Morgunblaðið - 04.06.2015, Page 28
28 MINNINGAR
MORGUNBLAÐIÐ FIMMTUDAGUR 4. JÚNÍ 2015
✝ Stefán SölviFjeldsted fædd-
ist 30. apríl 2013.
Hann lést 28. maí
2015.
Foreldrar Stef-
áns Sölva eru
Hjörtur Fjeldsted,
f. 13. nóvember
1980, og Hulda Ósk
Karlsdóttir, f. 3.
mars 1980. Systkini
Stefáns Sölva eru
Amelía Rún Fjeldsted, f. 4. júní
2004, og Hjörtur Karl Fjeldsted,
f. 23. júní 2009.
Foreldrar Hjart-
ar eru Hjörtur
Fjeldsted, f. 18.
desember 1957, og
Marta Haralds-
dóttir, f. 29. maí
1954.
Foreldrar Huldu
Óskar eru Áslaug
Torfadóttir, f. 3.
janúar 1939, og
Karl Sigurjónsson,
f. 8. mars 1936.
Útför Stefáns Sölva fer fram
frá Keflavíkurkirkju í dag, 4.
júní 2015, kl. 15.
Elsku litli fallegi strákurinn
okkar.
Það eru engin orð til yfir það
hversu mikið mamma og pabbi
sakna þín.
Litli Stebbalingurinn okkar
sem barðist eins og hetja við sinn
sjúkdóm alveg fram á síðustu
stundu, síðustu mánuðir voru þér
svo erfiðir, litli líkaminn þoldi
bara ekki meir. Þú kenndir okkur
svo margt um lífið og snertir
hjörtu allra sem fengu að kynn-
ast þér.
Þú ert og verður alltaf litla
hetjan okkar. Þótt hjartað okkar
sé brotið núna þá brosum við í
hjartanu við tilhugsunina að þér
líði vel núna, frjáls frá öllum veik-
indum, hlaupandi um með öllum
hinum englabörnunum.
Takk fyrir að velja okkur sem
foreldra, elsku fallegi engillinn
okkar.
Minningar um duglega ofur-
hetju munu alltaf hvíla í hjörtum
okkar.
Mamma og pabbi.
Elsku Stefán Sölvi, litli fallegi
og yndislegi bróðir okkar. Við er-
um mjög leið yfir því að þú sért
farinn frá okkur en þú átt alltaf
sérstakan stað í hjarta okkar.
Okkur fannst alltaf jafn gott að
koma heim og knúsa þig og kyssa
en ekki getum við gert það núna.
Þegar við hugsum til baka sjáum
við allar góðu stundirnar okkar
saman. Verst var að við gátum
ekki farið eitthvert öll saman og
skemmt okkur af því að þú barð-
ist við erfið veikindi. Þú ert
verndarengill okkar og við hugs-
um alltaf um þig. Við erum afar
þakklát fyrir að hafa átt þig sem
bróður.
Kveðja, systkini þín,
Amelía Rún og
Hjörtur Karl.
Elsku litli fallegi drengurinn
okkar hefur nú lokið sínu lífs-
hlaupi aðeins tveggja ára gamall.
Í minningunni er svo stutt síðan
börnin okkar þau Hjörtur og
Hulda sögðu okkur að þau ættu
von á þriðja barninu og við fengj-
um þar með sjötta barnabarnið.
Hugleiðingarnar um hvort kynið
væri í vændum og hverjum það
líktist voru viðraðar.
En svo kom draumurinn um
litlu brothættu hrísluna í garðin-
um hjá okkur og litla hríslan
laufgaðist ekki.
Mikill var léttirinn þegar litli
fallegi drengurinn fæddist, svo
fallegur og heilbrigður að sjá, en
fljótlega kom í ljós að það var
eitthvað að og fallegi drengurinn
okkar dafnaði ekki. Nú voru það
ekki hugleiðingar um hvort hann
yrði fótboltastrákur eða hvort
hann ætti eftir að renna sér á
skíðum, heldur kom vonin um að
hann myndi ná að halda höfði og
ganga, en minnstu vonirnar
runnu í sandinn og við horfðum
upp á þegar blik augnanna dofn-
aði og fallega brosið sem hann
hafði gefið okkur hvarf.
Brostu til barnsins litla,
sem bugast við táraský,
Það brosir aftur með opnum vörum
og augu þess ljóma á ný.
(Magnús frá Skógi á Rauðasandi)
Það hefur verið erfitt að fylgj-
ast með veikindum Stefáns Sölva
og að geta ekki haft vonina um
bata til að styðja sig við, en við er-
um svo þakklát að hafa fengið
hann inn í líf okkar og að fá að
vera amma hans og afi. Elsku litli
strákurinn okkar var alla tíð um-
vafinn svo mikilli ást og kærleik,
það var aðdáunarvert að horfa á
þau Hjört og Huldu og systkinin
þau Amelíu Rún og Hjört Karl
annast hann af allri sinni alúð og
ást. Og svo var það fólkið í kring-
um þau og allt samfélagið hér á
Suðurnesjum, stuðningsforeldr-
arnir þau Heiða og Balli og þeirra
börn sem önnuðust hann og
færðu honum alla sína ást og
kærleika. Allir vinirnir sem
studdu við bakið á þeim og voru
ætíð til staðar á þessum erfiða
tíma og erum við þeim þakklát
fyrir það.
Litli kúturinn okkar dvaldi
mikið á Barnaspítala Hringsins
og Rjóðrinu og fékk þar alla
bestu umönnun sem völ er á hjá
því yndislega fólki sem þar starf-
ar.
Það er svo sárt að þurfa að
kveðja elsku fallega drenginn
okkar, við hefðum viljað fá að sjá
fyrstu sporin, fyrstu orðin og svo
margt fleira, en við verðum að
sætta okkur við ákvörðun drott-
ins og trúa því að nú sé hann á
betri stað og umvafinn ást og
kærleika eins og alls staðar þar
sem hann kom.
Allt eins og blómstrið eina
upp vex á sléttri grund
fagurt með frjóvgun hreina
fyrst um dags morgunstund,
á snöggu augabragði
af skorið verður fljótt
lit og blöð niður lagði
líf mannlegt endar skjótt.
Ég lifi’ í Jesú nafni,
í Jesú nafni’ eg dey,
þó heilsa’ og líf mér hafni,
hræðist ég dauðann ei.
Dauði, ég óttast eigi
afl þitt né valdið gilt,
í Kristí krafti’ eg segi:
Kom þú sæll, þá þú vilt.
(Hallgrímur Pétursson)
Megir þú hvíla í friði, elsku
hjartans fallegi Stefán Sölvi, og
takk fyrir að fá að vera hluti af lífi
þínu.
Þú verður ætíð litli fallegi
strákurinn okkar.
Marta amma og Hjörtur afi.
Elsku fallegi engillinn okkar.
Nú ertu farinn héðan eftir þína
stuttu og erfiðu dvöl. Meirihlut-
inn af lífi þínu var hörð barátta og
háðuð þið fjölskyldan þín harða
orrustu alveg til síðustu stundar.
Því miður varstu orðinn þreyttur
og vildir fá að hvíla þig þar sem
baráttan var orðin hörð og erfið.
Við munum alltaf minnast þess
hversu mikil hetja þú varst og
fjölskyldan sem þú hafðir í kring-
um þig. Við verðum nú líka að
minnast á allt yndislega fólkið
sem aðstoðaði mömmu þína og
pabba þegar þau þurftu á því að
halda. Þegar við sögðum henni
Rúnu Maríu frænku þinni frá því
að þú værir floginn burt til engl-
anna sagði hún við okkur að lítil
börn gætu ekki dáið því þau ættu
eftir að verða fullorðin. En sú er
nú raunin ekki, við fæðumst og
vitum ekki hversu langan tíma
við fáum hér. Þinn tími var stutt-
ur og hefðum við viljað hafa þig
lengur hjá okkur en því fáum við
ekki ráðið. Það sem þú hefur
kennt okkur er það að ekkert líf
er sjálfgefið og við eigum að
rækta okkur og þá sem við elsk-
um því við vitum aldrei hvenær
okkar tími er liðinn hér. Eins og
svo oft hefur verið sagt varst þú
svo heppinn með foreldra og
systkini þín sem stóðu sig eins og
hetjur í baráttunni þinni og hafa
þau vaxið og þroskast og komið
út sem sterkari einstaklingar og
orðið að samheldnari fjölskyldu.
Elsku Stefán Sölvi okkar, við
munum minnast þín með kær-
leika og söknuði. Megi guð
geyma þig, elsku litli kútur.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson)
Elsku Hjörtur, Hulda, Amelía
Rún og Hjörtur Karl, megi guð
styrkja ykkur og jafnframt færa
ykkur kærleik á þessum erfiðu
tímum.
Samúðarkveðja
Bjarki, Guðmunda
og dætur.
Elsku Stefán Sölvi okkar. Það
var gott að hafa þig hjá okkur. Þú
ert fallegasti strákurinn sem við
höfum séð og núna ertu fallegasti
engillinn okkar.
Við elskum þig, besti vinur
okkar.
Innilegar samúðarkveðjur,
elsku Hulda, Hjörtur, Amelía
Rún, Hjörtur Karl og fjölskyldur.
Minningar um hetjuna okkar
eiga stóran stað í hjarta okkar.
Ó, sofðu, blessað barnið frítt,
þú blundar vært og rótt.
Þig vængir engla vefja blítt
og vindar anda hljótt.
Af hjarta syngja hjarðmenn þér
til heiðurs vögguljóð sem tér:
Sofðu rótt, sofðu rótt, vært og rótt,
sofðu rótt.
(Þýð. Þorgils Hlynur Þorbergsson)
Heiða, Baldur (Balli),
Alexander Breki, Katrín Ýr
og Olgeir Aron.
Endar nú dagur, en nótt er nær,
náð þinni lof ég segi,
að þú hefur mér, Herra kær,
hjálp veitt á þessum degi.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sigurður Jónsson frá Presthólum)
Innilegar samúðarkveðjur til
ykkar elsku Hulda, Hjörtur,
Amelía Rún, Hjörtur Karl og
stórfjölskylda. Minning um góð-
an dreng lifir í hjörtum okkar.
Með kærleikskveðju frá æsku-
vinkonum Huldu,
Ásdís, Heiða, Hildur, Hilma,
Hjördís, Margrét Arna,
María, Ólína og Sigrún.
Fimmtudagurinn 28. maí.
Versti dagur sem við höfum upp-
lifað. Þetta er dagurinn sem ég
vissi að myndi koma og kveið svo
fyrir honum. Ég hélt bara að
þessi dagur kæmi ekki strax.
Dagurinn sem þú fórst til Guðs.
Við fórum til þín á miðviku-
dagskvöldinu, þetta leit ekki vel
út, en við vonuðum. Vonin er svo
sterk. Símtalið sem kom á
fimmtudagsmorgun. Við að fara
að bruna inn á Barnaspítala til
þín, en svo kemur annað símtal
strax eftir hitt um að þú værir
farinn. Höggið sem kom. Lítill
tveggja ára strákur, farinn til
Guðs. Ég hélt að við hefðum
meiri tíma, meiri tíma til að koma
að heimsækja þig, meiri tíma til
að spjalla og syngja fyrir þig. Ég
vildi ekki að þú færir, en þú varst
orðinn svo veikur og ég var eig-
ingjörn og vildi hafa þig hér hjá
okkur áfram. Ég vildi að ég hefði
heimsótt þig oftar. Nú hef ég ekki
tækifæri til þess.
Jökull Elí fann gamlar snudd-
ur hér heima um daginn og einn
skó. Hann ætlaði að gefa þér það.
Nú hefur hann ekki tækifæri til
þess. Hann skilur þetta ekki. Þú
ert uppi í skýjunum, rétt hjá
tunglinu og verður stjarna þegar
það verður dimmt. Það finnst
honum mjög spennandi og sagð-
ist vilja fara þangað líka til að
hitta þig. Svona er þetta einfalt
hjá fjögurra ára frænda þínum.
Ég vildi að þetta væri svona ein-
falt hjá okkur hinum.
Mig er búið að dreyma þig frá
því að þú fórst. Ég er alltaf að
hugsa um þig, elsku engillinn
minn. Mamma þín og pabbi eru
svo ótrúlega dugleg. Þau taka
sorginni af svo miklu æðruleysi.
Ég trúi að nú getir þú hlaupið um
og leikið þér, ekkert þjáður. Sért
bara venjulegur tveggja ára
strákur uppi hjá Guði. Á þessum
stutta tíma þínum á jörðinni hef-
ur þú snert svo marga og kennt
manni svo mikið. Þú fékkst okkur
til að horfa svo öðruvísi á lífið. Við
vorum heppin að fá að vera hluti
af þínu lífi, þínu stutta lífi. Þú
gafst okkur svo mikið. Það hefur
verið tekið vel á móti þér þarna
uppi. Lóa frænka þín, Bússi afi og
fleiri hafa beðið eftir þér við hlið-
ið og passa þig.
Hvíldu í friði, elsku fallegi
Stefán Sölvi. Þú ert fallegasti
engillinn á himninum.
Þangað til næst, við elskum
þig og minning þín er í hjörtum
okkar.
Anna Björk, Elí Már
og Jökull Elí.
Stefán Sölvi
Fjeldsted
HINSTA KVEÐJA
Það er sárt að þurfa að
kveðja þig, litli fallegi
frændi. En nú vitum við að
þér líður betur og ert um-
vafinn öllum þeim kærleik,
ást og hlýju sem þú naust
hér hjá okkur í þessu lífi
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesús, að mér gáðu.
(Ásmundur Eiríksson)
Elsku Hjörtur, Hulda,
Amelía Rún, Hjörtur Karl
og aðrir aðstandendur, guð
gefi ykkur styrk í ykkar
miklu sorg. Minningin um
litla fallega engilinn okkar
lifir.
Helga og Guðmundur
(Gummi).
Morgunblaðið birtir minningargreinar endurgjaldslaust alla
útgáfudaga.
Formáli | Minningargreinum fylgir formáli sem nánustu aðstand-
endur senda inn. Þar koma fram upplýsingar um hvar og hvenær sá
sem fjallað er um fæddist, hvar og hvenær hann lést og loks hvaðan og
klukkan hvað útförin fer fram. Þar mega einnig koma fram upplýs-
ingar um foreldra, systkini, maka og börn. Ætlast er til að þetta komi
aðeins fram í formálanum, sem er feitletraður, en ekki í minning-
argreinunum.
Undirskrift | Minningargreinahöfundar eru beðnir að hafa skírn-
arnöfn sín en ekki stuttnefni undir greinunum.
Minningargreinar
SIGRÚN HELGADÓTTIR,
Sólheimum 42,
Reykjavík,
lést fimmtudaginn 28. maí.
Útförin fer fram föstudaginn 5. júní kl. 11
frá Langholtskirkju.
.
Hannes Pálsson,
Guðrún Hannesdóttir, Þorbjörn Broddason,
Kristín Hannesdóttir, Nicholas Groves-Raines,
Halla Hannesdóttir, Vífill Magnússon,
Páll H. Hannesson, Liv Jorunn Seljevoll,
Pétur H. Hannesson, Erla Dís Axelsdóttir
og fjölskyldur.
Elsku maðurinn minn, pabbi, tengdapabbi,
afi og langafi,
SIGURÐUR KONRÁÐ KONRÁÐSSON,
Noregi,
lést á Ullevål sjúkrahúsinu í Ósló
sunnudaginn 31. maí.
.
Else Marie Pedersen,
Sigríður Sigurðardóttir, Eiríkur Ingimagnsson,
Kjartan B. Sigurðsson, Unnur Erla Malmquist,
Birgir Sigurðsson, Hildur Loftsdóttir,
Sigdís Haukåssveen, Ove Haukåssveen,
barnabörn og barnabarnabörn.
Ástkær móðir mín, tengdamóðir, amma og
langamma,
ANNA MAGDALENA JÓNSDÓTTIR,
Dvalarheimilinu Höfða,
áður að Laugarbraut 23,
Akranesi,
lést þriðjudaginn 26. maí.
Útförin fer fram frá Akraneskirkju föstudaginn 5. júní kl. 14.
Blóm og kransar vinsamlega afþakkaðir en þeim sem vilja
minnast hennar er bent á minningarkort Höfða.
.
Friðrik Vignir Stefánsson, Svanhildur Bogadóttir,
Anna María Friðriksdóttir,
Guðni Leifur Friðriksson,
Stefán Jón Friðriksson,
Rósa Dís Friðriksdóttir,
Berglind Magnúsdóttir Frost,
Hulda Magnúsdóttir,
Jóhanna V. Ríkharðsdóttir,
Kristín H. Ríkharðsdóttir
og aðrir aðstandendur.
Ástkær eiginkona mín, móðir, dóttir og
systir,
VALA INGIMARSDÓTTIR,
Einimel 11,
Reykjavík,
lést á líknardeild Landspítalans í Kópavogi
mánudaginn 1. júní.
Útförin fer fram frá Hallgrímskirkju miðvikudaginn 10. júní kl. 13.
Þeim sem vilja minnast hennar er bent á líknardeild
Landspítalans.
.
Bjarni Þórður Bjarnason,
Bryndís Líf Bjarnadóttir,
Ingimar Stefán Bjarnason,
Ingimar Jóhannsson, Lillý Valgerður Oddsdóttir,
Oddný Ingimarsdóttir, Thorsteinn Jóhannesson,
Oddur Ingimarsson, Soffía Valgarðsdóttir,
Davíð Ólafur Ingimarsson.
Elskuleg móðir okkar,
ÁGÚSTA MARGRÉT VIGNISDÓTTIR,
áður til heimilis að Víkurbraut 30,
Höfn í Hornafirði,
lést á hjúkrunarheimilinu Skjólgarði á Höfn
31. maí.
Útför fer fram frá Hafnarkirkju þriðjudaginn 9. júní kl. 13.
Þeim sem vilja minnast hennar er bent á hjúkrunarheimilið
Skjólgarð.
Fyrir hönd annarra aðstandenda,
.
Vignir Þorbjörnsson,
Ólafur Björn Þorbjörnsson,
Örn Þór Þorbjörnsson,
Guðjón Hermann Þorbjörnsson.