Morgunblaðið - 04.05.2015, Blaðsíða 30

30 ÍSLENDINGAR
MORGUNBLAÐIÐ MÁNUDAGUR 4. MAÍ 2015
Það er kominn hálfleikur og ég ætla bara að halda almenni-legt partí um næstu helgi. Það þykir ekki gott í minni fjöl-skyldu að storka örlögunum með því að halda upp á afmæl-
ið fyrir afmælisdaginn,“ segir Borgar Þór Einarsson lögmaður.
Hann er einn af eigendum CATO lögmanna og helstu sérsvið hans
eru bankaréttur, verðbréfamarkaðsréttur, félagaréttur, málflutn-
ingur og samningaréttur, eins og segir á vefsíðu lögmannsstof-
unnar.
Borgar stofnaði vefritið Deigluna fyrir 17 árum. „Deiglan er því
stór hluti af mínu lífi, hún er orðin stjórnmálafélag og var stofnuð
sem slíkt í fyrra. Þetta er félagsskapur sem aðhyllist ákveðnar
grundvallarskoðanir sem eru einstaklingsfrelsi, mannréttindi og
viðskiptafrelsi og vinnur að því að koma þeim hugsjónum í fram-
kvæmd. Deiglan er orðin meira en vefrit og hefur þróast í það sem
kalla má hugveitu.
Mér finnst ég alltaf vera í pólitík en ég byrjaði ungur að taka
þátt í starfi Sjálfstæðisflokksins. Það er hluti af því að taka þátt í
samfélaginu að leggja sitt lóð á vogarskálarnar í hugsjónastarfi,
jafnvel þótt maður hafi atvinnu af öðru. Nú er ég að komast á þann
aldur að geta hvatt „unga fólkið“ til að gera slíkt í ríkari mæli!“
Borgar er kvæntur Kristínu Hrefnu Halldórsdóttur, viðskipta-
stjóra hjá Meniga. Hann á fjögur börn, Breka Þór, 17 ára, Marselíu
Bríeti, 16 ára, Önnu Soffíu, 5 ára og Patrek Þór, 3 ára, auk stjúp-
dótturinnar Sigrúnar Lífar sem er tvítug.
Borgar Þór Einarsson er fertugur í dag
Fjölskyldan Frá vinstri: Marselía Bríet, Borgar Þór, Patrekur Þór,
Breki Þór, Sigrún Líf, Anna Soffía og Kristín Hrefna.
Partý í hálfleik
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Margrét Guðvinsdóttir á Sauð-
árkróki, eða Magga í Blómabúðinni,
er 80 ára í dag. Hún fæddist í Stóru-
Seylu í Skagafirði 4. maí 1935 og
starfrækti Blóma- og gjafabúðina á
Sauðárkróki um margra ára skeið.
Hún fagnaði tímamótunum um
helgina í faðmi fjölskyldu og vina.
Árnað heilla
80 ára
Dalvík Sigurlaug Anna Guðmunds-
dóttir fæddist 4. maí 2014 kl. 05.05.
Hún vó 3.178 g og var 51 cm löng. For-
eldrar hennar eru Guðmundur Már
Guðmundsson og Bjarney Anna
Bjarnadottir.
Nýir borgarar
Akureyri Franz Hrólfur Friðriksson
fæddist 4. maí 2014 kl. 01.12. Hann vó
3.550 g og var 51 cm langur. Foreldrar
hans eru Friðrik Ragnar Friðriksson
og Laufey Hrólfsdóttir.
B
enedikt fæddist í
Reykjavík 4.5. 1955 og
ólst upp í Laug-
arásnum í Reykjavík.
Hann fór í sveit í
Kílakot við Víkingavatn í Keldu-
hverfi.
Benedikt gekk í Langholtsskóla
og Vogaskóla, var í MR og lauk
stúdentsprófi þaðan 1975, lauk
BS-prófi í stærðfræði með hag-
fræði sem aukagrein frá Univers-
ity of Wisconsin 1977, lauk MS-
prófi í tölfræði 1979 frá Florida
State University og frá sama skóla
Ph.D. í tölfræði með stærðfræði
sem aukagrein árið 1981. Þá
gegndi hann rannsóknastöðu við
Université de Montréal 1982.
Á æsku- og unglingsárum bar
Benedikt út Morgunblaðið og var
sendill hjá Morgunblaðinu og
Fjarhitun. Þá starfaði hann í brú-
arvinnu víða um land á náms-
árunum. Benedikt var kennari við
Verslunarskóla Íslands 1982-86,
stundakennari þar til 1991 og
stundakennari við Háskóla Íslands
1982-88. Benedikt stofnaði ráðgjaf-
arfyrirtækið Talnakönnun 1984 og
Útgáfufélagið Heim árið 2000 og
er framkvæmdastjóri beggja þess-
ara fyrirtækja. Hann var auk þess
deildarstjóri tjónadeildar Sjóvár-
Almennra trygginga 1989-90.
Stjórnarmaður
Benedikt hefur setið í ýmsum
stjórnum, m.a. stjórn Skipaútgerð-
ar ríkisins, Framkvæmdasjóðs Ís-
lands, Tryggingastofnunar rík-
isins, Nýherja, Myllunnar,
Skeljungs, Útgerðarfélags Ak-
ureyringa, Eimskipafélags Íslands,
Burðaráss, Sjóvár, Sjúkratrygg-
inga Íslands, N1, VÍS, Íslensku
óperunnar, Íslenska stærðfræða-
félagsins, Félags ísl. trygg-
ingastærðfræðinga og Hollvina-
félags Menntaskólans í Reykjavík.
Benedikt Jóhannesson, stærðfr. og framkvæmdastjóri – 60 ára
Fjölskyldan Benedikt og Vigdís, ásamt móður Vigdísar, börnum, tengdabörnum, nýskírðum Vigdísi yngri og Önnu
Lilju, og prestinum, séra Karli Valgarði Matthíassyni, sem er fjölskylduvinur þeirra hjóna. Myndin var tekin 2012.
Töluglöggur og skarp-
greindur húmoristi
Á toppnum Benedikt í sumarklæðn-
aði, ásamt Vigdísi, á Mont Blanc.
MOSFELLSBAKARÍ
Háholti 13-15 Mosfellsbæ | Háaleitisbraut 58-60 Reykjavík
s. 566 6145 | mosfellsbakari.is
Ert þú búin að prófa
nýja súrdeigsbrauðið okkar?
Renndu við í Mosfellsbakarí og fáðu þér hollara brauð.