Bókasafnið - 01.05.2013, Síða 22

22

Nútímatækni hefur haft mikil áhrif á starfsemi sérfræðibóka-
safna, sem hefur leitt til bæði jákvæðra og neikvæðra breyt-
inga. Hér mun ég rifja upp tímabilið frá árinu 2000 fram til
dagsins í dag. Ég mun að lokum hugleiða hvaða verkefni
bókasafns- og upplýsingafræðingar (hér eftir notað bóka-
safnsfræðingar) geta tileinkað sér og þau tækifæri sem þeir
gætu nýtt sér í breyttum heimi upplýsinga. Einnig verður
greint frá hvaða breytingum við getum átt von á fram til ársins
2020. Ég mun aðallega fjalla um þetta tímabil út frá minni
reynslu og legg þar með aðaláherslu á heilbrigðisvísinda-
bókasöfnin. Þær breytingar sem hafa átt sér stað hjá heil-
brigðisvísindabókasöfnum eru samsvarandi og hjá flestum
sérfræðisöfnum hvað tæknina varðar, en breytingar síðustu
ára, svo sem skipulagsbreytingar, niðurskurður og fækkun
starfsfólks eru mest áberandi hjá heilbrigðisvísindasöfnunum.
Það er mismunandi hvernig sérfræðibókasöfn eru skil-
greind, en öll falla þau undir skilgreininguna upplýsingamið-
stöðvar. Sum flokkast undir vísinda- og rannsóknasöfn. Þau
geta verið í eigu ríkis eða sveitarfélaga, félagasamtaka eða
fyrirtækja í einkaeign, en þau teljast ekki til almenningssafna,
skólasafna né háskólabókasafna.
Helstu tegundir sérfræðibókasafna eru: banka- og fjármála-
fyrirtækjabókasöfn, sérfræðibókasöfn félagasamtaka, heil-
brigðisvísindabókasöfn, hugvísinda- og listabókasöfn, laga-
og stjórnsýslubókasöfn, náttúrufræðabókasöfn og verkfræði-
og tæknibókasöfn.
Sérfræðibókasöfn á breyttum tímum
Samkvæmt upplýsingum sem ég fékk með fyrirspurn minni
á póstlista Skruddu sumarið 2012 eru 57 stofnanir hér á landi
sem eru með safnkost. Í sumum stofnunum eru ekki lengur
starfandi bókasafnsfræðingar og eru sumar þeirra nú ein-
göngu skjalasöfn. Þessar 57 stofnanir og fyrirtæki eru:
Almenna verkfræðistofan
Biskupsstofa
Bókasafn Alþingis
Bókasafn Dagsbrúnar (Reykjavíkurakademían)
Bókasafn Landsvirkjunar
Dómstólar
Efla
Flugmálastjórn
Geislavarnir ríkisins
Hafrannsóknarstofnun/ Sjávarútvegsbókasafnið
HS Orka
Heilbrigðisvísindabókasafn LSH
Heilbrigðisvísindabókasafn FSA
Heilsugæslan í Reykjavík/skjalasafn
Iðntæknistofnun Íslands
Landmælingar Íslands
Listasafn Íslands, bókasafn
Listasafn Reykjavíkur
Ljósmyndasafn Reykjavíkur
Logos, lögmannskrifstofa
Lögmannafélag Íslands
Sólveig Þorsteinsdóttir er með stúdents- og kennarapróf frá Kennaraskóla Íslands 1973-1974,
BS-gráðu í skólabókasafnsfræðum 1979 frá Eastern Michigan University, Bandaríkjunum og MALS
gráðu í læknisfræðibókasafnsfræði 1980 frá University of Michigan.
Hún starfar sem verkefnisstjóri á Heilbrigðisvísindabókasafni Landspítala