Dagblaðið Vísir - DV - 16.01.2009, Page 21
föstudagur 16. janúar 2009 21Helgarblað
sem það er ekki mikil vinna hjá mér
fram undan ætla ég að nýta tímann
minn í uppbyggingarstarfið. Ég gæti
vel hugsað mér að fara út í einhvers
konar fjölmiðla- og stjórnmálastarf í
framtíðinni.“
Sjálfur stofnaði Þórarinn vefritið
gagnauga.is á sínum tíma og leggur
ríka áherslu á að hann vilji ekki starfa
við hlutlausa fréttamennsku. „Ég tel
alls ekkert nauðsynlegt að þeir sem
stofna litla fjölmiðla séu hlutlausir.
Við sjáum það líka að þeir fjölmiðlar
sem reyna að vera hlutlausir eru það
ekki.“
Skríll er gildislægt hugtak
Þórarinn nefnir sjálfur nýleg dæmi
úr fjölmiðlum þar sem honum finnst
hlutleysis ekki hafa verið gætt.
„Nýlegt dæmi er Morgunblað-
ið sem talar um mótmælendur sem
skríl sem er mjög gildislægt hugtak.
Auk þess þykir mér skýr ummerki
þess að Morgunblaðið hafi verið beitt
þrýstingi að ofan þegar bloggummæli
voru fjarlægð við tvær fréttir á mbl.
is er varða Ólaf og Guðmund Klem-
enssyni. En Ólafur er hagfræðingur í
Seðlabankanum og á greinilega öfl-
uga vini. Svo fór Stöð 2 mikinn í lyg-
um um mótmælin á gamlársdag þar
sem ég stóð bæði Sigmund Erni og
Ara Edwald að lygum og ýkjum. Ég
mætti þarna fyrstur manna að skoða
aðstæður en ég var með son minn og
hélt mér því fyrir utan átökin. Eftir á
talaði ég hins vegar við marga, mót-
mælendur, lögreglumenn og starfs-
fólk Stöðvar 2. Ég sá það strax að mið-
að við lýsingar allra lét Sigmundur
Ernir skáldskapardæluna ganga.“
Of mikið gert úr
brotnum rúðum
Aðspurður hvort mótmælendur gangi
aldrei of langt í sínum aðgerðum svar-
ar Þórarinn: „Það má gagnrýna það
að ýmislegt sem mótmælendur hafa
gert sé óþarfi og varpi slæmu orði á
hópinn. Mér finnst það hins vegar svo
smávægilegt miðað við þær skemmd-
ir sem unnar hafa verið á íslensku
efnahagslífi. Mér finnst í rauninni
ömurlegt hversu mikið mál er gert úr
brotnum rúðum meðan ráðamenn
og auðmenn sitja sem fastast í sínum
stöðum.“
Getum ekki losnað við þetta lið
Þórarinn viðurkennir fúslega að
honum þyki mótmælin ekki skila
árangri gagnvart yfirvöldum. „Hins
vegar skila þau sér í auknum sam-
takamætti og frumkvæði fólksins
sjálfs sem er jafnvel mikilvægari
árangur til lengri tíma litið. Valdið
kemur frá fólkinu og ég hef þá af-
stöðu að það sé sjálfsagt að nota all-
ar vígstöðvar sem fólk hefur, hversu
máttlausar sem þær kunna að vera.
Ég sé það líka sérstaklega að við
búum við það sem ég kalla fulltrúa-
einræði þar sem við kjósum okkur
fulltrúa sem við sitjum uppi með í
fjögur ár því þeir hafa nánast ein-
ræðisvald og komast upp með allt.
Líka öll lögbrot. Við getum ekkert
losnað við þetta lið og það er sama
hversu margir mæta í friðsöm mót-
mæli og hversu oft, það hefur ekki
áhrif.“
Hann segir þó ekki koma til greina
að hætta að mótmæla enda snúist
mótmælin um þátttöku frekar en út-
komu. „Fremur en að sitja heima ætla
ég að halda áfram að mótmæla. Þetta
er ekki spurning um það hvort menn
séu að ná árangri eða ekki. Aðalmál-
ið er að mæta á mótmælin og tjá sig.
Þannig sýnir maður sína afstöðu og
sýnir að manni sé ekki sama. Þegar
maður tekur þátt í kosningum getur
maður líka sagt að eitt atkvæði skipti
engu máli þannig séð í talningu. Það
skiptir hins vegar máli fyrir þann
sem kýs hvaða afstöðu hann tekur og
hvernig hann lifir í sátt við sjálfan sig
og sína afstöðu. Þátttakan er aðalat-
riðið en ekki útkoman.“ krista@dv.is
MótMælir
Með barnið
í fanginu
„Mótmælendur beita ekki ofbeldi“
Þórarinn segir ofbeldi sem brjótist út á
mótmælum vera fyrst og fremst
lögreglunnar.
Kýs að mæta með barnið frekar en
að setja það í pössun Þórarinn segir
að sér finnist gott að börnin fái sitt
tækifæri til að vera viðstödd mótmælin.