkað mjög, þegar leitarfólk kemst loks
að afskekktustu þorpunum í Himalaja-fjöllum.
Sagði Ram Sharan Mahat, fjármálaráðherra
landsins, að vitað væri um þorp þar sem öll hús
hefðu hrunið, sem enn hefði ekki tekist að komast
til.
Tamang reyndist eingöngu vera með minnihátt-
ar áverka á ökkla og hendi og var hann fluttur á
sjúkrahús með þyrlu. Í gær tókst lögreglumönn-
um í Nepal að bjarga þremur konum úr rústum í
Sindhupalchowk-héraði, en það varð einna verst
fyrir barðinu á skjálftanum.
Það þykir vera kraftaverki líkast að tekist hafi
að bjarga fólkinu um helgina, en yfirvöld höfðu
fyrr um laugardaginn sagt að líklega myndu ekki
finnast fleiri í rústunum á lífi.
Fyrirtæki sem sérhæfa sig í ferðum á Everest,
hæsta fjalli heims, tilkynntu í gær að þau hefðu
frestað vorferðum sínum á fjallið, en 18 manns lét-
ust í snjóflóði sem féll í kjölfar jarðskjálftans.
Dawa Steven leiðsögumaður sagði við AFP-
fréttastofuna að vegna eftirskjálfta væri einfald-
lega ekki hægt að halda áfram með klifur. Þá hefði
snjóflóðið eyðilagt þær fjallgönguleiðir sem fyrir
væru. Það væri því ekki hægt að klífa fjallið fyrr
en búið væri að hreinsa þær.
Ferðamannaráð Nepals hafði áður ráðið fjall-
göngumönnum frá því að hætta við ferðir sínar, og
hafa yfirvöld í Nepal ekki enn tekið ákvörðun um
að loka fjallinu. Um 800 manns voru á Everest
þegar snjóflóðið skall á.
Fannst á lífi 101 árs gamall
 Björgunarstörf halda áfram í Nepal  Búið að fresta öllum ferðum á Everest
AFP
Nepal Osprey-flugvélar lenda með hjálpargögn.
Strandgæsla Líbíu stöðvaði í gær
fimm báta á Miðjarðarhafi með
500 flóttamönnum innanborðs og
skipuðu þeim að snúa til baka.
Talsmaður líbíska sjóhersins vildi
ekki segja hvað yrði um fólkið, en
landið rekur sérstaka flótta-
mannastöð í borginni Misrata.
Svo virðist sem hin mikla flóð-
bylgja flóttafólks frá Norður-
Afríku og Sýrlandi yfir Miðjarð-
arhafið sé hvergi nærri í rénun,
en Bettica, skip ítalska flotans, tók
um 400 flóttamenn um borð í gær
af tveimur mismunandi bátum.
Daginn áður hafði ítalska strand-
gæslan bjargað um 3.700 flótta-
mönnum úr sjávarháska.
Ferðin yfir Miðjarðarhafið þykir
mjög hættuleg og fundust í gær
lík tíu flóttamanna. Bætast þeir í
hóp um 1.750 annarra sem hafa
drukknað á leið sinni til Evrópu í
ár.
500 flóttamenn
stöðvaðir í hafi
LÍBÍA
Stephanie Rawl-
ings-Blake,
borgarstjóri
Baltimore, af-
létti í gær út-
göngubanninu
sem verið hefur
í gildi frá því á
þriðjudaginn,
degi fyrr en
áætlað var.
Þjóðvarðlið
Maryland-ríkis hefur jafnframt
dregið lið sitt frá borginni.
„Markmið mitt var alltaf að hafa
bannið ekki í gildi degi lengur en
nauðsynlegt var,“ sagði Rawlings-
Blake á Twitter-síðu sinni í gær.
Bannið var sett á í kjölfar
óeirða í borginni eftir að Freddie
Gray, 25 ára gamall blökkumaður,
var borinn til grafar, en hann lést
í haldi lögreglunnar 17. apríl síð-
astliðinn.
Saksóknarar Maryland-fylkis
sögðu fyrir helgi að Gray hefði
aldrei átt að vera handtekinn og
hafa kært sex lögregluþjóna fyrir
aðild sína að drápi hans.
Útgöngubanninu
aflétt í Baltimore
Stephanie
Rawlings-Blake
BANDARÍKIN
Túnisbúar breiddu úr risavöxnum
fána í suðurhluta landsins við Ong
Jmel á laugardaginn, og var ætl-
unin að fáninn kæmist í heims-
metabók Guinness sem stærsti fáni
sem nokkurn tímann hefði verið bú-
inn til. Jafnframt var fánanum ætl-
að að undirstrika þjóðernishyggju í
Túnis gegn íslamisma.
Fáninn er á við 19 knatt-
spyrnuvelli að stærð og komu
hundruð manna saman til þess að
aðstoða við að breiða úr honum, á
meðan heiðursvörður lék undir
þjóðsöng Túnis.
Skipuleggjendur sögðu að það
hefði þurft um 80 kílómetra af efni
til þess að búa fánann til, en hann
er 104.544 fermetrar að stærð og
vegur 12,6 tonn.
Raya Ben Guiza, talsmaður verk-
efnisins, sagði að hugmyndin hefði
komið til árið 2012 eftir að nemandi
við Manouba-listaháskólann reif
niður fána landsins og reisti svart-
an fána íslamista í staðinn. Hann
réðst síðan á Khaoulu Rachidi, sam-
nemanda sinn, þegar hún reyndi að
reisa fánann aftur að húni, en hún
varð að þjóðhetju fyrir vikið.
Stærsti fáni heims í Túnis
AFP
Risavaxinn Breitt úr stærsta fána heims á laugardaginn. Fáninn vegur 12,6
tonn og er á stærð við 19 knattspyrnuvelli, en hann þekur 104.544 fermetra.